Búrynghy atalarymyz tughan kýn degenge mən bermegen ghoy. Olar "Jaylaugha kóshken kezde", "Ózen tasyghanda" degen sekildi qúbylystardy este saqtap qalyp, tughan kýnin dolbarlap aita salatyn.

Bir kókemiz de anasynyng "Balyq jyly alghashqy qar jaughan kýni tughansyn" degen sózin maldanyp jetijyldyq mektepti bitirgen song qújat alugha audangha barady. Qújat qabyldap otyrghan jigit tughan jylyn, aiy-kýnin súrasa, "tughan kýnimdi bilmeymin" dep qalay aitsyn. Sodan anasynyng aitqanyn esine alyp, "1940 jyl, 7 qarasha" deydi ghoy. Qújat qabyldaushy jigit ózine qajetti məlimetterdi týrtip alyp, kókemizdi kelesi bir mekemege jiberipti. Ol jerde aq halat kiygen bir orys kelinshek kókemizding kelgen sharuasyn bilgen son:

- Snimiyte bruky - dese, kókemiz týsinbeydi. Sóitip túrghanda kókemizding bastauyshta oqytqan aghayy kele qalypty. Aghayy kókemizge "shalbaryndy shesh dep jatyr" dep týsindiripti. Kókemiz ynghaysyzdanyp túrsa, orys kelinshek bajyldauyn qoymaydy. Aghayy:

- Sheshinbeseng bolmaytyn siyaqty. Əytpese, tughan jylyndy anyqtay almaymyn dep túr, - degen song kókemiz amal joq beldigin sheshe bastaydy. Shalbaryn tizesine deyin týsirgen son, orys əyel "kiyine ber" dep ishara jasapty. Orys əyelding "sen bala 1939 jyly tuylghansyn" degenin aghayy týsindiripti. "Au, men 1940 jyly tughanmyn. Jylym - balyq" degen kókemizdi orys qatyn tyndap ne qylsyn? Qújatyna "1939 jyly tughan" dep jazyp beripti. Solay qújatyn da "1939 jylghy" dep alghan ghoy. 
Shyn tughan kýnin kókemiz tek onynshy oqyp jýrgeninde bilipti. Auyldyq keneste ómir boyy hatshylyq qyzmet atqarghan bir kókesi Úly Otan soghysynyng aldynda saylau bolghanyn, sol saylaugha kókemizding anasyn bosanghanyna ýsh-aq kýn bolsa da, birneshe shaqyrym qashyqtaghy saylau punktine atpen aparyp bulleteni tastatqanyn aitqan ghoy. Sóitse, saylau 1939 jyly 12 jeltoqsanda ótken eken. Sonda, kókemizding shyn tughan kýni 1939 jyldyng 9 jeltoqsany bolyp shyqqan. 

Ty-ty: Osy fybyda shyn tughan kýnin kórsetpeytin dostarym kóp. Ana orys qatyn sekildi adamnyng jasyn bútyna qarap anyqtaytyndarynyz joq pa edi aralarynyzda?

Erjan Tәlip

Facebook-tegi paraqshasynan