«Qytay tarihshylary qazaq jerine kózining súghyn qadap otyr», «qazaq jerin qytay mektep oqulyqtarynda paydalanatyn kartagha engizip qoyypty» dep, keshe biraz keyip aldyq. Búl ózi kópten beri kóterilip kele jatqan mәsele ekenin elding esine salyp, qytay tarapynyng oiynda ne bar ekendigine boljam jasap ta kórdik. Sóitip otyrsaq, bizding әzirge aty-jónderi jariya etile qoymaghan bir suretshilerimiz Qyrymdy alyp RF-nyng territoriyasyna qosyp qoyypty. Soghan baylanysty Ukraina elshiligi Qazaqstannyng syrtqy ister ministrliginen týsinik talap etti.

Mәsele bylay bolghan. Keshe Astanadaghy «Núrly jol» bulivarinde  Astana Art Fest festivali ótip, osy festivalide Qyrymdy Reseyding shekaralyq aumaghynda beynelegen installyasiya kórestilgen. Sony bayqap qalghan Ukraina elshiligi QR Syrtqy ister ministrligindegi әriptesterine habarlasyp, «RF kartasy – Ukrainanyng tútastyghy men Tәuelsizdigine núqsan keltirip túr. Sondyqtan Ukraina tarapy Qazaqstannyng Syrtqy ister ministrliginen qanday da bir naqty jauap pen sheshim kýtedi», - dep hat jibergen.

Álgindey ynghaysyz jaghdaygha baylanysty býgin QR SM viyse-ministri Múhtar Tileuberdi jurnalistermen jýzdesip, búl jaytty sayasailandyrudyng qajeti joq dedi.

- Búl jaytty sayasidandyrudyng qajeti joq. IYә, installyasiya boldy, biraq ol  shygharmashylyq újymnyng júmysy. Shygharmashylyq újym ózderining janylysqandaryn, alayda, eshqanday sayasy oilary bolmaghanyn aityp, aqtalyp otyr. Shamasy suretshiler sayasy mәseleden góri búl jerde shygharmashylyq sheshimge mәn berse kerek, - dedi viyse-ministr.

Ukrainderding ne deytinin bilmeymiz, búnday jauapqa qazaq: «Ói, sózine bolayyn!..», - dep keyistik tanytar edi. Rasynda, solay emes pe? Shygharmashylyq sheshimge mәn bergen suretshiler RF-nyng kartasyna әkelip Qyrymdy qospasa, bolmaytyn ba edi? Búny qansha jerden aqtasang da, astarynda aram pighyl, әsire reseyshil kózqaras jatyr. Ásire reseyshil kózqarastaghy adamdar Reseyge býiregi búryp túratynyn, Qyrymdy anneksiyalap alghan Kremliding әreketin qos qoldap qoldaytynyn, búnday jaghday Qazaqstanda da bolsa eken dep tileytinin әste jasyra almay әredik osylay kórsetip alady. Myna jayt sonyng betke shyqqan bir kórinisi bolsa kerek.

Shygharmashylyq toptyng "shabyttanyp" ketip salghan sureti ýshin qazaq diplomatiyasy Ukrain elshiligenen keshirim súrap jatyr.

Abai.kz