Mәjilis deputaty Rinat Zaitov QR Ýkimet basshysy Oljas Bektenovting atyna deputattyq saual joldap, tasqyn sugha qatysty adamy faktorlardy anyqtap, jauapqa tartu jәne su tasqynynan zardap shekken azamattargha ótemaqy tóleuding algoritmi jayly mәselelerdi sóz etipti.

Biz atalghan deputattyq saualdy qaz-qalpynda oqyrman talqysyna úsynghandy jón sanadyq.

Deputattyq saual Qazaqstan Respublikasy Premier-Ministri Oljas Abayúly Bektenovke joldanady!

Qúrmetti Oljas Abayúly!

«Apat aitpay keledi» - dep atam qazaq aitqanday bizding elge taghy bir ýlken synaqtyng kelgenin bәriniz bilesizder. Bir top deputattar búl habardy esty sala ónirlerge attandyq. Ondaghy maqsatymyz halyqtyng jaghdayyn kózben kórip, aryz-talabyn óz auzynan estip Ýkimetke jetkizu edi.

Býgingi deputattyq saual mening sózim emes, әuletimen әurege týsip, baspanasy men mal-mýlkinen aiyrylyp, tilsiz jaumen taysalmay kýresip jatqan erjýrek qazaq halqynyng sózi dep bilgeysizder.

Birinshiden, tosynnan kelgen topan sudy qansha jerden tabighy qúbylys desek te, apatqa kinәli adamy salghyrttyqtar da bar. Dәlelimen aitsaq, Atyrau oblysy men Qúlsary qalasynyng manynan zansyz salynghan su bógetteri, jergilikti biylikting kóktemgi su tasqynyna әlsiz әzirlengeni, syn saghatta abdyraghan júrttyng әreketin ýilestire almauy da osynday saldargha әkelip soqty.

Jergilikti biylikpen jauapty ministrlikter oghan deyin dabyl qaqqan әriptesterim D. Túrghanov, B. Bazarbek Jyloy audandyq mәslihatynyng deputaty S. Sәrsenbaevtardyng deputattyq saualdaryna bey-jәy qaraghany da búl apattyng bir sebebi deuge әbden bolady.

«Bóreneden attaymyz» - dep esep berip, sirinkege sýrine beretin memlekettik organdardyng shalaghaylyghy jauapqa tartpasa jalghasa beredighoy.

Sondyqtan, Preziydentimiz aitqanday jauapkershilik aludan qashyp, júmysty bir-birine siltep otyratyn qyzmetkerler men jergilikti iri kompaniyalar әreketteri jazalanuy tiyis.

Ekinshiden, apat saldarynan zardap shekken halyq óz shyghyndarynyng qalay eseptelip, qalay óteletinin әli de tolyq bilmeydi, óitkeni, sharalardyng naqty algoritmi jasalmaghan, Komissiya qalay qúrylyp, qalay júmys jasaytyny jayly halyqqa dúrys habarlanbaghan. Sol sebepten Komissiya júmysyn jenildetip, halyqpen tikeley baylanystyru maqsatynda onyng qúramyna el senimine ie bolghan jergilikti belsendi azamattardy qosu kerek dep esepteymiz.

Ýshinshiden, apat bolghan aimaqtardyng túrghyndaryna uaqytsha nesiyelik kanikuldardy jan-jaqty qarastyrudy súraymyz.

Sonymen qatar, baspanasynan aiyrylghan azamattardy ontayly ornalastyrudy jedeldetudi súraymyz.

Qúrmetti Oljas Abayúly!

Qadirli әriptester!

Abay men Qostanayda bolghan otty opatta da, býgingi bolyp jatqan topan su topalanynda da Qazaqstan halqy ózining baghaly birligi men temirdey tózimin tanytty.

Mine, osy tózim men birlikting arqasynda biz bәrimiz búrynghy biylikting jaqtastary jasaghan qastandyqty da, memleket tútastyghyn búzghysy keletin sayqal sayasattaryn da iske asyrugha jol bermey kelemiz.

Búl – úly erlik!

Endigi kezekte arsyz arandatudyng jeteginde ketpey, júdyryqtay júmylyp, tәuelsizdikti saqtau jolynda malyn da, janyn da qúrban etip jatqan, halyqtyng talap-tilegi tiyisti dengeyde oryndalady degen ýmittemiz.

Qúrmetpen, Parlament Mәjilisi deputattary

R. Zaitov

Abai.kz