Qaraghandy oblystyq sotynda Serik Ahmetov pen oblystyq birqatar joghary lauazymdy sheneunikterine qatysty qozghalghan qylmystyq is boyynsha kuәgerlerden jauap alu jalghasuda. Býgin týske deyin sotqa jauap bergen «Metallurgiya-Metall óndeu» industrialdyq parki» (búdan әri qysqartylghan atauy - MMIYP) JShS-ning búrynghy qyzmetkeri Demid Smagin atalghan firma basshylarynyng ózi qatyspaghan jinalysqa «qatystyryp», «bayandamashy etip», hattamagha jalghan qolyn qoyghanyn ashyq aitty. Qylmystyq isti tergeu kezinde ol kanalizasiyalyq tazalau jýiesining qúrylysy boyynsha su tazalaudaghy cheh tehnologiyasyn «Eco-treatment systems» JShS-ning tehnologiyasyna auystyrugha qatysty 2011 jyldyng 22 jeltoqsanynda jasalghan «MMIYP» JShS-i hattamasynyng kóshirmesimen tanysyp, jaghasyn ústaydy.

«Eshqanday jinalysqa qatyspasam da, osy hattamada meni bayandamashy dep kórsetipti. Atalghan mәsele boyynsha jinalys ótkizilgenin maghan O. Aymenbetov, R. Guzyri, E. Asanov, A. Bәitimbetov, G. Belenikiy, J. Ahashev, A. Esse jәne basqalar aitqan joq. Men ol jerde eshqanday bayandama jasaghan emespin. Jәne hattamagha da qolymdy qoyghan joqpyn. Álgi hattamadaghy mening qolymdy belgisiz bireuler әdeyi jasaghan»,- dedi ol sottaghy jauabynda. Kanalizasiyalyq tazalau jýiesining qúrylysyna oray ol mynaday týsinik berdi: «Búl joba boyynsha «MMIYP» JShS-i tapsyrys berushi bolyp tabylady. Ony salugha respublikalyq budjetten qarajat bólindi. Shamamen alghanda 2010 jyldyng jazynda bizding firmagha «SSK NS» JShS-inen Chehiyada jasalghan su tazalau tehnologiyasyn basqa óndirushilerdin, sonyng ishinde «Eco-treatment systems» JShS-ning tehnologiyasyna auystyru mýmkindikterin qarastyrudy úsynghan hat kelip týsti. Nege ekenin bilmedim, sol kezde «MMIYP» JShS-ning diyrektorynyng orynbasary qyzmetin atqaratyn O. Aymenbetov búl úsynysty birden qúptady».

O. Aymenbetovke deyin «MMIYP» JShS-ning diyrektorynyng orynbasary bolghan D. Smagin tehnologiyalyq jabdyqtardy auystyrugha qajettilikting joghyn bayqaghanyn aitty. Onyng ýstine Chehiyada jasalghan su tazalau tehnologiyasy memlekettik saraptamadan ótip qoyypty. Ony jobalaghan «Sәulet» JShS-ning mamandary Chehiyagha baryp, europalyq tәjiriybemen tolyq tanysqan. Alayda Smagin «MMIYP» JShS-ning birinshi basshysy A. Essening tapsyrmasymen «QazGerQúrylys» JShS-ning jabdyqtardy auystyru jónindegi úsynysyn «Sәuletke» joldaydy. Sayyp kelgende, «Sәulettin» mamandary «QazGerQúrylys» pen «SSK NS» JShS-ning qújattaryna taldau jasap, birqatar ýilesimsizdikterdi anyqtaydy. Sonyng nәtiyjesinde olar da chehiyalyq jabdyqty basqasymen auystyrugha eshqanday qajettilikting joghyn jazbasha jetkizedi.

Alayda sol kezdegi Qaraghandy oblysynyng әkimi Serik Ahmetovting qoly qoyylghan hat tehnologiyalyq jabdyqtardy auystyru mәselesin qaytadan qaraugha negiz bolghan. «2011 jyldyng 1 qarashasynda mening ornyma «MMIYP» JShS-ning diyrektorynyng orynbasarlyghyna búryn «SSK NS» JShS-inde júmys istegen O. Aymenbetov taghayyndaldy. Meninshe, ol atalghan nysandar boyynsha atqarylghan júmystar jónindegi aktilerge qol qoy jәne aqsha audarudy jýzege asyru ýshin әdeyi taghayyndalghan boluy kerek. A. Essening oghan barlyq qúzyretterdi (sonyng ishinde aqsha audaru qyzmeti de bar) beretin arnayy senimhat jazyp berui osyghan dәlel siyaqty»,- dep týsindirdi isting aq-qarasyn kuәger. Al oblys әkimining qoly qoyylghan hattyng eki týrli (biri baspa әriptermen, ekinshisi qolmen jazylghan) núsqasynyng tabylghany sottaghylardy qatty tang qaldyrdy.  

Ámina BÁKIR

Abay-aqparat