Jeksenbi, 23 Mausym 2024
Qogham 4881 0 pikir 20 Tamyz, 2014 saghat 11:41

YaGO FERNANDES: QAZAQSTANGhA FUTBOL ÝShIN BARMANYZDAR!

Qaraghandylyq «Shahterdin» biylghy Europa ligasyndaghy jetistigin kórip, ózining ystyq úyasyn syngha alghan futbolshynyng biri – portugaliyalyq Yago Fernandes (surette). 26 jastaghy Fernandes jyl basynda «Shahterdin» sapyna qosylghan edi. El birinshiliginde portugaliyalyq qorghaushy toghyz kezdesu ótkizip, bir gol soqqan. Jazghy mausymaralyq ýziliste qaraghandylyq klub oiynshymen kelisimshartty ýzip tastady. Ýzbesine laj joq. Komanda sapynda toghyz oiynda jalqy gol salghan Fernandesting oiyny jýrmedi. Ózining Europa jasyl alandarynda dop tepkenin eskergen Fernandes ózin Krishtianularday sezindi. Biraq qayda dop tepse de, bәribir ol – Krishtianu emes qoy. Jay ghana ortanqol shabuylshy bolatyn. Endi ózin Europa týgil, Qazaq eline tanyta almaghan Fernandes qazaq futbolyn syngha alypty: «Qazaqstan futbolynda jalaqy mәselesi ghana oryndy. Búl jaqta futbol ýshin infraqúrylym joq. Qazaqstanda ómir sýruding ózi qiyn. Men osy jaqta biraz uaqytymdy ótkizgenime ókinemin. Jәne portugaliyalyq oiynshylargha aitarym – ol jaqqa futbol ýshin barmanyzdar». «Shahterde» jýrip, qabiletsiz oiynshy atanghan Fernandesting qyzghanyshy biz ýshin týk emes. 

Mektepte qabiletsiz oqushyny kelesi synypqa kóshirmeytin qaghida bar. Endeshe, qazaq futbolynda qabiletsiz oiynshy bolghan Fernandes bizding újymgha layyqty bolmady. Sondyqtan ony kelesi oiyngha kóshire almadyq. Osy orayda otandyq futbolgha kónili tolmay jýrgen mәjilis deputaty Ayqyn Qonyrovtyn: «Qazaq oiynshylaryn jasyryp qalatyn qazaqstandyq pasporty bar legionerler. Yaghni, qabiletsiz sheteldik oiynshylar», – degen pikiri Yago Fernandeske qarata aitylghan synayly.

Sonday-aq byltyr «Aqtóbenin» Qazaqstan futbolyndaghy eng qymbat oiynshy atanghan reseylik Sergey Davydov ta  (surette) dәl osylay ottap ketken bolatyn. Ol: «Qazaqstan premier-ligasy eng tómengi oiyndar sanatynda. Onda oiynshylardy aldap, jalaqysyn bermeydi. Men búl chempionatta endi óner kórsetpeymin», – dep kókigen bolatyn. Endeshe, su ishken qúdyghyna týkirgen eki legionerimiz de Qazaqstan futbolyndaghy qymbat oiynshylar qataryna engen.

Jalpy, tәuelsizdik alghaly beri elimizge shetelden 402 futbolshy kelip, solardyng 283-i qaytyp ketipti. Qazaqstangha kelgen futbolshylardyng jalpy qúny  2,08 million euro dep kórsetilgen. Al syrtqa satylghandardyng qúny 450 myng eurogha ten. Osynshama aiyrma men olardyng ottaghan sózderine kónip otyrghan otandyq futboldyng orny әli de bolsa sol kelimsekterding qolynda qala beredi. Ayqyn Qonyrov mәlimdegendey: «Qazaqstan legionerlerining transferleri jalpyeuropalyq reytingide top 20-gha kirse, nәtiyjege kelgende, myqty degen jýzdik ishine әreng kiredi. Eng jogharghy transfer – 900 000 euro, eng qarapayym – 350 000». Qarap otyrsanyzdar, osynshama qarjyny qaltagha basqan legionerlerding bizding futboldy Europa tórine kóterip jatqany shamaly. Tipti, jattyqtyrushyny da sheteldik mamandargha berip otyrmyz. Otandyq futboldyng únghyl-shúnghylyn biletin ózimizding bapkerler nege júmyssyz jýr? Nege solargha qolqa salmaymyz? Jankýier kókeyinde jýrgen osy saualdargha jaqyn arada jauap tabyla qoyy da neghaybyl. Óitkeni últtyq qúrama týgili, Qazaqstan premier-ligasynda óner kórsetetin 12 komandanyng jeteuin sheteldik jattyqtyrushy baptaydy. Tek aqsha tabu ýshin ghana kelgen bapkerler men oiynshylardy qazaq futbolynyng kósegesin kógertedi degenge senu qiyn. Demek osy olqylyqtargha jol bergen federasiya basshylary men komandalardyng atqarushy jetekshileri óz qara domalaqtarymyzdy qúrama sapyna aludy kózdeui kerek. Áytpese taghy bir Fernandes pen Sergeyding shyqpasyna kim kepil.

Altynbek QÚMYRZAQÚLY

Abai.kz

0 pikir