Almaty oblysy, Qarasay audanyna qarasty Janatúrmys auylyndaghy mektepting ústazy Ayman Saghidullaevany oqyrman qauym jaqsy tanidy. Qarasay audanynyng atqaminerleri sol Ayman Saghidullaevany birjola qyzmetten quugha kirisken sekildi.

Býgin bizding redaksiyamyzgha Ayman hanym habarlasyp, bir-aq kýnde eskertu men sógis alghanyn, endi bir qatang sógis alsa qyzmetten bosaytynyn aityp shaghymdandy.

Ayman Saghidullaeva, ústaz:

– 19 mamyr kýni meni qarasaylyq aqsaqaldar jinalysqa salyp, «tәrtibimdi» qaraghan edi. Ony Sizderding portaldarynyz jazghan bolatyn. Sol kezde ózim tanymaytyn adamdardyng negizsiz jalasynan jýregim auyryp, jedel jәrdem shaqyrugha tura keldi. Osymen is bitken shyghar dep oilaghanmyn. 2 mausym kýni maghan diyrektor týske deyin eskertu, týsten keyin sógis jariyalady. Eskertu osydan 12 kýn búryn bolghan aqsaqaldar ótkizgen jinalysta berilipti. Ony men keshe ghana aldym. Endi, bir syltau tauyp, sógis jariyalap, meni qyzmetten qua salugha bolady degen sóz.

19 mamyr kýngi aqsaqaldar ótkizgen jinalystyng hattamasyn súrap, ala almay otyrmyn. Úzynqúlaqtan estuim boyynsha, endi meni Janatúrmystyng aqsaqaldarynyng jinalysyna salmaqshy kórinedi. Shyndyqty aityp shyryldap, múghalimderding qúqyghyn qorghaghanym ýshin osynshama sergeldenge salugha bola ma?

Ayman Saghidullaevany jinalysqa salghan aqsaqaldardyng birnesheuimen habarlasyp, mardymdy jauap ala almadyq. Diyrektor da telefonyn kótermedi. 

Osy shynashaqtay ghana Ayman qyz ústazdardyng senbilikterge baruyna, diyrektorlardyng pәrmenimen týrli konsertterge biylet satyp alugha, sonymen qatar múghalimderdi mәjbýrli týrde qoghamdyq júmystargha salugha qarsylyghyn bildirip, oqytushylar qúqyghyn qorghap jýr. Múghalimning janayqayy ministrlikting qúlaghyna ilinip, talay kýrmeuli mәseleni sheshkenin de jaqsy bilemiz. Sol sebepti de, kýresker ústazdyng jaghdayy әrdayym bizding nazarymyzda bolatynyn eskertkimiz keledi.

Shәriphan Qaysar

Abai.kz