Juyrda «Abai.kz» aqparattyq portalynda Almaty oblysyna qarasty Shelek auylynda túratyn, asyraushysyz qalghan qos qariya men qos býldirshinning taghdyry jayly maqala jariya boldy.

95 jastaghy Sylqymbay ata men 87 jasqa kelgen Shәken apanyng qolyndaghy qolghanaty, kelini Kerimhan Namazhanqyzy qaytys bolyp, onyng qos býldirshini men qos qariya qamqorshysyz qalghan edi. Al, Sylqymbay qariya men Shәken әjening úly Ály men ýlken nemeresi Qaynar qazir Qytayda. Byltyr búl otbasy Qazaqstangha birjola kóship kelgen. Keyin, Qytaydaghy ýi-jayyn satyp kelmek bolyp, eki azamat shekara asady. Sóitkende, Qytay polisiyasy búlardyng qújattaryn alyp qoyypty. Sodan beri, mine 8 aidan asypty,  Qytaydyng jergilikti biyligi Ály men onyng ýlken úly Qaynardy jibermey otyrghan kórinedi.

Marqúm  Kerimhan Namazhanqyzyn jerleu rәsimine biz de baryp keldik. Qayghynyng batpan jýgin arqalaghan aghayyngha basu aityp, qos qariya  men mektep jasyndaghy balaqaylardyng kóz jasyn kórip qabyrghamyz qayysty. Ol oqighanyng mәn-jayyn ótkende egjey-tegjeyli jazdyq. Oqyp, tanysamyn degen júrtqa, mine silteme: https://abai.kz/post/72052

«Abai.kz» aqparattyq portaly maqalany Qazaqstannyng Syrtqy ister ministrligine nazaryna úsynyp, kómek súrady. Saytymyzda jariya bolghan maqalagha qatysty QR SIM men Almaty oblysy әkimdigi ýn qosyp, kómek qolyn sozyp jatyr eken. Býgin osy jayly jazbaqpyz.

Atalghan maqala Qayrat Ábdirahmanov tizginin ústap otyrghan  Syrtqy ister ministrligining qúlaghyna jetipti. Ministrlikting baspasóz qyzmeti kezek kýttirmesten ministrlikke, ministr Qayrat Qúdaybergenúlynyng atyna resmy hat jazuymyzdy súrady. Qos qariya men qos balapannyng talap-tilekterin jazbasha aryz týrinde ministrlikke ótkizuimizdi súrady. Qazir hattyng mazmúny әzirlenip jatyr.

Ayta keteyik, osy aralyqta Almaty oblystyq әkimdiginen Gýlbaqyt Qasen habarlasyp, Shelektegi qariyalardyng jaghdayyna qatysty әkimdik tarapynan jergilikti basshylargha núsqau berilgendigin habarlady.

«Abai.kz» aqparattyq portalynyng kontent-redaktory, yaghny osy joldardyng avtory Núrgeldi Ábdighaniyúlyna Enbekshiqazaq audanynan birneshe azamat habarlasty. Atap aitsaq, Enbekshiqazaq audandyq Mәslihatynyng hatshysy Beket Tólegenúly Ahmetov, әkimdik apparatynyng basshysy Beken Orynbekúly Kerimbekov, audandyq Ishki sayasat basqarmasynyng basshysy Momynjan Islamov myrzalar habarlasyp, Shelektegi qos qariya  men mektep jasyndaghy qos balapangha әleumettik jәrdem úsynghanyn aitty. Olar aldaghy uaqytta búl otbasynyng qújattaryn rәsimdeuge kýsh salatynyn aitty.

Momynjan Islamov, Enbekshiqazaq audandyq Ishki sayasat basqarmasynyng basshysy:

-Biz sayttaghy maqalany oqyp, búl kisilerding jaghdayyn estip-bildik. Shelek auylynyng әkimine dereu habarlasyp, qos qariyagha kómek kórsetudi tapsyrdyq. Kesheli-beri Shelek auylynyng әkimi Esenghaly Esenhanúly Esenhanov Sylqymbay atanyng ýiinde jýr.

Budjetten shtat bólip, qos qariya men qos balanyng tamaghyn әzirlep, kiyim-keshegin juyp, ýiin tazalap otyratyn әleumettik kýtushi bóldik. Ol kәnigi resmy jalaqy alyp otyratyn әleumettik qyzmetker.

Sosyn marqúmnyng qyrqy ótkenshe kelimdi-ketimdi kisileri bar. Janaghy qyzmetker sol jerde bolady. Jergilikti әkimdik azyq-týlik, ún-mayyn týgel alyp berdi.

Sosyn Enbekshi qazaq audandyq Kóshi-qon polisiyasyna da jaghdaydy aityp týsindirdik. Qos qariya men eki balanyng qújattaryn retteuge olar da kómektesedi. Biz búl isti óz baquylauymyzda ústaymyz. Kerek-jaraqtarymen tolyq qamtamasyz etemiz.

Núrgeldi Ábdighaniyúly

Abai.kz