Preziydent N.Nazarbaev Mәdeniyet ministri Arystanbek Múhamәdiyúlyn qabyldady. Búl turaly Aqordanyng baspasóz qyzmeti habarlaydy.

«Kezdesu barysynda Últtyq múrajaydy ashu mәseleleri, EHRO-2017 halyqaralyq kórmesine dayyndyqtyng mәdeny aspektileri, sonday-aq  ministrlikting qyzmetining basty baghyttary talqylandy. 

Memleket basshysy Respublikada 8 myng jergilikti jәne 39 respublikalyq mәdeniyet mekemesi júmys isteytinin, olardyng róli kýnnen-kýnge úlghayyp kele jatqanyn atap ótti. 

– Songhy 10 jylda teatrgha kelushiler sany – 50 payyzgha, muzeyge kelushiler –25 payyzgha, kitaphanagha kelushiler – 40 payyzgha, konsert zaldaryna kelushiler – 100 payyzgha, kinoteatrgha kelushiler sany 400 payyzgha kóbeydi. Múnyng bәri halyqtyng әl-auqatynyng artqanyn jәne mәdeniyetke, bilimge degen yntanyng óskenin bildiredi. Soghan baylanysty osy saladaghy kadrlardy sapaly dayarlau, qyzmetting birynghay tәjiriybelerin әzirleu mәselesin qarastyrghan jón. Ár oblysta memleket qarjylandyratyn 2 teatrdan bar. Býginde halyq arasynda olardyng qanday júmys jýrgizetinine, mәdeny salmaghy men qyzmetining sapasy qanshalyqty ekendigine kóbirek kónil audarghan jón, – dedi Núrsúltan Nazarbaev.

Qazaqstan Preziydenti júmysy kýsheytiluge tiyis birqatar baghyttargha toqtaldy.

– Azamattyq qoghammen yntymaqtasu, memlekettik til ýiretetin akkredittelgen ortalyqtar jelisin qúrudy jalghastyru qajet. Áleumettik tapsyrystar ayasynda barlyq shygharmashylyq odaqtarmen, Qazaqstan halqy Assambleyasymen, Dýniyejýzi qazaqtarynyng qauymdastyghymen, «Bolashaq» baghdarlamasymen júmysty jandandyru kerek. Áleumettik manyzy bar әdebiyetterge kelsek, halyqqa qyzyqty, mazmúny sapaly shygharmalardy shygharugha nazar audaru qajet. Biz – jazushylargha shygharmalaryn basyp shygharuy ýshin qarajat bólip otyrghan jalghyz memleketpiz. Shygharmalar elding ishinde de, syrtynda da bizding mәdeniyetimizding rólin arttyrugha baghyttaluy tiyis, – dedi Memleket basshysy.

A.Múhamediyúly Memleket basshysynyng Qazaqstan halqyna Joldauynda berilgen tapsyrmalarynyng iske asyryluy, sonyng ishinde Mәdeny sayasat jәne halyqaralyq jýiemen yqpaldastyghynyng úzaqmerzimdi tújyrymdamasynyng әzirlenu barysy turaly bayandady.

Búghan qosa, ministr Tilderdi damytu jәne olardyng qyzmeti jónindegi memlekettik baghdarlamanyng iske asyryluy turaly mәlimdedi.

Mәdeniyet ministri vedomstvo aldyna qoyylghan mindetterding biri qoghamymyzdyng ruhany damuy ekenin atap ótti. Qazaqstanda qazirding ózinde  sheberlikting biyik dengeyin kórsetip jýrgen «Astana Opera» opera jәne balet teatry, úighyr, korey jәne nemis teatrlary, basqa da mәdeny mekemeler bar. Osy orayda negizgi mindet – olardy halyqaralyq dengeyge shygharu.

Kezdesu qorytyndysynda Memleket basshysy qaralghan mәseleler boyynsha birqatar naqty tapsyrmalar berdi», - delingen Aqordanyng baspasóz qyzmeti taratqan habarlamada.

Al, KTK arnasynyng habarlauynsha, ministr atanghannan beri Preziydentting qabyldauyna birinshi ret barghan A.Múhamediyúly qatty sasqan kórinedi.

Abay-aqparat