Qostanay qalasynyng әkimdigi jyl sayyn bir shala býlinip qalady. Onysy qalyptasqan dәstýr boyynsha tamyz aiynyng ayaghynda mindetti týrde atalyp ótetin «Qala kýni» deytin merekede aidy aspangha shygharatynday danghoylyqty bastap jibergeninen anyq bayqalady. Múnyng eng manyzdy bóligi - ólseng de, tirilseng de kórshimizding әnshilerining birin shaqyryp, osyndaghy ózge júrtqa bir jaghynyp qalu. Búl ýshin qanday da shyghynnan ayanbaydy. Olar qansha qomaqty aqsha súrasa da bir auyz sózge kelmesten ústata salady. Jәne de búl «dәstýr» esh uaqytta búzylghan emes.

Oblysty basqarghan Kulagin kezinde de, óz «perzentimiz» Sәduaqasov basqarghanda da dәl osylay boldy. Endi mine Arhiymedimiz de (qazirgi basshymyzdy aitam) aldynghylar salghan jolmen zulatyp keledi. Ne deymiz endi ónir tizginin ústaghan jas basshymyzgha. «Aldynan jarylqasyn» deydik te qoydyq. Bizding qoldan ne keledi? Onyng ýstine әkimimiz esh uaqytta jurnalisterdi kózge ilgen emes, olardyng jazghandaryn oqyghan da emes. Búrynghyday oblystaghy jurnalistermen kezdesip, arnayy súhbat ótkizu degendi úmytqanymyz qashan? Búl әkimimizding «qúpiya» júmysynyng jemisi.

Arhiymed Múhanbetov

Biyl, mine, tamyzdyng 25 kýni ótetin búl merekede de sol danghoylyq odan әri jalghasatyn týri bar. Múny qalalyq әkimdikting mәdeniyet bólimining basshysy Aysúlu Áubәkirovanyng quana habarlaghan sózinen úqtyq.

"Qostanaydyng toyyn dýrkiretedi" degen "Kombinasiyanyn" әnshileri... mine, osylar

 - Merekemiz Reseyding «Kombinasiya» tobynyng óner kórsetumen ayaqtalady, -deydi ol. - Býgin olardyng keletindigi turaly anyq bildik. Toptyng mýsheleri de búrynghyday. Onda Alena Apina mindetti týrde bolady.

Apinanyng mindetti týrde bolatynyna jergilikti biylik qansha quanghanymen, búl shattyqty biz bólise almadyq. Óitkeni bireuding qansyghyna tansyq boludyng ayaghy nege әkelip soghatynyn boljau qiyn emes shyghar. Qayran qazaqtyng baylyghy desenizshi, Resey júldyzdaryn jarylqap jatqan. Osy ózimizdi qor sanap, ózgelerdi zor sanaytyn qúldyq psihologiyadan qashan qútylar ekenbiz?

Jaybergen Bolatov, Qostanay

Abai.kz