Jaqynda Ontýstik Qazaqstan oblysynda bir mektepting 40 týlegi Últtyq biringhay testileudi jogharghy dengeyde tapsyryp, «Altyn belgi» iyegeri atandy.

Búl turaly OQO, Aymaqtyq kommunikasiyalar qyzmetinde brifing ótkizip, ÚBT qorytyndysy turaly bayandama jasaghan oblystyq bilim basqarmasy basshysynyng orynbasary Erjan Búrhanov aitty.

Sonday-aq, ónir boyynsha 6 týlek 125 ball jinasa, taghy 18 oqushy 124 ball alghan. Biyl OQO boyynsha 1439 oqushy  «Altyn belgige» ýmitker atansa, olardyng 575-si senimdi aqtapty. Sony ishinde, Maqtaral audanyndaghy B.Momyshúly atyndaghy jalpy bilim beretin orta mekteptin  40 týlegi  «Altyn belgi» iyegeri atandy.  Baspasóz mәslihatynda belgili bolghanday  oblys boyynsha bitirushilerding ÚBT-gha qatysu payyzy – 73,2 payyzdy qúrap, jalpy oblystyng ortasha baly 77,7 payyzdy kórsetti.

Atalghan aqparatqa qatysty biz Últtyq testileu ortalyghyna habarlasyp, atalghan mektep týlekteri turaly tolyq aqparat almaq bolghan edik, ókinishke oray ol jerde telefon tútqasyn kóterip jauap beretin jan tabylghan joq.

Áueli Últtyq testileu ortalyghynyng qabyldau bólmesindegi hatshy qyz (aty-jónin aitpady): «Qazir bizde seminar jýrip jatyr. 1 saghattan song habarlasynyz», - dedi. Uaghdalasqan 1 saghattan song qayta qonyrau shalyp edik, «Búl turaly ÚTO-nyng «Aqparat bólimi» jauap beredi», - dep ekinshi bir bólimge siltedi. Jóneltken jerge  habarlasqanymyzda bólim qyzmetkeri Aygýl Ómirzaqqyzy: «Ras, ol turaly estidik. Biraq sizge búl turaly Janna Tileuova tolyq jauap beredi», - dep ýshinshi bólimge iyterip qoydy. Últtyq biringhay testileu júmystarymen tikeley ainalysatyn búl bólimde bizge әueli qyzmetker Aydyn Núrypbayqyzy: «Men jәy qyzmetkermin. Qazir Janar Tileuova joq. 10 minuttan song habarlasynyz», - dedi. Odan keyin taghy bir qyzmetker  Nasihat Órkenqyzy da jogharydaghy ssenariy boyynsha týsten keyin habarlasuymyzdy ótindi.

Osylaysha ÚTO kenselerin telefon arqyly sharlap jýrip, «Altyn belgi» alghan  OQO-lyq 40 týlek turaly mәlimet beretin  bir adamdy taba almadyq.

Dese de, Ontýstik Qazaqstan oblystyq bilim basqarmasynyng basshysynyng orynbasary Erjan Búrhanovtyng brifingtegi derekterine qarap otyryp, B.Momyshúly atyndaghy qazaq tildi jalpy bilim beretin orta mektep týlekterining jetistigine sýisindik.

Jogharyda bizding súraqtarymyzgha jauap beretin jan tabylmaghan Últtyq testileu ortalyghynyng derekterine sýiensek, biyl  ÚBT-gha elimiz boyynsha 84079 bitirushi qatyssa, sonyng ishinde 61739 oqushy qazaq tilinde, 22340 bitirushi orys tilinde test tapsyrghan. Jalpy elimiz boyynsha mýmkin bolghan 125 baldy 19 bitirushi jinasa, olardyng 6-uy OQO-lyq týlekter jәne  Almaty qalasynan - 6, Shyghys Qazaqstan oblysynan – 2, Pavlodar oblysynan – 2, Astana qalasynannan – 1, Batys Qazaqstan oblysy – 1, Qaraghandy oblysynan – 1 oqushy.

Osydan sәl erterekte, Qazaqstannyng Bilim jәne ghylym ministri mәlimdeme jasap, elimizdegi qazaq tildi orta mektepterding bilim dengeyining tym tómendigin aitqan edi. Qazaq mektepteri orys mektepterimen salystyrghanda 1,5 jylgha artta qalyp qoyghan degen ministr Saghadiyev myrza barlyq orta bilim beretin mektepterge ýshtildilik engiziletinin mәlimdegen bolatyn. Mektep oqushylarynyng tilin shúbar-alalaugha niyetti ekenin anghartqan Bas pedogog monotildilik iydeyasyna ynta-shyntasymen qarsylyq tanytqan edi.

Ministr aghylshyn men orys tilin kýshtep ýiretpek bolghan orta mektepter jyldy qorytyndylady. Últtyq biringhay testileuler ayaqtalyp, onyng qorytyndysy boyynsha qazaq tildi jәne orys tildi mektep týlekterining bilim kórsetkishi tarazygha salyndy. Bir ghana qazaq tildi orta mektepting 40 týlegi «Altyn belgi» iyegeri atandy. Búl rekordtyq kórsetkish ekenin ministr Saghadiyev myrzanyng ózi teristey almasa kerek. Demek, ministrding «qazaq mektepterining bilim dengeyin tómen» degen mәlimdemesi shyndyqqa janaspaytyn, jalghan derek bolghany ghoy? Endi ministr Saghadiyev qazaq mektepteri turaly qateleskenin moyyndauy kerek. Mәsele osynda- moyynday ma?

Núrgeldi Ábdighaniyúly

Abai.kz