Kóresini Qanat Aytbaevtan kórip bittim. Dimash turaly gazetke birdene bere qoyayyn desen: «Qoya túr...», «Úyat bolady...» dep dinkeletedi de túrady.

Dimash Qytaydaghy «Men әnshimin» bayqauynan oralghanda Senat tóraghasy Qasym-Jomart Toqaev Qanat pen Svetany qúttyqtap, jedelhat joldady. Sony esty sala, jata kep jabystym: «Gazetke bereyik...». «Jo-joq, ol — jeke, otbasymyzgha kelgen dýnie ghoy. Úyat bolady». Qanattan qayyr bolmaghasyn Svetany jaghaladyq. «Qanat úrsady...» dep azar da bezer boldy ol da. Aqyry әreng iylikti. Gazetimizding saytyna jarq etkizdik. Basqa sayttar ilip әketti. Jaqsy janalyq qoy.

Qanat biraz kirjindedi. Svetagha da sóilepti. Meyli, quyryp jese de, óz әieli, onda sharuam qansha?! «Esegim sudan ótti», bastysy...

Sol quanyshty kýnderding birinde dosymyz, Dimashtyng qytaylyqtar týgel jattap alghan «Úmytylmas kýn» atty әnining sózin jazghan Oral Baysengir әdemi úsynys aitty. «Aqtóbede biyl birqatar әleumettik nysandar iske qosylady ghoy. Sonyng ishinde Jastar sarayy bar. Soghan Dimashtyng aty berilse, qatyp keter edi, iyә? Osy úsynysymdy gazetke jariyalandarshy». Júrt du ete qaldy. Qanattan basqasy, әriyne. Ol bayaghy «әnine» basty: «Shygharmaytyndaryng joq. Úyat bolady». Astanadan, Qytaydan habarlasyp, әlgi úsynystyng gazetke shyghyp ketpeuin qadaghalaumen boldy. Maghan mәtibi, әiteuir...

Meninshe, Oraldyng úsynysy óte dúrys. Ári bizde búryn múnday tәjiriybe bar. Janylyspasam, Qaraghandyda, Óskemendegi sport saraylaryna olimpiada chempiondary Serik Sәpiyev pen Oliga Shishiginanyng esimderi berildi. Al Aqtóbedegi su jana Jastar sarayyna 23 jasynda kýlli әlemdi moyyndatqan Dimashtyng atyn berse, jýzikke qas qondyrghanday bop shygha kelmey me?! Qalay oilaysyzdar?

Bauyrjan Babajanúly

Facebook-tegi paraqshasynan