Elimizdegi ýshinshi qala mәrtebesine talpynghan Shymkent Qala kýnin toylaudy bastap ketti, - dep jazady "Ontýstik Rabat" gazeti.
Biyl Qala kýni bir jeti toylanady. Ár kýn derbes ataugha ie bolyp, sonyng ayasynda túrghyndardyng shahargha degen sýiispenshiligi men patriottyq sezimin oyatatyn tәrbiyelik mәni bar merekelik sharalar ótip jatyr. Búghan qosa, Shym shahar respublikadaghy eng kóne qala ataghyn aluy mýmkin. Búl turaly qala әkimining kenesshisi – baspasóz hatshysy Núrlybek Jenisbek: «Tarihshy arheolog Bauyrjan Baytanaevtyng zertteuine qarasaq, shahargha 2200 jyl tolyp otyr eken. Búl ataqty alu ýshin býginde BÚÚ-na tiyisti qújattar jiberildi. Eger ol jaq maqúldasa 2017 jyly Shymkent 2200 jyldyq tarihy bar qala atanyp, torqaly toydy keng kólemde atap ótuimiz mýmkin» – dedi, jurnalistermen basqosuynda.
50 týp sәndik aghash otyrghyzyldy
10 qazan – Merekeni shahar halqy jalpyqalalyq senbilik ótkizuden bastady. Tazalyq aksiyasyna oblys əkimi Beybit Atamqúlov pen qala әkimi Ghabidolla Ábdirahymov qatysyp, halyq qalaulylary, ardagerler jəne jastarmen birge Beket batyr kóshesinde 50 týp sәndik aghash kóshetin otyrghyzdy.
Jalpy qalalyq senbilikte qala әkimdigining 14 qúrylymdyq bólimi men joghary oqu oryndarynyng studentteri, 46 oblystyq basqarma jәne aumaqtyq mekeme qyzmetkerleri, qala túrghyndary belsendilik tanytty. Tazalyq júmystary 59 kóshe men 6 sayabaq, gýlzar, Qoshqar ata ózenining búlaq kózderinen Ordabasy alanyna deyingi qorghalu aimaghynda jәne Dendrosayabaq aumaghynda jýrgizildi. Senbilik kezinde úiymdastyru júmystaryna Shymkent qalasynyng túrghyn-ýy kommunaldyq sharuashylyq bólimi jәne jergilikti audan әkimderi apparattarynyng mamandary bekitildi. Sonymen qatar, 26 tehnika jinalghan qoqystardy syrtqa shyghardy.
Marafongha tórt myng adam qatysty
11 qazan – Shymkentte jalpyqalalyq jýgiru marafony ótti. Jarys D.Qonaev pen T.Rysqúlov kóshelerining qiylysynan bastalyp, Bəydibek by danghylynda jalghasty. «Nau-ryz» alanynda óz məresine jetti. Sporttyq sharagha 4000-nan asa qala túrghyny qatysty. Biylghy sharanyng ereksheligi sol, jalpy qashyqtyq 7 shaqyrymgha sozyldy. Marafonda eng jas qatysushy retinde 8 jasar Núrsúltan Qúdaybergen tirkelse, jasy eng ýlken atlet 66 jasar Múhamedaly Jiyenbaev boldy. Aytpaqshy, jarysqa Fransiyadan da bir azamatsha arnayy kelip, balasyn arqalap jýgirdi. Ayta keteyik, shahar qonaghy óz elinde de jýgiruden jii jarysqa qatysyp túrady eken.
Jarysta jas ereksheligine baylanysty 18 sportshy jenimpaz atanyp, qala əkimining alghys hatymen jýldeli syilyqtargha ie boldy. Odan bólek taghy 5 marafonshy «Jeniske yntasy ýshin» nominasiyasyn iyelendi.
Shymkent – keshe, býgin jәne erten
12 qazan – Abay sayabaghyndaghy Beyneleu óneri múrajayynda «Shymkent – keshe, býgin jәne erten» atty fotokórme úiymdastyryldy. Kórmege qalanyng ótken ghasyrdaghy kóne suretteri men býgingi janarghan qalanyng kelbeti týsirilgen fotolar qoyyldy. Qalanyng shyrayyn ashatyn eluge juyq suret kórermenderding nazaryna úsynyldy.
Kórmege kelgen qalanyng bas sәuletshisi Asqar Mamyrbaev bolashaqta shahardyng adam tanymastay ózgeretinin sóz etti. Kýngeylik kentting sәulettik keypine kórik bergen zәulim ýiler, mәdeniyet jәne demalys oryndary, sayabaqtar men negizgi kóshelerdi jas fotograf Maqsat Shaghyrbaev týsiripti. Qala túrghyndary men qonaqtary tarihy kadrlar ayasynda estelik suretterge týsip jatty. Fotokórme 17 qazangha deyin ashyq bolady.
17 myng bala zoobaqqa tegin kiredi
Qalanyng zoobaghyna biyl 35 jyl toldy. Atauly kýni shahar basshysy hayuanattar baghyna әmbebap traktordy syigha tartty. Sonymen qatar, osydan bir ay búryn tuylghan su siyrdyng tóline Gloriya esimi berildi.
Býginde Shymkent zoobaghyndaghy andardyng týri 200-den asqan, onyng 20-dan astamy qyzyl kitapqa engen. Jalpy múnda 2000 hayuanat bar. Búdan bylay búl demalys ornyna 17 myng jaghday tómen otbasynyng balasy 1 jyl boyy tegin kiruge mýmkindik aldy. Sonymen qatar, qalanyng Qúrmetti azamattary men jurnalister qauymy da zoobaqqa tegin kiretin bolady. Zoobaq basshylyghy osynday sheshim qabyldapty.
Ayta keteyik, qala kýni merekesi senbi kýni Nauryz alany, Bәidibek by eskertkishi janynda ótetin teatrlandyrylghan horeografiyalyq kórinispen, elimizding estrada júldyzdarynyng merekelik gala-konsertine úlasyp, otshashular bolady dep kýtilude.
Jansaya SYDYQBAY
Abai.kz
