Qazirgi zamanda júmys isteymin degen adamnyng eki qolyna bir kýrek tabylady. Óitkeni, júmyssyz azamattargha memleket  ýlken qamqorlyq tanytuda. Kepilge qoyatyn jyljymaytyn mýlkiniz bolsa nesiyege tómengi payyzben qarajat beredi. Búl jóninde búghan deyin de gazet betinde jazylghan bolatyn. 

Ayta keteyik, 2016 jyly  «Yrys» MQÚ» JShS arqyly Tóleby audanynda jalpy somasy 143 mln. tengege 45 joba maqúldandy. Onyng ishinde 38 joba 138,6 mln. tengege qarjylandyryldy.  Mal basyn kóbeytumen, bordaqylaumen ainalysugha bel buyp, atalghan úiymnan  2014 jyly 3 mln. tenge nesie alghan Tóleby audany, Qoghaly auyl okrugine qarasty  Úzynaryq auylynyng túrghyny Myqtybek Ospanov (surette)  arnayy «Ýzdik joba» nominasiyasyn iyelendi.

– Bastapqyda 17 jylqy alyp, kәsipkerlikti bastadym. Isim órge basty. Býgingi tanda iyeligimde 10 sauyn biye, 15 bordaqylanatyn jylqym bar. Etin, qymyzyn ótkizip, otbasymyzben yryzdyghymyzdy tauyp otyrmyz, – deydi kәsipker.

Auylyna joldary týsip kelip qalghan «Yrys» mikroqarjy úiymynyng qyzmetkerlerine nesie jónindegi óz úsynysyn jetkizdi.

– Nesiyening óteu merzimin sәl úzartyp, payyzyn tómendetse bolar edi. Sebebi, alty ay sayyn tólemaqy jasau kәsipti endi qolgha alghan  sharuagha onay tiymeydi.  Ony bir jyl merzimge deyin úzartsa tirligimizdi damytugha, kәsibimizdi keneytuge mýmkindik berer edi, – deydi ol.

M.Ospanov jylqylardy sonau Reseyden aldyrypty. Ózining toghyz gektar jonyshqa jәne biday egetin jeri bar. Sonyng arqasynda jem-shóbin de erte bastan qamdap qoyghan. Kelinshegi Zarina biyelerdi әr eki saghat sayyn sauyp, eki kýnde 45-50 litrdey qymyzdy auyldaghy saudagerlerge ótkizedi.

Al, Qorghan auylynyng túrghyny Túrsúmbay Zaytenov 5 mln. tenge nesiyege  10 jylqy, 10 búqa, 5 sauyn siyr jәne 30 tauyq  satyp alyp, kәsipkerligin óristetip otyr.  Auyl túrghyndaryn arzan etpen, sýtpen qamtamasyz etip  otyrghandyghynyng arqasynda «Yrys» MQÚ-nyn  «Ýzdik joba» marapatyna ie boldy. Mal baghyp, onyng ónimi arqyly túrmysyn týzegen jannyng bastamasyn auyldastary da qúptauda.

«Qimyldaghan qyr asady» degen qaghidany ústanghan jandar osylaysha kәsibining nәsibin kórip otyr.

Abai.kz