Qazaqstanda konfederasiya kubogynyng irikteu kezenderi bastaldy. Dýbirli dodada sporttyng 5 týrinen sportshylar baqtaryn synady. Atap aitqanda, sportyshalyr boks, dzudo, taekvondo, erkin jəne grek rim kýresterinen ózara myqtyny anyqtady.

Taraz qalasynda ótken irikteu kezeninde "D" tobynyng sportshylary jartylay finaldyq joldama ýshin baryn saldy. Jerebe boyynsha "D" tobyna Aqmola oblysy, Jambyl oblysy, Qyzylorda oblysy jəne Almaty qalasynyng qúrama komandalary týsken bolatyn.

Konfederasiya kubogynyng irikteu kezenderining resmy ashylu saltanatynda sporttyq jekpe-jek jəne kýsh qoldanylatyn sport týrleri konfederasiyasynyng mýsheleri men Jambyl oblysynyng basshylary qatysty.

Dzudo jəne taekvondo boyynsha 2016 jylghy konfederasiya kubogynyng iyegerleri Jambyl oblysy biyl jankýierler ýmitin aqtay almady. Olar eki sport týrinen de Almaty qalasynyng sportshylaryna tótep bere almady. Dzudodan Jambyl oblysynyng qúrama sapynda QR Últtyq qúrama mýshesi, Rio Olimpiadasynyng kýmis jýldegeri, Əlem chempiony Eldos Smetov, últtyq qúrama mýshesi Aziz Qalqamanúly syndy əlemdik jarystarda el namysyn qorghap jýrgen dzudoshylar beldesti. Sonday-aq, Almaty qalasynyng namysyn halyqaralyq jarystarda jýldeli oryndarmen qazaq júrtyn quantyp jýrgen Ghúsman Qyrghyzbaev, Ghúmar Qyrghyzbaev, Eldos Júmahanov, Qyzylorda oblysynyng qúrama sapynda "Qazaqstan barysy-2017" turniyrining jenimpazy Elaman Erghaliyev kýresti.

Taekvondo boyynsha da Almaty qalasynyng sportshylary osal emestigin kórsetti. Olar jergilikti sportshylardy, Jambyl oblysynyng qúramasyn 85:90 esebimen jenip, 2017 jylghy konfederasiya kubogynan jýldesiz qaldyrdy.

Grek-rim kýresi boyynsha boz kilemde beldesken Qyzylorda oblysynyng baluandary sheshushi kezdesude Almaty qalasynyng sportshylarynan myqty ekenin dəleldedi.

Erkin kýres boyynsha Almaty qalasynyng baluandary qarsylas shaq keltirmedi. Sheshushi joldama ýshin kýreste Qyzylorda oblysynyng baluandarynnan myqty boldy.

Elimizde konfederasiya kubogy byltyrdan bastap ótkizilip jatyr. Jarystyng jalpy jýlde qory 125 mln tengeni qúraydy. Konfederasiya kubogynyng finaldyq kezeni 2-3 jeltoqsan kýnderi Almaty qalasyndaghy "Baluan Sholaq" sport kesheninde ótedi dep josparlanghan.

Abay-aqparat