Ontýstik halqyn soltýstikke qonystandyru baghdarlamasyna 2017 jyly 85 mlrd. tenge bólingen. Búl turaly býgin Astanada «Korporativtik sektorda әielderding mýmkindigin keneytu» atty halyqaralyq forumda QR Enbek jәne halyqty әleumettik qorghau ministri Tamara Dýisenova mәlim etti, - dep jazady Últ portaly.

«Qazirgi uaqytta ontýstik ónirlerden soltýstikke qonystanu boyynsha baghdarlama qolgha alyndy. Alghashqy júmystar bastalyp ta ketti. Eng birinshiden, Bilim jәne ghylym ministrligining «Serpe» baghdarlamasy ayasynda soltýstik oblystargha studentter kelude. Bizding baghdarlama boyynsha da búl júmys jalghasyn tabady. Biyldyng ózinde búl baghdarlamagha respublikalyq budjetten 45 mlrd tenge, jergilikti budjetterden - 40 mlrd. tenge qarastyrylghan. Yaghni, 85 mlrd. tenge osy baghdarlamany jýzege asyrugha bólinude», - dedi ministr.

Ayta keteyik, búnyng aldynda habarlanghanynday, ontýstik ónirlerden soltýstik oblystargha kóshuge niyetti adamdardy yntalandyrudyng jana baghyttary engizildi. Birinshiden, qonys audarghandardyng shyghyndary 35 AEK kóleminde óteletin bolady, yaghny otbasynyng әrbir mýshesine 79 myng tenge somasynda beriledi. Sonymen qatar bir jyl boyy kóship barghan otbasynyng baspanany jaldaugha júmsaytyn shyghyndary subsidiyalanady.

QR Ýkimeti anyqtaghan ónirlerge erikti týrde qonys audarghan túlghalargha memlekettik qoldau sharalary qarastyrylghan. Jyl sayyn, ónirler men júmys berushilerding enbek resurstaryna súranysyn eskere otyryp, ishki kóshi-qon kvotasy belgilenedi. Atalghan kóshti yntalandyru tetigi retinde, bastapqy beyimdelu jәne jol men jýk tasu shyghynyn óteu qúraldarynan túratyn, qazirgi tandaghy әleumettik paketti qoldanu jalghasyn tabady. Osy jyly 2,7 myng azamattyng qonys audaruyna subsidiya tóleu maqsat etilgen.