Túmaghang túghyryna qondy. Osydan bir jarym jyl búryn Abai.kz aqparattyq portaly qazaqtyng klassik aqyny Túmanbay Moldaghaliyevting aty atausyz qalyp bara jatqanyna kýiinip, "Túmaghang túghyryna qashan qonady?" degen maqala jazyp, mәsele kótergen edi. Sol maqalada aitylghan jaylar oryndala bastady.

Qazaqtyng birtuar aqyny Túmanbaydyng eskertkishi endi Esik qalasynda qasqayyp túratyn boldy. Býgin aqyn eskertkishi resmy týrde ashyldy.

Eskertkishti ashu saltanatynda sóz sóilegen Almaty oblysy әkimining orynbasary Jaqsylyq Omar oblys әkimi Amandyq Batalov Elbasynyng "Bolashaqqa baghdar: ruhany janghyru" maqalasynyng ayasynda búl iske bastamashy bolghanyn aitty. Ákim aqynnyng enseli eskertkishin jasatu ýshin oblys budjetinen 25 million tenge qarjy bólgizipti.

Qazaqtyng Túmanbayynyng tas mýsinin Altay Isatayúly Beysenov somdaghan.

Sonymen qatar, býgin Esik qalasyndaghy Mәdeniyet ýiine Túmanbay Moldaghaliyevting aty berildi. Túmaghannyng atyn alghan Mәdeniyet ýiining ainalasyn abattandyrugha 80 million tenge bólingenin de sýiinshilegimiz keledi.

Zamanynda: "Bir eskertkish túrghyzdym men ózime" dep jyrlaghan Túmaghannyng jyry mәngilik alash júrtymen jasaytyny haq. Almaty oblysynyng әkimi Amandyq Batalovtyng iygi isin Almaty qalasynyng әkimi Bauyrjan Baybek ilip әketip, Almaty qalasyndaghy Masanshy kóshesine aqynnyng esimin berse degen tilegimizdi osy arada bildire ketkimiz keledi.

Túmaghang birde Sәtbaev kóshesinde kele jatyp, inisi Auyt Múqiybekke: «Auyt, osy men ólsem, Almatydan mening atyma kóshe berile me?» – dep súrapty.

– Áriyne bolady, bәri bolady, agha! – deydi ghoy Auyt inisi anqyldap.

– Áy, kim biledi! Mysaly, Saghy Jiyenbaev bizden bir kem emes aqyn, Almatyda atynda dym da joq qoy. Eger, meni úmytyp bara jatsa, ózing «Áyt!» dep qoyarsyn! – depti.

Sol Auyt Múqiybekke aitylghan amanatty Abai.kz oqyrmannyng esine qayyra saludy jón sanady.

Qosh! Sonymen, Túmaghang túghyryna qondy!

Qútty bolsyn, aghayyn!

Qanat Birlikúly

Abai.kz