Memleket basshysy Núrsúltan Nazarbaev Resey Federasiyasy Ýkimetining tóraghasy Dmitriy Medvedevpen kezdesti, dep habarlaydy Abay-aqparat Aqordanyng saytyna silteme jasap.

Kezdesu barysynda taraptar eki memleket arasyndaghy yntymaqtastyqtyng negizgi aspektilerin talqylady.

Memleket basshysy Qazaqstan men Resey arasynda ózara senimge negizdelgen jәne qarqyndy damyp kele jatqan yqpaldastyqtyng strategiyalyq sipatyn atap ótti.

– Jaqynda Preziydent Vladimir Putinmen kezdestim. Qazaqstan men Resey arasyndaghy baylanystar ýlgi etuge túrarlyq. Bizge osy qarym-qatynasty saqtau qajet, – dedi Núrsúltan Nazarbaev.

Sonymen qatar, Qazaqstan Preziydenti Euraziya ekonomikalyq odaghy, Újymdyq qauipsizdik sharty úiymy jәne TMD siyaqty halyqaralyq úiymdardyng ayasynda eki elding ózara yntymaqtastyghyn nyghaytu mәselelerine toqtaldy.

Memleket basshysy Qazaqstan men Resey ýkimetterining sauda-ekonomikalyq qarym-qatynastardy jәne óniraralyq baylanystardy nyghaytu isinde manyzdy ról atqaratynyn atap ótip, eki jaqty yntymaqtastyqty damytugha qosqan ýlesi ýshin D.Medvedevke rizashylyq bildirdi.

Resey Federasiyasy Ýkimetining tóraghasy eki memleket arasyndaghy ózara tiyimdi qarym-qatynastardyng nәtiyjesinde Qazaqstan men Resey arasyndaghy sauda kólemi artqanyn aitty.

– Qazaqstan – Reseyding strategiyalyq seriktesi әri odaqtasy. Bizding qarym-qatynasymyz auqymdylyghymen jәne tarihynyng terendigimen erekshelenedi. Joghary dengeyde ótkiziletin kóptegen kezdesuler, sonday-aq ýkimetterimiz ben biznes qoghamdastyqtarymyz arasyndaghy jaqsy qarym-qatynastar – sonyng dәleli. Biz jyl boyy týrli basqosularda jii jýzdesemiz. Búl – quantarlyq jәit. Múnday qatynastar bolmayynsha, tolyqqandy ózara yqpaldastyq ornatu mýmkin emes, – dedi D.Medvedev.

Abai.kz