Keshe, 2 jeltoqsan kýni Aqtóbe oblysynda  «Astana EKSPO-2017» ÚK» AQ men  Aqtóbe, Batys Qazaqstan, Manghystau jәne Atyrau oblystary әkimdikterining arasynda yntymaqtastyq turaly memorandumdargha qol qoyyldy.

Últtyq kompaniya basqarmasynyng tóraghasy EKSPO halyqaralyq kórmesin ótkizuding tiyimdiligin sóz ete otyryp, mysaly retinde Milanda ótken kórmeni ataghan. Esimov myrzanyng aituynsha, Milandaghy kórmege dayyndyq barysynda jәne ótkizu kezeninde 295 myng júmys orny qúrylyp, tauarlar men qyzmetter eksporty 10 mlrd eurogha úlghayghan-mys.

Al, oblys basshysy Berdibek Mәshbekúly óz  bayandamasynda oblysta «EKSPO-2017» ýshin dayyndyq júmystarynyng belsendi týrde jýrgizilip jatqanyn mәlimdegen. Mysaly, Aqtóbe oblysy energetika ministrligine últtyq paviliongha qoi ýshin 12 innovasiyalyq joba úsynypty.

Sonymen qatar, Aqtóbe oblysynan 100 adam EKSPO-2017-ning eriktiler qozghalysyna tartylmaqshy eken. Qazirding ózinde kórmeler ýshin qajet 30 erikti kelesi jyly taghy 70 adamnyng dayyndaluy josparlanyp otyr.

Osylaysha dayyndyq barysyn bayandaghan Saparabaevty Esimov myrza sógip tastaghan. Aqtóbege arnayy saparmen kelgen Ahmetjan Smaghúlúly qaladan EKSPO-gha qatysty eshbir bezendiruler kórmepti. Sol ýshin de, ýsh birdey oblys basshylaryn Aqtóbeden jinaghan Saparbaev bezendirulerding olqylyghynan Esimovting synyna úshyraghan.

Búl turaly býgin qazaqstandyq nur.kz sayty «Ahmetjan Esimov qalany EKSPO-gha qatysty dúrys bezendirmegeni ýshin Saparbaevty sókti» atty maqala jariyalady.

Saparbaev basqaryp otyrghan oblysyqa saparlap kelgen Esimov «qaladan eshqanday EKSPO-gha qatysty bezendiru kórgen joqpyn» dep, oblys basshysyna ókpesin aityp, ózge әkimderding aldynda sógip tastaghan.   

«Berdibek Mәshbekúly – óte tәjiriybeli basshy. Premier-ministrding orynbasary boldy. Men oilaymyn, Aqtóbe oblysynda da basqa oblystar sekildi búl júmystar jandanady dep. Shyndyghyn aitqanda, әzirge qaladan eshqanday EKSPO-gha qatysty bezendirudi kórgen joqpyn. Biraq búl jiynnan keyin aitqanym oryndalady dep oilaymyn», – dedi Esimiov.

Esimovting eskertuinen keyin Aqtóbede «Astana EKSPO-2017» ÚK» AQ-nyng merdiger kompaniyalary jergilikti tauar óndirushilermen jalpy qúny 10 mlrd tenge shamasyndaghy 8 tauar jetkizu turaly kelisimshartqa jәne 3 yntymaqtastyq turaly memorandumgha qol qoydy. Búl júmystar 2016 jyly jýzege asyrylady.

Týiin: Ózi әnshi, ózi shanghyshy eks-әkim hәm qazirgi EKSPO basshysyna  Saparbaevtyng qonaqjaylylyghy únamasa kerek-ti. Almatyny basqaryp jýrgende Esimov myrzanyng birtýrli sózderi BAQ arasynda hit bolyp edi.  Astanagha baryp, aqyl toqtatty ma desek, Ahmetjan myrza, ótken joly, Preziydentting aldynda bayandama jasaghanyna qarap, bayaghy jartas, sol jartas ekenine kózimiz әbden jetken edi. Betәlpeti, adam shoshyrlyqtay, isip ketken (eger nauqastynyp jýrse, keshirersizder), EKSPO degen әbden qajytyp jiberse kerek, sharshanqy kelip edi, Elbasynyng aldyna. Sonda janadan salynyp jatqan ghimaratty qalay atasan, olay ata degendey, «Núr shary, Álem núry... kóp qoy ataular» dep edi. Al Elbasy bolsa, «Sen Núr shary dep túrsyn. Men "әlem shary" deymin. Mә, osy ekeuinen birdene qúrastyr», dep bir japyraq qaghazdy qolyna ústatyp jiberip edi.

Esimovting eskertui Saparbaevqa sabaq boldy ma eken? Degenmen, Berdibek  Mәshbekúly da beker adam emes-ti. Ol Aqorda jaqtan kelgen  Esimovting aldynda múnday olqylyqqa qalay jol berip jýr. Tanym bar...

Núrgeldi Ábdighaniyúly

Abai.kz