1972 jyl. 6-shy klasta oqyp jýrgen kezim. Bizding Kóksaray auylyna búryn eshkim estip bilmegen tótenshe auru keldi. Auyl júrty onyng qanday auru ekenin týsinip bolghansha, 10-shy klasta oqityn bir qyz dýniyeden ozdy.

Orys tili sabaghy ýstinde mazam kete bastady. Búryn qazaq tilinen sabaq berip jýrgen Fazylxan aghayymyz bir taqyrypty oryssha týsindirip jatyr. Qashanghymyzday týk úqqanymyz joq. Endi angharsam, biz týgili ústazymyzdyng ózi orysshany onsha qaqpaydy eken. Solay bola túra sol aghay da, orysshany biz qúralpy týsinetin ózge múghalimder de orys klasyna da sabaq bere beretin. Sabaq bergende, "da", "net" degen siyaqty bәrimiz týsinetin bir-eki oryssha sóz qosylghany bolmasa, orys klastarynda da sabaq negizinen qazaq tilinde ótetin. Sebebi... IYә. Bәri qazaq. Ras, bir-eki ózge últ ókilderi bar. Alayda olar da óz tilderinen góri qazaqshany jaqsy biledi. Sondyqtan ózimiz biletin "da", men "netke" taghy bir orys sózi qosylsa, sonyng ózin qabylday almay, basymyz auyratyn. Sirә Fazylxan aghay orys sózin kóp aityp jiberdi-au deymin, eki shekem syrqyray bastady.

Ádette ysqyru ýshin ernindi shýiirip, demdi syrtqa shygharasyn. Aurudyng әseri me, bilmeymin, әiteuir "erindi shýiirip túryp demdi ishke tartsa, ysqyryla ma eken" degen oy basyma sap ete qaldy. Sol-aq eken, dereu bayqap kórdim. Ysqyrylady eken. Fazylxan aghayym ornynan shorshyp túrdy. "Kim ysqyrghan?" dedi. Qazaqshalap aitty. Ornymnan túrdym. Fazylxan aghaydy jogharghy klastyng balalary "purjina" dep ataytyn. Nege olay ataytynyna sol kezde kózim jetti. Eki sekirip qasyma jetip keldi. Sodan bar ynta-jigerimen meni sabaugha kirisip ketti. Búryn da tayaq jep jýrmiz ghoy. Jalpy ol kezde biz múghalimdi bala sabaytyn adam dep týsinetinbiz. Ras, әr múghalim әr týrli tәsilmen úratyn.

Jә, ol bólek әngime. Qansha degenmen ústaz ghoy. Fazylxan aghayym da ózining qatty ketkenin týsingen tәrizdi. Sabaqtan alyp qalyp, maghan biraz úlaghatty sózder aitty. Bәlkim ayady. Álde qoryqty. Sebebi sol sәtte mening esim kiresili-shyghasyly bolatyn. Ýige qalay jetkenim esimde joq. Esikten attaghan sәtte-aq talqysyp kettim.

Qúdiyar Bilәlding Facebook-tegi paraqshasynan

Abai.kz