Mәjilis deputattarynyng ekinshi tolqyny jaghdaydy baqylau ýshin su tasqynynan zardap shekken aimaqtargha attandy. Olar jergilikti túrghyndarmen kezdesip, jedel shtab júmysyna qatysuda.

Suret: Mәjilisting baspasóz qyzmeti

Abay oblysynan saylanghan deputat Núrtay Sabiliyanov su tasqynyna baylanysty halyqtyng jaghdayyn bilu ýshin ónirge keldi. Sapar barysynda Ayagóz audany Bozay eldimekenindegi qarghyn su shayyp ketken kópirge bardy. Búdan keyin Kókpekti, Jarma audandarynda bolyp, sugha ketken nysandardy kórip, jergilikti túrghyndardyng súraqtaryna jauap berdi.

Aua temperaturasy kýrt kóterilip, qardyng qarqyndy eruine baylanysty Abay oblysynyng eki audanynda jergilikti tótenshe jaghday jariyalanghan bolatyn. Aymaqtaghy birneshe audan men Semey qalasy manynda su dengeyi kóterilip, saldarynan kópirler men joldardy su shayghan. Qazir oblys boyynsha jaghday túraqtandy. Su tasqynynan keyin joldar qalpyna keltirilip jatyr.

Suret: Mәjilisting baspasóz qyzmeti

Mәjilis deputattary Erlan Sairov pen Úlyqbek Tumashinov su tasqynynyng aldyn alu boyynsha atqarylyp jatqan júmysty kóru ýshin Shyghys Qazaqstan oblysynyng Tarbaghatay audanyna bardy. Ónirde qazirgi tanda qauipting beti qaytqan. Jaghday jergilikti әkimdikting jәne mәslihat deputattarynyng baqylauynda. Oblystyq manyzy bar Aqsuat-Bәkey-Qarasu-Aqjar tas jolynyng bóligi kesilip, tasqyn sudy joldyng kelesi betine kedergisiz ótkizu sharalary jasalghan.

Sonymen qatar mәjilismender respublikalyq manyzy bar Qalbatau - Mayqapshaghay jolynyng Qalbataudan Boghasqa deyingi bóligi boyynsha jýrgizilip jatqan jóndeu júmysymen tanysty. Oghan jauapty Qytaydyng «Sini-sini» kompaniyasy ókilderimen kezdesip, jóndeudi jyldamdatu kerektigin aitty.

Suret: Mәjilisting baspasóz qyzmeti

Batys Qazaqstan oblysynda Mәjilis deputaty Abzal Qúspan Oral qalasyndaghy evakuasiyalyq punktterding jaghdayymen tanysty. Býgin eriktilermen birge Qaratóbe audanyna qarasty Qaratóbe auylyna gumanitarlyq kómek jetkizdi. Ony jinaugha birqatar qalanyng kәsipkerleri atsalysty. Sonday-aq týsindiru júmystaryn jýrgizu ýshin jergilikti túrghyndarmen kezdesti.

– Su kóp keletindikten Terekti audany Úzynkól auylyndaghy kólemi 80 mln tekshe metr gidrotehnikalyq qúrylystar apatty jaghdayda túr. Bóget búzylsa, bes auyldyq okrugke su basu qaupi tónedi. Qiyndyqqa qaramastan auyl túrghyndaryn ýilerin tastap ketuge kóndirdik. Búl júmysqa myngha juyq polisiya qyzmetkeri júmyldyryldy, – deydi Abzal Qúspan.

Suret: Mәjilisting baspasóz qyzmeti

Deputat Erkebúlan Mәmbetov Soltýstik Qazaqstan oblysy Qyzyljar audanyndaghy jaghdaymen tanysty. Vagulino kentinde 50 tonna iynertti material, jýk tiyegish, ekskavator, bulidozer, motopompa týrindegi arnayy tehnika dayyndalghan. Jergilikti mektepte auyl túrghyndaryn qabyldau punkti ashylghan. Yakor, Olishanka, Sokolovka sekildi kórshiles eldimekenderde dayyndyq qyzu jýrip jatyr.

– Barlyq jaghday baqylauda, auyl túrghyndary qiyndyqta qalmaydy. Qazir eng bastysy – adam shyghynyn, mal men materialdyq shyghynnyng aldyn alu qajet. Biyl jaghday óte auyr. Su tasqyny 2017 jylghydan da kóp boluy mýmkin. Óitkeni Aqtóbe, Aqmola oblystarynan keletin sudyng bәri osy aimaq arqyly ótedi. Su tasqyny túrghyndar  ýshin kýtpegen jaghday emes, degenmen dayyn bolu qajet, – dedi Erkebúlan Mәmbetov.

Búdan keyin Mәjilis deputaty Shal aqyn audanynda bolyp, túrghyndardy uaqytsha ornalastyru ortalyghyn, Sergeev qoymasyn, Grigorievka auylyndaghy drenajdyq únghymany aralady. Ótken týnde su qoymasynda 40 sm-ge deyin su tasqyny tirkeldi, alayda qúzyrly organdar jaghdaydy baqylauda ústap otyr.

Suret: Mәjilisting baspasóz qyzmeti

Sonymen qatar Mәjilis deputaty Aydarbek Qojanazarov Qostanay oblysynyng su tasqynynan zardap shekken Amangeldi audany men Arqalyq qalasyna bardy. Olar eng qajetti degen zattar – su, jarma, konserviler, tósek-oryn jabdyqtary, mayshamdar, jeke gigiyena qúraldaryn jetkizip berdi. Kezdesu barysynda jergilikti túrghyndar deputatqa ózderin tolghandyrghan saualdaryn qoydy.

– Jaghday әli de qiyn, qauip seyilgen joq. Su dengeyi kóterilip jatyr. Jergilikti túrghyndardyng baspanalary, mýlikteri men maldary zardap shekti. Jalpy Ýkimet onyng barlyghyna jan-jaqty qoldau kórsetedi, – dedi Aydarbek Qojanazarov.

Suret: Mәjilisting baspasóz qyzmeti

Mәjilis deputattary Bauyrjan Smaghúlov pen Arman Qalyqov Qaraghandy ​​oblysyna attandy. Múnda olar Núra jәne Búqar jyrau audandaryndaghy Janatalap, Rostovka, Tegisjol, Qyzyljar siyaqty eldimekenderdi aralady. Búl auyldardaghy jaghdaydy qalypty deuge bolady, biraq su basu qaupi bar.

Mәjilis deputattarynyng Atyrau jәne Pavlodar oblystaryndaghy halyqpen júmysy da jalghasuda.

Abai.kz