Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4613. Qaytıs bolğandar — 37
1886 0 pikir 16 Jeltoqsan, 2016 sağat 11:35

Tatulıqtı tu etken beybit halqımızdıñ 25 jılda bağındırğan belesteri orasan

Oñtüstik Qazaqstan oblısınıñ äkimi Janseyit Tüymebaev jalpı qazaqstandıqtardı, öz jerlesterin Täuelsizdik künimen qwttıqtap, bılay dep aqjarma tilegin bildirdi:

Qımbattı otandastar!

Qwrmetti oñtüstikqazaqstandıqtar!

Sizderdi barşa armanımızdıñ asqarı, baqıtımızdıñ bastauı bolğan wlıq merekemiz – Täuelsizdiktiñ 25 jıldığımen şın jürekten qwttıqtaymın!

Şirek ğasır bwrın Elbasımız Nwrswltan Äbişwlı Nazarbaevtıñ saliqalı sayasatımen düyim düniege Täuelsizdigimizdi jariya etip, Mäñgilik el boludıñ biregey qadamın jasadıq. Ata-babalarımızdıñ armanı aqiqatqa aynalıp, azattıqqa qolımız jetti. Tarihi oqiğalar toğısqan 16 jeltoqsan  biz üşin qasietti kün sanaldı!

Twğırı – tınıştıq, tiregi – twraqtılıq, tilegi – tatulıqqa negizdelgen Qazaq elin büginde älem beybitşilik besigi dep moyındaydı. Intımaqtı wran, tatulıqtı tu etken beybit halqımızdıñ 25 jılda bağındırğan belesteri orasan. Osı uaqıt aralığında älemniñ damığan 30 eliniñ qatarına wmtılğan memleketimizdiñ tolağay tabıstarı orasan. Mwnda 3 millionğa jaqın jerlesimiz ömir sürip jatqan Oñtüstik Qazaqstan oblısınıñ alar ornı ayrıqşa.

Täuelsizdik jıldarındağı jetistikterimizdi tizbelesek, aytıp tauısa almasımız anıq. Sonıñ işindegi bir ğana auıl şaruaşılığı salasındağı jalpı önim 43 esege artıp, 456 mlrd.teñgeni qwradı. Soñğı bes jılda zamanaui tehnologiyalardı qoldanısqa keñinen engizude aldıñğı qatardağı oblısımızda tamşılatıp suğaru ädisin qoldanu – 24,2, jılıjay keşenderiniñ kölemi – 9, jemis-jidek saqtau qoymaları – 6,5 jäne tereñ qopsıtu ädisin qoldanu 41 esege arttı. Al, mal şaruaşılığı bwrın soñdı bolmağan etti jäne sütti bağıttağı iri qara mal jaña twqımdarımen tolıqtırıluda.

Öñirimizdegi önerkäsip salası qarqındı damıp, şirek ğasırda öndirilgen önimder kölemi 650 mlrd. teñgege juıqtadı. Industriyalandıru bağdarlaması ayasında 150-den astam joba iske qosılıp, jalpı sanı 12 mıñnan asatın twraqtı jwmıs orındarı qwrıldı.

Täuelsizdik küni – bar ğwmırın bostandıq üşin küreske arnağan bozdaqtardıñ jankeşti eñbegi men eren erligin eske alatın qasterli mereke. Wlt Köşbasşısı atap körsetkendey, Täuelsizdik – täuekeli jetkenderdiñ ğana peşenesine bwyıratın baqıt! Bwl keşegi babalar erliginiñ ruhın alğan, erteñgi wrpağına jol salğan zamandastarımız – sizderdiñ eseli eñbekteriñizdiñ jemisi.

Qadirli jerlester!

Barşañızğa zor densaulıq, şañıraqtarıñız şattıq, berekeli birlik pen bayandı tirlik tileymin!

Täuelsizdigimiz twğırlı, eldigimiz ğwmırlı, Mäñgilik Elimizdiñ kelbeti sändi, etken eñbegimiz mändi bolsın!

 

  

 

0 pikir