Qazaqstanda sheneunikter sany Japoniyadan 80 ese kóp, biraq Japoniya ekonomikalyq jaghynan bizden alda kele jatyr. Mәjilis deputaty Azat Peruashev osylay aitty, dep habarlaydy Baq.kz tilshisi.

Býgin Mәjilisting jalpy otyrysynda deputattar memlekettik funksiyalardy bәsekeles ortagha beru turaly Zang jobasyn maqúldady. Degenmen, Azat Peruashev zangha qatysty óz narazylyghyn bildirdi.

«Últ josparynyng 97 qadamynda Preziydent memlekettik funksiyalardy beru arqyly shaghyn ýkimetke ótu kerek degen bolatyn. Yaghni, múnda memlekettik organdardyng budjeti men memlekettik qyzmetkerlerdi qysqartu jayynda aitylyp otyr. Biz osy mәsele boyynsha eki saual joldadyq. Biz «eger funksiyalardy bersek, sәikesinshe sheneunikterge ketetin shyghyndardy da qysqartu kerek jәne bosaghan sheneunikti júmystan shygharu qajet. Eger funksiyalardy bersek, olar bizge ne kerek?» dedik. Al Ýkimet «búl qarastyrylmaghan, qajet dep eseptemeymiz» dep jauap berdi. Yaghni, biz endi bizneske qosymsha qarjylay auyrtpashylyq týsiremiz. Sondyqtan osy somagha budjet shyghyndaryn qysqartyp, sheneunikterdi júmystan bosatu kerek. Ýkimet te, býgin ministr de (Últtyq ekonomika ministri Timur Sýleymenov –avt.) osy súraqqa dúrys jauap bermedi», – dedi Peruashev kuluarda bergen súhbatynda.

Deputat óz sózinde EYDÚ mәlimetin keltirdi. Derekke say, Qazaqstanda júmys isteytin azamattardyng 21 payyzy – sheneunikter nemese kvaziymemlekettik sektor, últtyq kompaniya menedjerleri. Al búl kórsetkish AQSh-ta 14 payyz, Avstriyada 10 payyz eken.

«Yaghni, bizde 18 mln halyqqa 100 myng sheneunikten keledi. Al Japoniyada 128 mln halyqqa 9 myng sheneunikten keledi. Japoniyada 14 myng adamgha 1 sheneunikten kelse, Qazaqstanda 180 adamgha 1 sheneunikten keledi eken. Yaghni, elimizdegi sheneunikter sany Japoniyamen salystyrghanda 80 ese kóp. Búl ne degen súmdyq! Endi Japoniya men bizding ekonomikalyq damuymyzdy qaranyz. Jauap anyq qoy», – dedi Azat Peruashev.

Abai.kz