Senbi, 8 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
Sayasat 6743 0 pikir 27 Tamız, 2014 sağat 12:26

PALESTINAĞA QARSI IZRAIL' AGRESSIYASI TOQTATILSIN!

Palestina halqın qoldap, Izrail' basqınşılığın toqtatu turalı

ündeu

Älem halqtarınıñ jäne barlıq memleketterdi alañdatqan Tayau Şığıstağı jağday uaqıt ötken sayın auırlay tüsude. Palestina jerin tolıqtay jaulap alıp, halqın qırıp-joyudı maqsat etken prem'er-ministr B.Netan'yahu basqarğan Izrail' biligi Gaza sektorına qaytadan äskeri şabuıl bastadı. Qazirgi küni Palestina halqınıñ jağdayı öte müşkil. Büginge deyin evrey sionist basqınşıları 2 mıñ 200-den astam beybit twrğındı öltirdi, onıñ işinde 500-i beykünä balalar. Arabtar twratın qalalar men eldi mekenderdiñ infraqwrılımdarı qirap, twrğındar ömir men ölimniñ arasında üreyli kün keşude. Baspanaları talqandalğan adamdar işer tamaq pen auız suğa zar bolıp, jerden de äueden de atqılağan Izrail' äskerleri şabuılınıñ astında qaldı. Elektr stanciyaları bombalanıp, mektep pen emhanalar jäne özge de äleumettik orındar qirandığa aynalğan. Jazıqsız äyelder, qarttar men jaralanğan adamdar oqqa wşuda.

         Soñğı ülgidegi qaru-jarağı bar Izrail' soldattarı äueden de, jerden de, teñizden de atqılap, bombalauşı, joyğış wşaqtarı men tankilerdi, zeñbirkterin iske qosıp, armiyası, ne qaru-jarağı joq arabtardı ayausız qırğındauda. Palestinalıq patriottıq HAMAS wyımı adamdarı bar bolğanı qoldan jasalğan minomet pen snaryad, (onı Izriail' älemge «raketa» dep jalğan aqparat taratuda) al policiyası eski Kalaşnikov avtomattarın paydalanuda. Izrail' soldattarınan otbasın, baspanasın, jerin qorğağan twrğındar tas laqtırıp qarsılıq körsetude.

         Tayau Şığısta bolıp jatqan qırğınğa halıqaralıq wyımdar ünsiz qol qusırıp qarap otır. Birikken Wlttar Wyımınıñ Qauipsizdik Keñesi Tel'-Avivtıñ bwl agressiyasın ayıptap, toqtau saluı qajet dep sanaymız. Europadağı qauipsizdik pen ıntımaqtastıq wyımı jäne basqa da halıqaralıq wyımdar Izrail'dıñ basqınşı sayasatın qatañ ayıptap, beybit halıqtı qırıp jatqan genocidke qarsı şaralar qoldanuı tiis.

 Älemde mıñdağan, milliondağan adam evrey äskerleriniñ Palestina halqına jasağan qırğınına narazılıq tanıtuda. Alayda olardıñ ükimeti men BWW bastağan halıqaralıq wyımdar naqtı äreketke barmauına baylanıstı qarapayım twrğındardıñ qarsılığı nätije bermeude.  Osını paydalanğan Izrail' ükimeti Amerika Qwrama Ştattarınıñ qoldauı men onıñ äskeri kömegine süyenip, Palestina jerin basıp alıp, olardıñ memlekettik qwrılımın joyuğa jantalasıp jatır. Izrail' ükimeti tipti atom, sutegi, neytron bombaların, raketaların paydalanuğa deyin baramız dep qorqıtıp otır. Al birde-bir arab memleketterinde joğarıdağı atalğan jappay qırıp-joyu qaruları joq.

         Tel'-Avivtıñ agressiyasına arab, mwsılman memleketteri de narazılıq tanıtuda. Islam Intımaqtastığı Wyımı, Arab memleketteri ligası sekildi iri wyımdar öz poziciyasın bildirip, sionisterdiñ qırğınına qarsı naqtı qadamdarğa baruı kerek. Bügingidey adamzat örkenietti, damığan, adam ömiri men bas bostandığın negizgi qwndılıq etken, memleketterdiñ egemendigi men wlttardıñ erkindigin bastı orınğa qoyatın zamanda bwnday qandı agressiyağa eşqaşan jol joq.

Osığan baylanıstı jalpı adamzattıq gumanizm men halıqaralıq qwqıqtı ayaqqa taptap, beybit halıqtı öz bilgeninşe qırğınğa wşıratıp otırğan Izrail' memleketiniñ sionist basqınşılığına bärimiz birge qarsı twruımız kerek. Eger bwnday agressiya jalğasa beretin bolsa, älemdegi beybitşilik pen twraqtılıq bwzılıp qana qoymay, älsiz elderdi (onıñ işinde Ortalıq Aziya jäne Qazaqstan bar) küşti memleketter jaulap ala beretin halıqaralıq haos orın alatın boladı. Sonda barlıq eldiñ beybitşiligi men tınıştığına, wlttıq qauipsizdigine ülken qater tönedi.

Palestinağa qarsı Izrail' agressiyası toqtatılsın!

 

Qazaqstan Respublikası «Memlekettik til» qoğamdıq qozğalısı,

«Düniejüzi qazaqtarı qauımdastığı» Astana qalalıq filialı,

 «A.Särsenbaywlı» atındağı qoğamdıq qor,

 «Täuelsizdikti qorğau» respublikalıq komiteti,

Astana qalası «Memlekettik til» qozğalısı,

«Jeltoqsan aqiqatı» qoğamdıq qozğalısı,

«Ädilet» tarihi-ağartu qoğamı,

«Jas alaş» gazetiniñ wjımı,

«Qazaq üni» gazetiniñ wjımı,

«Demokratiya jäne qwqıq» halıqaralıq tarihi-qwqıq ortalığı,

«Qazaqstan kommunistik» partiyası,

 «Qazaqstanda Parlamentşildikti damıtu qorı» qoğamdıq qorı,

«Bolaşaq» qoğamdıq qozğalısı,

«Abay.kz» aqparattıq portalı,

«Wlt tağdırı» qozğalısı,

Almatı qalalıq«Halıq dabılı» qoğamdıq birlestigi,

«Allajar-qoldau» qoğamdıq qorı,

«Qazaqstan tarihşıları qauımdastığı»,

«Almatı qalalıq qazaq tili» qoğamı,

 «Jeltoqsan ruhı» qoğamdıq qozğalısı,

 «Alaş» tarihi zertteu ortalığı,

 «Qazaqstan» gazetiniñ wjımı,

 «Türkistan» gazetiniñ wjımı,

 «Qazaq» gazeti,

«Prezident jäne halıq» gazetiniñ wjımı,

 «Qazaqiya» gazetiniñ redakciyası,

Astana qalası «Til jäne mädeniet» qoğamdıq wyımı.

0 pikir