Auyr atletshilerimiz halyqtan keshirim súrap, budjetten alghan qyruar qarjyny qaytarsyn,-dep jazady "qazaquni.kz" portaly.

Keshe ghana Halyqaralyq olimpiadalyq komiytetting elimizding tórt birdey auyr atletin Olimpiada medalinen aiyrdy. Kýlli әlemge ózderin de, óz elin de masqara qyldy desek, artyq aitqandyq emes.

Birinsheden, HOK sekildi bedeldi úiym dauly habarlama ghana jasaumen ainalysatyn mekeme emes qoy. Jәne bizding sportshylarymyzdan basqa әlemning nebir alpauyt elderining sportshylary da medaliderinen qaghyldy.

Ekinshiden, halyq arasynda «Oybay, Iliya Iliindi kóre almaydy, ayaqtan shaldy»  degen sózder jii aitalady. Álemdik dengeyde Iliya syndy sportshy joq deymiz be sonda? Eki dýrkin Olimpida chempiony bolghan sportshylar jetip artylady. AQSh-tyng әigili Maykl Felpsi she? Jiyrma ýsh ret Olimpiada chempiony atanghan Felps nemese toghyz dýrkin Olimpiada chempiony Useyn Boltty doping qoldandy dep aiyptamady ghoy. Jәne býkil әlemde, Qazaqstanda tek qana Iliya Iliin osy qara tizimge ense onda oilanugha bolar edi.

Ýshinshiden, auyr atletterding «kósemi» Aleksey Ny osy jaghdaydyng bәrin teriske shygharyp otyr. Qazaqta maqal bar, «Sasqan ýirek qúiryghymen jýzedi» degen. Áriyne, teriske shygharady. «Iya, biz qabyldap edik» dep aitugha dәti qayda, bayghústyn… Al, sol Niyding «neadekvatnyi» pikirlerine bola әlemdik olimpiadalyq komiytetting júmysyna senbeuge bola ma?

Tórtinshiden, auyr atletshilerding «qylmysy» dәleldendi. Al, endi olargha budjet esebinen, SIZ ben BIZDING qaltamyzdan berilgen qyruar qarjy nege qaytarylmaydy? BUDJET degeniniz – sizding ay sayynghy ailyghynyzdan ústalatyn on payyz aqsha! Búlargha berilgen 250 myng dollar, bәlenbay-týgenbay myn dollardyng bәri, siz ben bizding tirnektep jighan tabysymyz. Sonda olardyng eldi aldap, әlemge qara bet bolghandaryna osynshama aqsha tóleuimiz kerek pe?

Nesip Imanbay

Abai.kz