Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Jañalıqtar 3370 0 pikir 30 Qaraşa, 2016 sağat 12:37

Qazaqstan men Özbekstan arasında jeñil avtokölikterdi ötkizu mäselesi şeşildi

Keşe Oñtüstik Qazaqstan oblısınıñ äkimi Janseyit Tüymebaev jwmıs saparımen Sarıağaş audanında bolıp, birqatar şarua qojalıqtar men äleumettik nısandardıñ jwmısımen tanıstı.

Eñ aldımen, öñir basşısı Aqjar auıldıq okruginde ornalasqan «Agrofud-Qazaqstan» JŞS-niñ bau-baqşa alqabın körip, alğaşqı köşetti otırğızdı.Biılğı jılı 280 gektar jerge jaña tehnologiyamen qarqındı bau ösirudi qolğa alğan seriktestik keler jılı önim aludı josparlap otır. Jobanıñ  investiciya köleminiñ jalpı qwnı 3 mlrd. 400 mln. teñge.

Seriktestik  basşısınıñ aytuınşa, birinşi jılı gektarına 10 tonna önim alu közdelip, 4 jıldan keyin 1 gektarına 40-50 tonna  önim jinau josparlanıp otır. Sonımen qatar, käsipker aldağı jıldarı ösirilgen jemisterdi saqtaytın toñazıtqış qoyma saludı jäne önimderdi qayta öñdeu jwmıstarın qolğa almaq. Tamşılatıp suaru ädisi qoldanılatın bauda jergilikti 200-ge tarta azamat jwmıspen qamtılatın boladı.

Mwnan soñ, aymaq basşısı «Jibek jolı» keden beketiniñ jwmısımen tanıstı. Onda audan äkimi Q.Äbduäliev audandağı barlıq keden beketteri mañında jürgizilip jatqan abattandıru jwmıstarın bayandadı. Künine 10-15 mıñ jolauşı ötetin keden beketinde keluşiler üşin barlıq jağday jasalu qajettigin aytqan oblıs äkimi körşi elmen qarım-qatınastıñ odan äri jaqsarıp kele jatqanın atap ötti. Sonday-aq, ol «Jibek jolı» keden beketi arqılı jeñil avtokölikter ötkizu mäselesi şeşilgenin, aldağı uaqıtta avtobustar qatınası da şeşimin tabatının jetkizdi.

Jwmıs saparı barısında äkim bastağan jwmısşı top «Jabay ata» şarua qojalığına qarastı jılıjay jwmısın kördi. Zamanaui ozıq tehnologiyalardı paydalana otırıp, twrğındardı sapalı kökönispen qamtamasız etip otırğanın aytqan şarua qojalıq iesi jergilikti 75 azamattı jwmıspen qamtığan.

Onıñ aytuınşa, büginde mwnda 450 mıñ köşet otırğızılıp, onıñ är tüp köşetinen 4-6 kelige deyin önim alınuda. Kölemi 15 gekter bolatın jılıjayda qızanaq pen qiyar ösiriledi. Öndirilgen jalpı önim 2250 tonna, al önimder Qazaqstan narığı men  Resey federaciyasına jiberilude.

Osı küni J.Tüymebaev Qazaqstan Respublikası Täuelsizdiginiñ 25 jıldıq merekesine oray, paydalanuğa berilgen sıyımdılığı  100 mıñ tomğa deyin jetetin ortalıq kitaphananıñ aşılu räsimine qatıstı. Twrğındardıñ quanışımen bölise kelgen äkim barşa sarıağaştıqtardı mereyli merekemen qwttıqtadı.

Atalğan mädeniet nısanında oqırmandar men qızmetkerlerge barlıq jağday jasalğan. 7 mıñğa juıq oqırmanı bar kitaphanada büginde 47 mıñ kitap qorı bar. Jaña kitaphana ğimaratı eki qabattı. Üş oqu zalı men kitap qorın saqtaytın 1 zal jäne qızmetkerge arnalğan 7 bölme bar. Ayta keteyik, jalpı audan boyınşa kitap qorı 632 mıñ bolatın 57 kitaphana halıqqa qızmet etude.

Sarıağaş audanına jasağan saparınıñ soñında oblıs äkimi jergilikti aktivpen kezdesip, audannıñ damu basımdıqtarın talqıladı. Onda audan äkimi Q.Äbduäliev Sarıağaştıñ äleumettik-ekonomikalıq damu körsetkişteri boyınşa atqarılğan jwmıstardı atap ötip, halıqtıñ äleumettik jağdayın köteru maqsatındağı jobalarımen bölisti.

Jiında Janseyit Qanseyitwlı şeşimin tappay otırğan mäselelerdiñ de bar ekenin atap ötip, onı aşıq aytıp, şeşu joldarın qarastırudı eskertti. Mäselen, industriyalandıru kartası ayasında audanda 1,7 mlrd.teñgeni qwraytın 5 investiciyalıq joba iske qosılsa, onıñ işinde«Sarıağaş qws» käsiporını toqtap qalğan. Al qwrılıs zattarın şığaratın «S-Dem» käsipornı 50 payız quattılıqpen ğana jwmıs istep twr.Audan äkimdigi tarapınan käsiporındarğa monitoring jürgizu jwmıstarı öz deñgeyinde atqarılmağanın aytqan aymaq basşısıbiıl audandağı önerkäsip öniminiñ kölemi  9 payızğa, öndeu önerkäsibi 14 payızğa kemigenin atap ötti.

Sonımen qatar, äkim bilim, densaulıq saqtau, qwqıq bwzuşılıq bağıttarında da tiisti jwmıstardıñ jürgizilmegendiginen körsetkişterdiñ tömen ekenin, osı saladağı jwmıstardı barınşa jandandıru qajettigin eskertti. Şipalı suımen tanımal audanğa elimizdiñ barlıq oblıstarınan jäne şetelderden köptegen turister men demaluşılar keletinin mısal retinde keltirgen J.Tüymebaev ondağı sanitarlıq tazalıq pen retsiz saudağa jäne kögaldandıru jwmıstarına basa nazar audaru qajettigine toqtaldı.

«Audanda qoqıs tastaytın 26 orın belgilengen, alayda, audan äkimdigi tarapınan jwmıstıñ dwrıs wyımdastırılmauına baylanıstı, eldi mekenderde  bey-bereket qoqıs orındarı köptep orın aluda. Sonımen qatar, mwndağı problemalardıñ biri retsiz ornalasqan bazarlar.  Mäselen, audandağı 13 bazardıñ 7-ui zañ talaptarına säykes kelmeydi»,- dedi oblıs äkimi.

Jiındı qorıtındılağan J.Tüymebaev Sarıağaş audanınıñ mümkindigi keybir audandarmen salıstırğanda öte joğarı ekenin aytıp, osı äleuetti barınşa paydalana otırıp, audan ekonomikasın köteru boyınşa birqatar naqtı tapsırmalar jüktedi.

Abai.kz

0 pikir