Ýstimizdegi jyl qazaq halqy ýshin aituly jyl. Biyl elimizding Tәuelsizdik alghanyna tura 25 jyl. Shiyrek ghasyr. Osy orayda, Qazaqstan Respublikasynyng Mәdeniyet jәne sport ministrligining tapsyrysymen Sh.Aymanov atyndaghy «Qazaqfilim» kinostudiyasy týsirgen «Almas qylysh» filimining túsaukeseri merekege túspa-tús kelui jәy sәikestik emes dep oilaymyn. Filim merekege әdemi tartu boldy. Qazaq kinosy qazaqqa qajet tuyndymen tolyqqanda ishtey quanyp otyramyn. Árdayym tarihymyzdan syr shertetin  dramalar kóptep shyqsa eken deymin. Onday tuyndylardyng halyqqa, óskeleng úrpaqqa bereri mol, taghylymy mol. Kәring bol, jasyng bol, adamdy erekshe ruhqa jeteleydi. Búl auqymdy jobanyng avtory Preziydent Núrsúltan Ábishúly Nazarbaev.  Elbasy qazaqstandyq búqaralyq aqparat qúraldaryna bergen súhbatynda Kerey men Jәnibek – Shynghys hannyng úrpaqtary ekenin aityp, Shu boyynda Qazaq handyghyn qúrghandyghy turaly aityp ótken. Sonday-aq, Elbasy taghy bir sózinde: «Tamyry tereng qara emen, qasqaya kýter dauyldy» degen naqyl bar. Tamyryng tereng bolsa, qanday dauyl bolsa da qasqaya kóteresin. Tarihymyzdy zerttep, halqymyzdyng tarihymyz turaly bilimin arttyru qajet», - degen bolatyn.  Elbasynyng búl sózderimen tolyq kelise otyryp, biz taqyr jerden payda bolghan el emespiz degim keledi.

Biz - tamyry terenge tartqan, tariyhqa bay elmiz. Byltyr ghana qazaq memlekettiligining qúrylghanyna 550 jyl tolghan bolatyn. Ony býkil respublika dengeyinde atap óttik. Qazaq handyghynyng 550 jyldyghyna oray týrli is-sharalar atqaryldy. Solardyng biri «Qazaq Eli» kinoserialy.

Rejisser Rýstem Ábdirashov akter tandauda janylmaghan. Filimdegi  tarihy túlghalardy elimizding tanymal akterleri somdap shyqqan. Kereydi – ról talghamaytyn Qayrat Kemalov, Jәnibekti - jas ta bolsa talantty Erkebúlan Dayyrov,  Asanqayghyny –  myqty akter IYisbek Ábilmәjinov, Shaybanshahty – qay rólige salsang da qyranday qalyqtaytyn Doshan Joljaqsynov, Esenbúghany – ór túlghaly Dinmúhamed Aqymov, Qaztughandy – dauylpaz әnshi Bekbolat Tileuhan somdaghan. Filimdi kórip, arqalanyp qalghanym ras. Kartinadaghy alashtap úrandaghan súltandardyng beynesi úzaqqa jadymda saqtalady dep oilaymyn.

Ne deuge bolady, Ministr Arystanbek Múhamediyúlynyn, Mәdeniyet ministrligining baghyty dúrys. Eng bastysy, qanday da bir qiyndyqtargha, kedergilerge qaramastan, últtyq ruhty oyatatyn osynday filimderding kóptep dýniyege keluine barynsha at salysyp jýr. Qaysy birin aitasyn, keshegi «Qúnanbaydy» alynyz, «Anagha aparar jol», «Amanat», «28 panfilovshylar», Kerey men Jәnibek animasiyasyn, «Kóne qypshaq jazuy» derekti filimi, basqa da jobalar osynyng aighaghy emes pe! Arzanqol dýniyege eliktep ketken bizding rejisserlar keyingi kezde naghyz halyq kóretin tuyndylar jasay bastady. Meni quantatyny – osy!

Asanәli Áshimov,

KSRO jәne Qazaqstannyng Halyq әrtisi, akter, rejisser

Abai.kz