Tengening erkin aiyrbas baghamyna kóshkenin mәlimdegen  Premier-ministr Kәrim Mәsimov   ónir әkimderine baghanyng negizsiz kóteriluine jol bermeudi tapsyrghan-tyn. Shymkent qalasynyng әkimi Ghabidolla Ábdirahymov sol kýni týs qayta Últtyq bankting Ontýstik Qazaqstan filialy, Kәsipkerler palatasy, Memlekettik kirister basqarmasy, iri ónerkәsip oryndary, sauda ortalyqtary, bazarlar, farmasevtika kompaniyalary men janar-jagharmay qúy beketteri basshylaryn shaqyryp, keleli mәjilis ótkizdi. Mәjiliske oblys әkimining birinshi orynbasary Darhan Satybaldy qatysty.

– Birinshi kezekte azyq-týlik pen qyzmetterding baghasyn birqalypty ústauymyz kerek. Búl rette jergilikti biylik pen tiyisti organdargha birqatar mindetter jýkteledi. Birinshiden, qala әkimdigi janynan arnayy shtab qúrylyp, onyng qúramy bekitildi. Ol tabighy monopoliyalardy retteu jәne bәsekelestikti qorghau organymen, audan әkimderimen tize qosyp, әleumettik manyzy bar tauarlar (azyq-týlik, janar-jagharmay, dәri-dәrmek) baghasynyng negizsiz ósuine tosqauyl qoyyp, baqylaudy kýsheytpek. Biyl Últtyq ekonomika ministri 33 týrli tauardyng shektik baghasyn, al, Energetika ministri janar-jagharmaydyng qúnyn bekitken-di. Sondyqtan abyr-sabyrdy paydalanyp, qaltasyn qompaytqysy keletinderge qatang shara qoldanylady, – degen qala әkimi jana ekonomikalyq sayasat qoghamdyq kólikterdegi jolaqy tariyfine mýldem әser etpeytinin de eske saldy.

Ekinshiden, Gh.Ábdirahymov shaїardaghy barlyq audan әkimdikterinde qúrylghan júmys toby sauda nýktelerindegi baghagha monitoring jýrgizip, nәtiyjesin kәsipkerlik bóliminde jinaqtap, naqty jaghdaydy kýndelikti ózi qadaghalaytynyn atap ótti. Ýshinshiden, jergilikti tauar óndirushi kәsiporyndar men iri sauda oryndary iyeleri jәne qala әkimdigi arasynda baghany túraqtandyru boyynsha memorandumdar týzilmek. Búl tapsyrma qala basshysynyng orynbasary әri shtab jetekshisi Qayrat Núrtaygha jýkteldi.  

Sonymen qatar, jiynda QR ÚEM Tabighy monopoliyalardy retteu jәne bәsekelestikti qorghau komiyteti OQO boyynsha departamentining basshysy Baqtiyar Atalyqov sauda ortalyqtary men bazarlarda monitoring jýrgizilip, әleumettik manyzgha ie tauarlar qúnynyng sharyqtau belgileri anyqtalmaghanyna toqtaldy.

Onyng aituynsha, tauar óndiretin jәne kóterme saudamen ainalysatyn kәsiporyndargha baghany negizsiz arttyrmau jóninde eskertu hattar joldanghan. Búdan bólek B.Atalyqov sudyn, jyludyn, elektr quatynyng tarifteri jyl basynda 5 jyl merzimge shekti dengeyde bekitilgendikten pәlendey ózgerister bolmaytynyn jetkizdi. Al, Ózbekstannan dollarmen satyp alynatyn tabighy gaz mәselesi basy ashyq kýiinde qaldy.

Múnan song OQO bazarlar assosiasiyasynyng tóraghasy Qayrat Balabiyev júrtshylyqqa jana aqsha-nesie sayasatyna qatysty qiyndyqtardyng ótkinshi ekenin týsindirip, naryqtaghy túraqtylyqty saqtaugha naqty qoldau retinde ózine qarasty bazarlardaghy sauda qatarlaryn 3 ay boyyna jaldau aqysynan bosatugha uәde etti. Jәne ózge әriptesterine de osynday qadamdargha baruyna kenes berdi. Sirә, Q.Balabiyevting sózi qamshy boldy ma, ile-shala birneshe kәsipker minberge kóterilip, búghan deyin de birqatar daghdarystar oryn alghanyn, alayda, Qazaqstan múnday synaqtardyng barlyghyn ensergenin tilge tiyek etip, búl tyghyryqtan da din-aman shyghugha atsalysatyndyqtaryna sendirdi.    

Óz kezeginde oblystyq mәslihattyng deputaty Ómirzaq Meldehanov, әsirese, kommunaldyq tarifterdi bir tiyngha ósirmeudi barynsha qatang qadaghalau kerektigin eskertti. «Valutalyq dәliz alynyp tastaldy. Endi qúrdymgha ketetin boldyq» dep dýrligip, dauryghugha boy aldyrudan aulaq bolghan jón» dedi.

Abay-aqparat