Últtyq bank 12 jeltoqsannan bastap nominaly 100 tengelik, kýmisten jәne tantaldan «Zodiak belgileri» seriyasynan bikolorly kolleksiyalyq monetalardy ainalysqa shygharady, dep habarlaydy Abay-aqparat «Habar 24» telearnasyna silteme jasap.

Atap aitqanda, «Toqty», «Arystan», «Mergen», «Torpaq», «Biykesh», «Taueshki», «Suqúighysh», «Egiz», «Tarazy», «Balyqtar», «Shayan», «Saryshayan» monetalary ainalysqa shygharylady.

Monetalardyng dizayny jartastaghy suret stilistikasynda oryndalghan. Árbir ornatylghan tantaldyng týsi moneta arnalghan stihiyanyng týsine sәikes keledi. Olar әrbir zodiak belgisine sәikes keletin on eki týrde jәne týs ózgertu tehnologiyasyn qoldana otyryp kýmisten jәne tantaldan dayyndalghan.

Monetalardyng bet jaghynda (aversinde) «Qazaqstan Últtyq banki» degen jazba, zodiak belgileri, týrli týsti basu tehnologiyasyn qoldana otyryp oryndalghan kýnning stilidendirilgen beynesi ornalasqan. Monetanyng tómengi bóliginde nominalyn bildiretin «100 TENGE» degen jazba bar. Ong jaghynda moneta dayyndalghan metaldy, onyng synamyn jәne massasyn bildiretin «Ag 925 10g» jәne «Ta 15g» degen jazbalar, soghylghan jylyn bildiretin «2018» degen jazba ornalasqan. Al syrt jaghynda (reversinde) zodiak shoqjúldyzdarynyng stilidendirilgen beyneleri, olardyng shemalyq belgilenui jәne tiyisti ataulary ornalasqan.

Monetalar segiz qyrly. Monetalar 925/1000 synamdy kýmisten jәne tantaldan dayyndalghan, jalpy massasy – 25 gr. (kýmis saqina massasy 10 gr., tantaldan ishki disk massasy 15 gr.), diametri – 38,61 mm, dayyndau sapasy – «proof», taralymy – әrbir týrinen 1 000 dana.

Nominaly 100 tengelik kolleksiyalyq monetalar Qazaqstan Respublikasynyng býkil aumaghynda kórsetilgen qúnymen tólemning barlyq týrleri boyynsha, sonday-aq bank shottaryna esepteu ýshin jәne audarym jasau ýshin qabyldanugha mindetti, Qazaqstan Respublikasynyng barlyq bankterinde shekteusiz úsaqtalady jәne aiyrbastalady.

Atalghan monetalar kolleksiyalyq qúny boyynsha satugha arnalghan. Monetalar kәdesyilyq oraumen shygharylady jәne Qazaqstan Respublikasy Últtyq bankining memlekettik, orys jәne aghylshyn tilderindegi nómirlik sapa sertifikatymen jabdyqtalghan. Búl kolleksiyalyq monetalardy QR Últtyq bankining barlyq aumaqtyq filialdarynda, sonday-aq www.nationalbank.kz saytyndaghy internet-dýken arqyly satyp alugha bolady.

Abai.kz