Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Qoğam 4691 0 pikir 31 Qazan, 2016 sağat 15:27

«BİZGE QITAYLARĞA QARATA JAÑAŞA SAYASAT WSTANUĞA TURA KELEDİ»

Qıtay mäselesi Qazaqstan qoğamında ünemi nazarda kele jatqan äri jwrt tarapınan qızu talqığa tüsetin taqırıptardıñ biri. Qıtaymen baylanıstı jer mäselesi de neşe märte qoğamda ülken alañdauşılıqqa sebep bolğan. Soñğı kezderi Qıtaydan Qazaqstanğa äkelinedi delingen 51 zauıt mäselesi de qazaq baspasöziniñ bastı taqırıbına aynaldı.  Qıtay men Qazaqstan arasındağı baylanıstıñ ärtaraptı jäne tereñ ekenin eskere otırıp, sarapşılar qıtaytanu institutın qwrıp, körşi memleketti jan-jaqtı zerttep, tanuımız şart ekenin aytıp keledi. Biraq, onda institut äli aşılğan joq. Tek Qazaqstan Respublikası Prezidentiniñ janındağı Qazaqstan strategiyalıq zertteuler institutı qıtaylıq äriptesterimen jolığıp, täjirbie almasıp jürgendigi ğana belgili. Al, qıtaytanu institutınıñ qajettiligi äri qwrıluı kerektigi tağı aytıldı. Bwl jolı mwnday wsınıstı tarih ğılımdarınıñ doktorı, professor Qarjaubay Sartqojawlı (surette) ayttı.

«El Täuelsizdiginiñ bayandı boluı üşin bizge qıtaylarğa qarata jañaşa sayasat wstanuğa tura keledi. Ol üşin qıtaydıñ tilin, janın, psihologiyasın, tarihı men mädenietin tereñ zerttep, naqtı jwmıstar jasaytın qıtaytanu bağıtındağı «mıstan» instituttar qwru kerek» depti professor. Tarihşı mwnday oyın L.N. Gumilev atındağı Euraziya wlttıq universitetiniñ filologiya fakul'teti Qıtay filologiyası kafedrası qwrılğandığınıñ bes jıldığına oray ötken «Qazaqstandağı qıtaytanu ğılımı: tarihı, bügini men bolaşağı» attı dästürli II Halıqaralıq ğılımi-täjiribelik konferenciya barısında ayttı dep baq.kz jazadı.

Tarihşınıñ bwl sözi qıtaytanudıñ Qazaqstanğa sayasi, ekonomikalıq, tarihi jaqtan qanşalıqtı qajet ekenin tağı bir ret ayğaqtap otır.

Nwra Matay

Abai.kz

0 pikir