Beysenbi kýni seksen jylgha juyq tarihy bar qarashanyraq – Ontýstik Qazaqstan memlekettik pedagogikalyq institutynda Studentter ýiining saltanatty ashylu rәsimi ótti, - dep habarlaydy "Ontýstik Qazaqstan" gazeti.

Osynau tarihy oqighagha QR Bilim jәne ghylym ministri Aslan Sәrinjipov, oblys әkimining orynbasary Sәken Qanybekov, oblystaghy joghary oqu oryndarynyng basshylary, oblystyng ziyaly qauymy men BAQ ókilderi qatysty.

Ministr Studentter ýiining lentasyn saltanatty jaghdayda qighan song jana ghimaratty aralap kórdi. 12 qabatty jataqhananyng tómengi qabatynda negizgi úiymdastyrushy qúrylymdar ornalasqan. Ghylymiy-zertteu ortalyghynda oqu ornynyng oqytushylary qúrmetti qonaqty studentterding ghylymy júmystarymen, sonyng ishinde «EKSPO–2017» kórmesine dayyndap jatqan enbekterimen tanystyrdy. Jana jataqhanada jastardyng bos uaqytynda shygharmashylyqpen ainalysuyna barlyq mýmkindikter qarastyrylghan. Qolóner ortalyghynda studentter gobelen toqyp, is tigedi, dombyra, qobyz jasap, at әbzelderin dayyndaydy.

Studentter ýiining saltanatty ashylu rәsiminde instituttyng oqytushysy, belgili aitysker aqyn Birjan Baytuov jyrdan shashu shashty. Aslan Sәrinjipov:

– Qymbatty jastar men studentter, qúrmetti kópshilik, jana oqu jylynda biz tarihy sәtting kuәsi bolyp otyrmyz. Ontýstiktegi joghary oqu oryndarynyng qara shanyraghy – pedagogika institutynda ghajayyp Studentter ýii ashyldy. Jyl sonyna deyin elimizde osynday alty jataqhana paydalanugha beriledi dep kýtilude. Studentterding tereng bilim aluyna barlyq jaghdaydy jasaghany ýshin institut basshylary men qúrylysshylargha alghysymyzdy bildiremiz.

Býgingi tanda elimizde jyl sayyn studentterge 150 myng grant bólinude. Kelesi jyldan bastap grantpen oqityn studentterding shәkirtaqysy 25 payyzgha úlghayady. Býginde jastar ýshin barlyq mýmkindikter jasalghan. Agha úrpaqtyng qamqorlyghyn jastarymyz tereng bilim aluymen, kәsip iygeruimen aqtaydy dep senemin, – dedi.

Oblys әkimining orynbasary Sәken Qanybekov Elbasy N.Nazarbaevtyng qamqorlyghynyng arqasynda jyl ótken sayyn studentter ýshin kóptegen qamqorlyqtar jasalyp otyrghanyn, arnayy baghdarlamalar qabyldanghanyn әngimesine arqau etti.

Institut rektory Onalbay Ayashevting mәlimdeuinshe, qúrylys júmystary jospar boyynsha jeltoqsan aiynda ayaqtalugha tiyis eken. Degenmen, «Aq Orda» JShS-i qúny 1 mlrd. 237 mln. tengege baghalanghan ghimaratty merziminen búryn, bir jyl jeti aida salyp bitiripti.

– Shәkirtterimizding 60 payyzy memlekettik bilim grantymen oqidy. Endi Studentter ýiine memlekettik bilim grantymen, ýzdik oqityndardy ornalastyramyz, – deydi O.Ayashev.

Osy kýni QR Bilim jәne ghylym ministri A.Sәrinjipov M.Áuezov atyndaghy Ontýstik Qazaqstan memlekettik uniyversiytetinde, Qazaqstan injenerli-pedagogikalyq Halyqtar dostyghy uniyversiytetinde bolyp, bilim baghdarlamalarymen, jana jobalarmen tanysty.

Ýmithan ALTAEVA

Abai.kz