Senbi, 8 Tamız 2020
COVID-19 QAZAQSTANDA. Jwqtırğandar — 96922. Jazılğandar — 70680. Qaytıs bolğandar — 1058
Adasqandar 3640 11 pikir 6 Mausım, 2017 sağat 18:57

 Änuar Tügel tüñildirdi

Qazaq tilin, märtebesi Ata Zañda ayşıqtalıp twrıp jazılğan memlekettik tildi kemsitetin, kemsitu bılay twrıptı, külli deputtardıñ közinşe aşıqtan-aşıq qorlaytındardıñ qatarına tağı bir pende qosıldı. Esimi – Änuar, soyı – Tügel. Qızmeti - Respublikalıq advokattar alqasında. Lauazımı - Respublikalıq advokattar alqasınıñ törağası. «Ov»-tı familiyasınan «otap» tastağanına qarap osı bir azamatqa işimiz jılıp, büyregimiz bwrıp jüruşi edi. Söytsek, Änekeñniñ memleketşilidigi änşeyin ğana birdeñe körinedi. Eger ol şın patriot, otanşıl, halıqşıl azamat bolsa, Parlamenttiñ Mäjilisinde «Notariat jäne advokatura instituttarın odan äri damıtu jäne reformalau» taqırıbında ötken ükimet sağatında deputattıñ swrağına jauap qaytara otırıp  «Proşu otveti' na ruskom yazıke. Tak budet dostupney» demes edi. Alayda ol dedi. Degende, deputat Sauıtbek Äbdirahmanovqa solay ayttı. Advokattar alqasınıñ törağası älgindey dep şalqayğan soñ oğan deputat bılay dep keyistigin bildirdi:

«Meniñ swrağım tilek türinde boladı. Respublikalıq advokattar alqasınıñ törağası Änuar Tügelge. Deputattıñ swrağına jauap qaytara otırıp siz «Proşu otveti' na ruskom yazıke. Tak budet dostupney» dediñiz. Bwl söziñizdi qalay tüsinuge boladı? Deputat Magerramovtıñ swrağına jauap qaytarğan kezde de solay söylediñiz. Sonda sizdiñ pikiriñizşe, jauaptı qazaq tilinde qaytarğanda oydı «dostupno» jetkizudiñ mümkindigi joq pa? Qazaq tilin kemsitip söylemeudi swraymın».

Qısqası, Tügelden tüñildik. Änuarlardıñ äli künge qazaq tilin «jetimsiz til» dep tüsinetin jetesiz oyları men tünek basqan sanalarınıñ şegine jete almay şarşadıq. Halqım-au, aytıñdarşı, bwlarğa endi ne deuge boladı?

Ädiljan Qırımjan

Abai.kz

11 pikir