Ontýstik Qazaqstan oblysy Maqtaral audany, Myrzashóldik sharualar maqta qyrmanyn «aq altyngha» toltyryp jatyr. Aq maqtany qyrkýiek aiynan bastap tere bastaghan qojalyqtar býginge deyin 53 myng gektar maqtalyqtan 110 myng tonna shitti maqta jinap ýlgerdi. Onyng 44 myng tonnagha juyghy qolmen terilse, 66 myng tonnadan astamy arnayy tehnikamen jinalghan. Búl turaly "Abay aqparat" portaly OQO әkimining baspasóz qyzmetine silteme jasay otyryp habarlaydy.

Týsimdilik te kónil kónshitedi. Ár gektardan boljamdyq shamamen 24,1 sentnerden «aq altyn» alynuda. Býginge deyin jalpy maqtalyq alqaptarynyng 64 payyzyn jinaghan maqtashylar birinshi terimdi ayaqtap, ekinshi terimge kóshude. Ol ýshin audan kóleminde 297 dana týrli kombayndar men 10 mynnan astam adam maqta terim nauqanyna qatysuda. 

«Maqtanyng baghasy biyl jaman emes. Kelisin 155-160 tengeden ótkizip jatyrmyz. Ónimdiligi de jyldaghydan aitarlyqtay joghary. Qúdaygha shýkir, biyl bir bayyp qalatyn boldyq», - deydi sharua Aldan Sәrsenbaev.

Ayta keteyik, biyl maqtaraldyq sharualar maqta alqaptarynyng kólemin jyldaghymen salystyrghanda 6 myng gektargha arttyryp, 83 myng gektar jerge maqta shiytin ekti. Jiyn-terim nauqanynyng sonyna deyin Myrzashólde 200 myng tonnadan astam aq maqta jinau kýtilude.   

Abay aqparat