Smadiyarovting sózinshe, qazir ministrlik balalarynan ajyrap, Qytayda qalghan qazaqtar mәselesine qatysty Pekinmen júmystar jýrgizip jatyr.

- Balalary Qazaqstanda, ózderi Qytayda qalghan qazaqtardyng mәselesin bilemiz. Diplomatiyalyq arnalar arqyly birneshe nota joldadyq. Aty-jónderin de jiberdik. Keybir balalardyng ata-analaryn bilmeymiz. Kómek kerek bolsa, resmy týrde syrtqy ister ministrligine habarlassa bolady, - dedyi Smadiyarov.

2 qarashada Qytayda ata-analary qalghan alpys shaqty bala Almatyda jiyn ótkizip, Qazaqstan biyliginen, halyqaralyq úiymdardan kómek súraghan.

Búghan deyin Shynjannyng týrli audandarynan Qazaqstangha kóship kelgen qazaqtar Almatyda kezek-kezek baspasóz mәslihatyn ótkizip, Qytayda qamalghan tuystaryn bosatugha biylikten jәne halyqaralyq qauymdastyqtan arasha súraghan. Qyrkýiekting sonynda Shynjannyng Múnghylkýre audanynan kóship kelgen qazaqtar ótkizgen jiynda prokuratura ókilderi kelip, múnday jiyn ótkizuge bolmaytyny turaly eskertip ketken.

Qytaydaghy etnikalyq azshylyqqa qysym kórsetilip jatqanynan ózge az últtar ókilderi balalarynyng qúqyghy da halyqaralyq úiymdardyng nazaryna iligip, alandaushylyq tudyrghan. Qytay elde "sayasiy-tәrbie lagerilerinin" bar ekenin moyyndasa da, etnikalyq azshylyqqa qysym joq dep keledi.

Abai.kz