NEMESE BILMEYMIZ, "AQTÓBE" ME, "AQTOBYL" MA?

Bizding Qostanaydyng jýgirmekteri býginderi bir kezderi múqym júrtqa belgili bolghan osynau kýldirgi әnning maqamyna salyp qúiqyljyta  әndetip jýr. Búghan sirә tang qalugha da bolmas. Óitkeni dәl qazirgi tanda kórshimiz Aqtóbe qalasyndaghy osy attas futbol klubynyng әidik deytin tórt birdey sportshysy bizding «Tobyl» klubyna birjolata qonys audypty. Múny osyndaghy budjetten mol qarjy alyp, qaghanaghy qarq, saghanaghy sarq bolyp otyrghan baspasóz jerden jeti qoyan tapqanday alaqaylap jazyp jatyr.

Búryn oiynyna adam týsinbeytin, birde útsa, birde útylyp, kósh sonynda әreng ilbip jýrgen «Tobylgha» «Aqtóbeden» auysyp kelgen Dmitriy Miroshnichenko, Viktor Dmitriyenko, Chipriyan Dyak pen Arturas Julpa degenderding atyn atap, týsin týstep mәz-mayram boluda. Jaqsy oiyndy emes, mol aqshany ghana oilaytyn, kimning tarysy pisse, sonyng tauyghy bola salatyn búl legionerlerdin  «Tobyldyn» kósegesin kógerte qoyady deuding ózi qiyn. «Qyrda qys jayly bolsa, arhar auyp nesi bar» degendey, olardyng «Aqtóbedegi» jyly ornyn auystyratynday ne basyna kýn tudy deysin. Múnyng da erekshe qúpiyasy joq.

Aqtóbe oblysynyng әkimi búl legionerlerding aiyna 60 mynnan 70 myng evrogha deyin jalaqy alatyndyghyn aityp, ol komandanyng budjetin 1 milliard tengege qysqartqannan song kýii kete bastaghan synayly. Búryn útsa da, útylsa da qylshyghy qisaymaytyn, osynshama mol aqshany tipti jan qinamay ala beretin kelimsekter ózderine tyqyr tayanghandyghyn sezgen әriyne. Sosyn, sóz joq, Saparbaev sekildi sarandyq jasamaytyn, qoly ashyq, jomart ónirlerge kóz salmay ma? Nazarlary bizding ólkemizge týsken týri bar. Búlay deuimizge sebep te joq emes. Osyndaghy «Nasha gazeta» basylymynyng jurnalisteri oblys әkimi Arhiymed Múqanbetovke ýshbu hat joldap, «Tobyl» komandasynyng qarjylyq jaghdayyn súraghan saualyna naqty jauap ala almady. «Tobylgha» budjetten qansha qarjy bólenetindigin, onyng futbolshylarynyng jalaqysynyng qanshalyqty dengeyde ekendigin aqyry bile almay-aq qoydy. Búl derekter әli kýnge deyin qúpiya kýiinde qalyp otyr. Taghy bir qyzyghy, búl saualdargha aiqyn jauap beruding ornyna sol «Tobyl» komandasynyng baspsóz hatshysy Doljanskiy degen myqtyng orystardyng «Sam durak!» degen qaghidasymen әlgi jurnalisterge «senderding ailyqtaryng qansha?» dep ózderine tap beripti. Sirә, búl búrynghy jurnalist budjetten qarjylandyratyn mekeme men jeke menshik gazetting aiyrmashylyghyn týsine almay jýrse kerek. Osydan keyin bizding sheneunikterding dengeyining qanshalyqty ekendigin baghamday berinizder.

Bizding oblystyng әkimi Arhiymed Múqanbetovten jurnalister birde ol kisining hobbii turaly súraghanda ónir basshysy «futbol men shahmatty jaqsy kóremin» dep jauap qaytarghan edi. Soghan qaraghanda Aqtóbeden auyp kelgen legionerlerding jaghdayy jaman bolmaytyn sekildi. Eger olar kelip, keremet oiyn kórsetip, oblysymyzdyng atyn shygharyp jatsa, bir jelpinip qalar edik. Tek bizdi sol shekeleri shylqyp jýrgen, bir jalaqysyna bir ýy satyp alugha jaraytyn mol qarjy ózderimizding qaradomalaqtargha búiyrmay jýrgendigi jangha batady. Arhiymed Begejanúly tek kelimsekterge ghana emes, óz ishimizden shyghatyn bolashaq ayaq dop sheberlerin tәrbiyeleuge de kónil bóler degen ýmittemiz.

Al, әzirshe bizding әzilkeshter «Bilmeymiz, «Aqtóbe me?» me, «Aqtobyl ma?, Oiyn emes, búl ózi qaqpaqyl ma?»» dep әndeuden jalyghar emes.

Múratbek Dәurenúly, 

Qostanay

Abai.kz