Särsenbi, 23 Qırküyek 2020
COVID-19 QAZAQSTANDA. Jwqtırğandar — 107450. Jazılğandar — 102219. Qaytıs bolğandar — 1699
Jañalıqtar 28046 29 pikir 12 Mamır, 2017 sağat 12:31

76 jastağı Elbası ağılşınşa üyrengende, 40 jastağı ministrlerdiñ qazaq tilin bilmeui - wyat

Elbası Nazarbaev Universitetiniñ basşısı Şigeo Katsudı Aqordada qabıldadı.

76 jastağı Elbası şetel azasmatımen (Universitet basşısı Şigeo Katsudı aytamız) ağılşın tilinde äñgimelesti. Universitet jwmıstarı jaylı swrap, Katsudıñ bayandamasın tıñdadı.

Elbası Nwrswltan Nazarbaevtıñ qazaq tilinde (ana tilinde) tom-tom eñbekteri jarıq körgen.

Keşegi keñester odağı twsında ülken sayasattıñ alañına kirgen Nazarbaevtıñ orısşağa da tili jetik ekeni belgili. Endi mine, jası egde tartqanda ağılşın  tili üşin audarmaşını kerek etpey otır.

Elbasınıñ «Please, your report» dep bastalğan kezdesuinen tüygenimiz, til üyrenbek adamğa jas ta, basqa da kedergi emes eken.

Nwrswltan Nazarbaev 76 jasında ağılşın tilin üyrenip alğanın körgen kezde Täuelsizdiktiñ 26 jılında qazaq tiline tilderi sınbağan ministrlerdiñ jayı eske tüsti.

Memlekettik tilden maqwrım ministrlerge Elbası ülgi bolar. Sazarğan betim sazarğan dep otırğan ministrler mwnı tüsinedi me? Äy, qaydam...

Tüsinse, Timur Süleymenov «ana tilimdi wmıtıp qaldım» demes edi ğoy. Wlttıq ekonomika ministrligine tağayındalğan Timurdı tilden bezdirgen - Mäskeu. Sol jaqta bes jıl jürip,  qazaqşanı wmıtıp qalğanın özi ayttı. Aytpaqşı, «6 ayda qazaqşa sayrap şığamın» dep ant su işken edi.  Mamırda 4 ay toladı. Äzirge Timur qazaqşa jaq aşqan joq.

Wlttıq bank basşısı Daniyar Aqışev ta til üyrenuge twp-tura 1 jıl uaqıt swrağan. Uädesinde twrdı ma? Al Erlan Idırısov, Vladimir Bojko sekildi key şendiler «basımdı kesip alsañdar da qazaq tilin üyrenbeymin» dep aşıq aytqan.

Bwlardıñ izimen, Ädilet Ministri Marat Beketaev ta memlekettik tildi bilmeytin bolıp şıqtı. Zañğa jauaptı ministr Zañdı öreskel bwzıp otırğanına bas auırtpaytın bolsa kerek. Bwl da 1 jıl uaqıt swradı.

Ayta ketu kerek, Süleymenov (39 jas) te, Beketaev (39 jas) ta, Aqışev(40 jas) ta - qılşıldap twrğan jastar. Biliktiñ jas kadrları qazaq tilin bilmey-aq qwzırlı orındarı men pärmendi qızmetterge qonjiğanı küdikti oylarğa jeteleydi. 40-tağı üşeu 76-dağı Nazarbaevtan ülgi alıp, ana tilinde (qazaq tili) söylep şıqsa, hoş... Bwl bir jıl da öter. Qalğan äñgimeni sonda tağı da ayta jatarmız.

Nwrgeldi Äbdiğaniwlı

Abai.kz

29 pikir