Qazaqstanda alghash ret Til festivali ayasynda úiymdastyrylghan halyqaralyq Jaydarman oiyny óz mәresine jetip, Qyrghyzstan qúramasy jenimpaz atandy dep habarlaydy "Abai.kz" aqparattyq portaly.

Sharany QR Mәdeniyet jәne sport ministrligi Tilderdi damytu jәne qoghamdyq-sayasy júmys komiytetining qoldauymen Sh. Shayahmetov atyndaghy tilderdi damytudyng respublikalyq ýilestiru-әdistemelik ortalyghy jәne Qazaqstan KVN Odaghy úiymdastyrghan bolatyn.

Qyrghyzstan, Tatarstan, Bashqúrtstan elderinen jәne Qazaqstandyq birneshe toptar óner kórsetken sayys joghary dengeyde ótti. Búryn Jaydarmannyng ishki birinshiligine qatysyp, tәjiriybe jinaghan qyrghyzstandyqtar oiyngha tynghylyqty dayyndyqpen kelip, bas jýldemen qosa 500 000 tenge aqshalay syilyqty iyemdendi. I oryn men 350 000 tengeni qazylar alqasy birauyzdan «Tatarstan qúramasyna» berse, II oryn alghan Bashqúrtstannan kelgen komandagha 300 000 tenge aqshalay syilyq búiyrdy. Al III oryn men 150 000 tenge eki komandagha - Torghay ónirining namysyn qorghap kelgen «Aru.kz» toby men «OQO qúramasyna» berildi.

Sonday-aq Halyqaralyq týrki akademiyasynyng preziydenti Darhan Qydyrәli akademiya atynan jarkenttik úighyr jastarynan qúralghan «Lagman.com» toby men týrkistandyq ózbekter qúramasy «Yassy» tobyna 250 000 tenge arnayy aqshalay syilyq úsyndy.

Satirik Kópen Ámirbek bastaghan qazylar alqasy qúramynda halyqaralyq Týrki akademiyasynyng preziydenti, «Egemen Qazaqstan» respublikalyq gazeti» AQ Basqarma tóraghasy Darhan Qydyrәli, QR Investisiyalar jәne damu ministrligi qoghammen baylanys bólimining mengerushisi Berik Uәli, «Respublikalyq radiolar» JShS diyrektory Mәdy Manatbek, akter Nýrken Óteuilov oiyngha tórelik etti.

Oyyn sonynda jalyndy joldarymen sóz alghan Memleket jәne qogham qayratkeri Orazkýl Asanghazyqyzy jastardyng ana tiline degen sýiispenshiligin arttyrugha, patriottyq sezimin oyatyp, ruhty sózderimen qasiyetti tilimizding mәrtebesin kóteruge shaqyrdy. Diplom jәne aqshalay syilyqtardy QR Mәdeniyet jәne sport ministrligi Tilderdi damytu jәne qoghamdyq-sayasy júmys komiyteti Tóraghasynyng m.a. Ghalymjan Sәrsenbayúly jenimpazdargha tabystap, qúttyqtau sózimen oiyndy qorytyndylady.

Oyyndy «Qazaqstan» últtyq arnasynan kórsetu josparlanyp otyr.

Abai.kz