Afiny Olimpiadasynda Qazaqstannyng bayraghyn jelbiretken sportshy býginde kólik jóndeushige ainalghan. Búl turaly Ikerim.kz sayty jazady.

Ol – chempion. Ol – sport sheberi. Ol – «Qúrmet» ordenining iyegeri. 2004 jyly Afinydaghy olimpiadada auyr atletikadan 77 keli salmaq dәrejesinde óner kórsetip, kýmis jýldeni jenip aldy. Búl jetistik ony Qazasqstangha ghana emes әlemge әigili etti. Elimizding sportynyng tarihynda esimi altyn әriptermen jazylghan atlet Sergey Filimonov qazir qayda jýr? Nemen ainalysyp jýr? Júldyzdy sәtinen keyingi ómiri qalay órnekteldi?

Ony bir kezderi bәri qúrmet tútty, ýlgi aldy. Jas sportshylar men buyny endi qatyp kele jatqan jetkinshekterding kumiyrine ainaldy. Qazaqstannyng Enbek sinirgen sport sheberi, әlem rekordynyng iyegeri atandy. Eki Olimpiadada qatarynan el namysyn qorghaghan danqty sportshy. Sidneyde ótken dýbirli dodada tórtinshi oryngha túraqtasa, Afinyda jenis túghyryna kóterildi. Búdan bólek Europa men Aziyanyng chempiony degen ataghy taghy bar.

Olimpiadagha aparar jol

Sergey Filimonov 1975 jyly 2 aqpanda Almaty oblysy, Qaratal audany, Ýshtóbe qalasynda dýniyege kelgen. Kishkentayynan әjesining qolynda ósken. Qomqor әje Vera Panteleyqyzy «nemerem búrys jolgha týsip ketpese eken» degen niyetpen ony auyr atletika ýiirmesine jazdyrady. Ol kezde bolashaq chempion bar bolghany 9 jasta edi. Sóitip eng alghashqy jattyqtyrushysy – Lazari Donnan ziltemir kóteruding qyr-syryn ýirene bastaydy. Birneshe sportshyny baptap, dodagha qosqan Don ony alghash kórgende-aq bolashaq júldyz ekenin birden angharypty. Jattyqtyrushynyng senimi aldamasa kerek-ti, Sergey 13 jasynda-aq jenisti jolyn bastaydy.

Sporttaghy joly ony Evropanyn, Aziyanyng chempiony degen biyikterge deyin kóterdi. Al 29 jasynda eng zor nәtiyje – Olimpiada shynynan kórindi. Afinyda ótken әlemdik bәsekede kýmisten alqa taghyndy. Búl jetistigi ýshin aqshalay syilyq jәne Almaty qalasynan 3 bólmeli pәter tabystaldy. Biraq qarapayymdylyghyna darday ataghy búghau salmaghan milliondardyng kumiyri millondardyng qalasynda qalmay, tughan jeri Ýshtóbege qaytudy úigharady.

Olimpiadadan keyin…

2005 jyldyng 2 tamyzy danqty sportshynyng ómirin kýrt ózgertti. Dәl sol kýni ol Ýshtóbe-Taldyqorghan tas jolynda 23 jasar velosiypedshini qaghyp ketedi.

«Óte qaranghy edi. Onyng jolgha qalay shygha kelgenin angharmay qaldym. Týk kórinbedi. Eshteneni bayqamauyma qarama-qarsy kele jatqan kólikting de yqpaly boldy» — dep Sergey sol kýngi oqighany kónilsiz eske alady.

Velosiypedshi oqigha ornynan dereu auruhanagha jetkiziledi. Ókinishke qaray, kóp úzamay qaytys bolady. Sergey onyng barlyq jerleu rәsimine qajetti qarjyny ótep, otbasyna bar kómegin kórsetedi. Sportshynyng adal niyetin bayqaghan boluy kerek, baghyna oray, qaytys bolghan jigitting jaqyndary oghan óz keshirimderin beredi.

Degenmen osy qayghyly jaghdaydan keyin júldyzdy sportshynyng ómiri órden tómen qaray qúldilay bastaydy. Jaqyndary da, dostary da, әriptesteri de, tipti, jan-jary da odan teris ainalady. Eshqanday qoldaushysy, arqasýieri qalmaghan auyr atlet óz-ózin ashy sumen júbatugha kóshedi.

«Tipti, Almatydaghy pәterimdi de «iship qoydym», al mýlde jalghyz qalghan kezimdi kýmis medalimdi jattyqtyrushyma berip, ózim Reseyge, tәtemning janyna ketip qaldym» — deydi aqyryn ghana Sergey.

Reseyding Kemer oblysynda jýk kóligining tizginine otyryp, kómir tasumen ainalysady. Osy kezeng onyng qayta es jiiyna, qalypqa keluine kómegin tiygizedi.

2007 jyly ghana «Qúrmet» ordenining iyegerine izdeu salynyp, eline qayta oraluyn súraydy. Ol da kóp qarsylaspay, óz tughan jerine kelip, jana ómir bastaugha sheshim qabyldaydy. Sportqa da qayta oralady, alayda…

Birneshe jyldyq ýzilisten keyin qalypqa kelu onaygha týspedi. Jattyghudy qayta bastaghan sportshynyng ayaghy syr berip, auyr atletikamen birjola qoshtasuyna tura keledi. Búl jaghday da Sergeyding qayta tútynghan ýmit otyna su býrkigendey boldy.

Taghy da kýizelis…

«Men bir ghana nәrseni úqtym, belgili-bir dәrejege jetip, joghary nәtiyje kórsetken kezde sen bәrine kereksin. Al sәl qúldilasan, qajetsiz nәrsedey tizimnen ysyrylyp qalasyn. Maghan dәl solay jasady. Biraq men eshqashan eshkimge ókpelemeymin. Osy jaghdaylardyng bәrin basymnan ótkeru taghdyryma jazylghan shyghar. Búl – mening ómirim, mening jolym. Men danqtyng shynyna kóterildim, el meni tanydy jәne dәl solay tómendetti», – deydi Sergey Filiminov.

Abai.kz