Sәrsenbi, 27 Qantar 2021
Dep jatyr 5865 9 pikir 29 Jeltoqsan, 2017 saghat 10:08

Ákimdi aitqansha, auyldyng jaghdayyn nege aitpady?!

27 jeltoqsanda QR Parlamenti Senatynyng deputaty,  Darigha Nazarbaeva «Evrokopter Qazaqstan injiniring» zauytyna barghanda әr әkimge bir-bir tikúshaqtan beru qajettigin aitqan bolatyn.

Senator D.Nazarbaeva «Ákimder jaghdayyn aitqansha, auyldyng jaghdayyn aityp, әr auylgha órt sóndirgish, jedel-jәrdem kólikterin jәne qar tazalaghysh tehnika beru kerek» dep aitu kerek edi. Sebebi, últtyq sana-sezim, ruhany baylyqtyng qaynar kózi - auyl mәselesin týbegeyli sheshpeyinshe, auyl halqynyng әl-auqatyn kótermeyinshe, Qazaqstan ekonomikasy qaryshtap damy almaydy.

2003-2006 jyldary «Auyl jyly» dep jariyalanyp, "Kórkeyse auyl – kórkeyemiz bәrimiz!" degen danghaza úranmen jurnalister jarysa jazsa,  keybireuleri auylgha kónil bólgen biylikke raqmet dep olardy asyra maqtady. Al əkim men ministrler auyldyng tynys-tirshiligin jaqsartugha qyruar qarjy bólinip, kóptegen is-sharalar atqaryldy dep  jalghan məlimetterin jaudyrdy.

Auyz toltyltyryp aitqandarymen əli kýnge deyin AUYL HALQYNA ENG QAJETTI- qys aiynda qar tazalaytyn tehnika, jazda otqa oranghan dala men órtengen ýi-qorany sóndiretin «órt sóndirgish» kólik jəne jyl on eki ay boyy óte qajetti, tehnikalyq jaghdayy dúrys "jedel jərdem" kóligi men oghan qúyar (tótenshe jaghday kezinde) janar-jagharmay mýlde berilmedi.

Auyldyq jerde qys aiynda qar jauyp, boran bolghan kezdegi tirshilik óte qiyn. Ómir bolghasyn ólim bolady. Al marqúm bolghan adamnyng denesi uaqytynda jerge berilu kerek. Jer qazugha qalyng týsken qar kedergi jasap, tipti məyitti auyldyng shetindegi molagha jetkize almay qinalatynyna talay kuə bolyp jýrmiz.

Songhy uaqytta daladaghy órti sóndiru kezinde adamdar qaytys boluy kóbeyde, al tilsiz jaudan jyl sayyn ýi-qoralar jəne qysqa jinaghan shópteri jii órtenip, maldary otqa oranuda.  Alys jatqan  audan ortalyghynan órt sóndirushi kólik auyl-aymaq arasyndaghy jaman jolmen jetkenshe ýi-qoralar kýlge ainalady. Kóp auylda jedel jərdem kólikteri joq, al barlarynyng əbden tozyqtary jetken.

Onyng ýstine qorda (zapasta) saqtalatyn benziyni taghy bolmay auru adamdar qinalady nemese salqyn kólikte ýsip-talyp audan nemese oblys auruhanasyna əzer jetedi. Ózge auyl-aymaqty bilmeymin, ózimning tughan jerim-BQO,QARATÓBE audany, Qoskól auylynda Kenes ýkimeti túsynda qar tazalaytyny bar 22 dana K-700 traktory bolghan. Damyghan 30 elding qataryna kiremiz, EKSPO ótkizdik, ekonomikamyz myqty dep maqtanyp jýrgen qazirgi uaqytta 15 mynday halqy, 9 auyldyq okrugi men 22 eldi mekeni  jəne 10 myng sharshy km aumaghy bar qút daryghan  kiyeli Qaratóbe audanynda jalghyz ghana qar ashityn K-700 traktory bar, onyng ózi de birde jýredi, birde búzylady.

Elimizding ekonomikasy shynayy jaqsy bolsa, últtyng bolmys-bitimin saqtap otyrghan, ruhany qaymaghy búzylmaghan ər auylgha halyq mýddesine óte qajetti órt sóndirgish, jedel jərdem jəne qar tazalaghysh tehnikalardy beru kerek. Sonda ghana, auyl halqy ýkimetke shynayy riza bolar edi.

Talghat Qatauov

Oral qalasy

Abai.kz

9 pikir