Qazaqstanda mynaday «qyzyq» jaghday bolyp jatyr. Búryn bir júqpaly dert anyqtalsa, elde sanitarlyq tótenshe jaghday jariyalanyp, múnday júqpaly aurudyng aldyn alugha baylanysty kólemdi is-sharalar úiymdastyrylyp, karantin jariyalanatyn edi. Qazir búl ýrdis mýlde úmyt qalghanday. Nege ?

2017 jyldyng qazan aiynan bastap kýni býginge deyin Almaty qalasynda Ýndistannan demalyp kelgen otandastarymyzdyng «taratuymen» on shaqty ret holera (tyrysqaq) júqpaly dertining nyshandary anyqtalyp, ony jonggha baghyttalghan is-sharalar ishinara jasalghan boldy. Búl sharalardyng bәri demalystan oralghan jolaushynyng densaulyghy kýrt tómendegen kezinde, yaghny birneshe kýn ótkennen keyin jasalatyny jasyryn emes. Baytaq elimizding basqa qalalarynda demalystan oralghan jerlesterimiz ben  tranzittik jolaushylar arnayy memlekettik mekeme nazarynan tys qaluda.

Ýndistangha qatynaytyn úshaqtar Almatydaghy Halyqaralyq әuejayda búryn qalay úshyp-qonyp jatsa, qazir de solay. Almaty qalalyq sanitarlyq qyzmetting mәlimetine qaraghanda, byltyrghy qazan aiynan beri әuejay qyzmetin, onyng ishinde basqa memleketterding azamattary da bar, 17 myng jolaushy paydalanghan eken. Eger Ýndi eli holera júqpaly dertining oshaghy bolsa, Almatydaghy Halyqaralyq әuejay sol dertti taratushy bolyp otyr. Kórshiles memleketter Almaty qalasyna keletin júqpaly dert turaly, onyng tranzittik jolaushylar arqyly taratylatyny turaly mýldem habarsyz.

EAES-ke mýshe memleketter ýkimetining basshylary aqpan aiynyng basynda Almaty qalasyna kelu mezetinen sәl-aq búryn Almaty qalalyq sanitarlyq qyzmetting arnayy kiyim kiygen qyzmetkerlerining әuejaydy zararsyzdandyru ýshin jýgirip jýrgenin kórgen joq.

Almaty qalasy túrghyndarynyng saldary auyr júqpaly dertting qarmaghyna ilinbesine kim kepil?! Almaty qalalyq sanitarlyq qyzmet qoldan kelgenshe tiyisti is-sharalardy jasap jatyr. Al Qazaqstan Respublikasynyng Densaulyq saqtau ministrligi men J.Bekshin basqaratyn Qoghamdyq densaulyq saqtau komiyteti búl jaghdaylardy elemeytin siyaqty. J.Bekshin myrza bolsa, Ýndistangha baratyn jolaushylargha tazalyq saqtau turaly kenes berip, arnayy eskertpe qaghazyn ghana әzirleudi josparlap otyr.

Qazir bolyp jatqan osy jaghday, mýmkin, búl azamattar ýshin kýndelikti sharalardyng biri bolar. Bәlkim, Qazaqstan Respublikasyndaghy sanitarlyq qyzmetti basqaryp otyrsa da, ol azamattardy qarapayym halyqtyng densaulyghy tolghandyrmaytyn shyghar?

Bes ay boyy Ýndistan arqyly tarap jatqan holera dertining aldyn alugha qatysty respublikalyq dengeydegi sanitarlyq-epiydemiyalyq is-sharalar nelikten bastalmaydy? Nege sol elge kirip-shyghatyn jolaushylargha shekteu qoyylmaydy? QR Densaulyq saqtau ministrligi men Qoghamdyq densaulyq saqtau komiyteti neni kýtip otyr? Bizding densaulyghymyzdy kim qorghaydy?

Ýndistannan kelgen júqpaly dertti júqtyruy mýmkin azamattar 2-5 tәulikten keyin ghana anyqtalyp, zararsyzdandyru ýshin olardy izdestiru sharalarynyng jýrgizilgeni turaly aqparatty  Komiytet tóraghasynyng ózi aityp otyr.

Sonymen qatar, Almaty qalasyndaghy sanitarlyq qyzmetke qarasty mekemening birinde taghy bir qyzyq jay bolghan sekildi. Júqpaly derttermen kýresetin «Sanitarlyq-epiydemiologiyalyq saraptama jәne monitoring ghylymiy-praktikalyq ortalyghy» sharuashylyq  jýrgizu qúqyghyndaghy respublikalyq memlekettik kәsiporynnyng bayyrghy bir qyzmetkerining kóp jyldardan beri qúrt auruymen (tuberkulez) auyratyny anyqtalyp, qazir dereu emdeu sharalary jasalyp jatyr.

Sanitarlyq-epiydemiyalyq zalalsyzdandyru sharalaryn jýrgizetin mekemening ózinde sauyqtyru sharalary jedel jýrgizilude. 200-ge tarta kәsiporyn qyzmetkerleri sauyqtyru sharalaryna tartylyp otyr. Olar aralasatyn túrghyndar nemese kәsiporyngha kelip-ketetin kelushiler qanshama?! Olar eshteneden habarsyz. Sebebi búl «iske» baylanysty әdette jariyalanatyn karantin bolghan joq. Almaty qalasynyng túrghyndary qala ishinde jýrip-aq júqpaly aurudy júqtyruy mýmkin ekenin nege bilmeske?!

Sanitarlyq qyzmetke qatysty mekemeler arasynda ashyq tuberkulez siyaqty júqpaly aurudyng taraluyna jol berushi retinde medisina ghylymdarynyng kandidaty, Semey medisina akademiyasy men AQSh-taghy Viskonsin uniyversiytetining qúrmetti professory, QR sanitarlyq-epiydemiologiyalyq qorghau komiytetining búrynghy tóraghasy, Almaty qalalyq  sanitarlyq-epiydemiologiyalyq qorghau departamentining búrynghy diyrektory E.Dýrimbetovtyn aty ataluda. Úzynqúlaqtyng aituyna qaraghanda, búl azamat endi shtatynda 500-ge tarta qyzmetkeri bar búrynghy sanitarlyq-epiydemiologiyalyq saraptama ortalyghyn basqarugha talaptanyp jatqan kórinedi. Óz qaramaghyndaghy hatshynyng boyynan qauipti dertting belgilerin bayqamaghan «bilikti» mamannyng kәsiby biliktiligining qanday dengeyde ekeni týsinikti bolar.

Osy jaylardy eskerip, qajetti is-sharalar legin úlghaytudyng ornyna memlekettik bas sanitarlyq dәriger 2018 jylgha arnalghan júqpaly jәne parazitarlyq sauyqtyru sharalarynyng josparyn azaytuda. Memlekettik sheneunik, bәlkim, bizding densaulyghymyzdy qorghaudy artyq kóretin shyghar?

Sanitarlyq-epiydemiologiyalyq qorghaugha qatysty qordalanghan  mәselelerdi sheshuding ornyna Qoghamdyq densaulyq saqtau komiytetining sheneunikteri kórshiles Resey, Qyrghyzstan siyaqty elderden keletin tamaq ónimderimen ghana kýresumen, al Densaulyq saqtau ministrligining sheneunikteri  nauqastardyng deregi turaly elektrondyq baza jasaytyn qiyaly is-sharalarmen ghana ainalysumen shektelip otyr.

Al qarapayym halyqtyng densaulyghyn kim qorghaydy?

Shәriphan Qaysar

Abai.kz