Elbasymyz 2020 jylgha deyin qazaqtyng sanyn 20 milliongha jetkizuimiz kerek degende bórkimizdi aspangha atyp alaqaylap edik. Búdan birneshe jyl búryn aitylghanda shynymen búl sangha qol jetkizetindey  kórgenbiz. Qarap  otyrsaq, sol 2020 jylgha deyin de tórt jyldan sәl asatyn uaqyt qalypty. Endi qalghan uaqytta ol 20 milliongha jetetinimizge senim az. Onyng ýstine «jyghylghangha júdyryq» bolyp, «Kóshi-qon turaly» zang da kóshtey sozylyp qabyldanbay qoydy.

Qyrkýiekting 2-shi júldyzy Parlamentting qos palatasy júmysyn bastady. Demalysta biri saylaushylardy aralap, biri jaqyn-juyghyn jaghalap, el ishinde bolyp, et jegen deputattar kreslolaryna qayta kelip jayghasty. Jaqsy tynyqqandary jayrandaghan jýzderinen anyq bayqalady. Qarqyndary da qatty kórindi, «40-50 zang jobasy qaraugha týsti, sonyng bәrin qabyldaymyz» dep jelpinip otyr. Qazaqtyng mýddesine qajet zandar bolsa, «bәrekeldiden» basqa eshtene aitpaspyz-au.  Osy 40-50 zang jobasynyng ishinde «Kóshi-qon turaly» jana zang jobasy bar ma?

Búl saualymyzdy Parlament Mәjilisining deputaty Gýlnәr Seytmaghambetova hanymgha joldaghan edik. Ol jaqtan kelgen jauapqa qaraghanda qattauly túrghan 40-50 zang jobasynyng ishinde «Kóshi-qon» turaly zang jobasy joq. Ol Ýkimetting qarauyna joldanypty. Sol jaqtan әli beri shyqpaghangha úqsaydy. «Kelesi apta kelip qaluy kerek» deydi. Soghan qaraghanda ýkimettegiler әr jerinen júlyp-ýzip, qysqartyp jatpasa neghylsyn. Óitkeni, mynau jahandyq ekonomikalyq daghdarys bar, basqasy bar әiteuir, ýkimet qazaqtyng sanyn kóbeytkisi kelmese syltau jeterlik. Búl jerde últ atynan sóileytin halyq qalaulylary bir qayrat tanytuy tiyis qoy. Talap bolmasa, sonynan súralmasa, ýkimetting «úmytshaqtyq» auruy ústap, zang jobasy taghy biraz jatyp qaluy әbden mýmkin. Al biz ýshin әr minut, әr saghat qymbat. Halqy azdau soltýstik ónirlerde últtyng sanyn kóbeytuimiz kerek. Qazir qauip-qater kýsheygen uaqyt. Halqymyzdyng «jau joq deme – jar astynda» degen eskertpesi – eskertpe. Qamsyzdyqty endi Qúday keshirmeydi. Sondyqtan oralmandardyng sanymen tezirek últ sanyn kóbeytkenimiz abzal. Elbasymyzdyng ózi 2020 jylgha deyin últymyzdyng sanyn 20 milliongha jetkizuimiz kerek dep otyrghanda, qazaqtyng sany óskenin qalaytyn ýkimet múny úrandatyp әketpes pe edi?!

Kóshi-qongha qatysty alyp-qashpa sóz jeldey esip túrghanda elge ayaq artqan keybir aghayyndardyng kóniline alang kirgen jayy bar: «Kóshting betin keri týzeymiz be, qaytemiz?». Osy alang kónildi ornyqtyrar Kóshi-qon turaly zang qabyldansa, kóp kýngirt mәselening beti ózinen-ózi aiqyndalar edi...

Mendolla NÚRYMÚLY

Abai.kz