Býgin elordadaghy «Arghymaq» at-sporttyq sauyqtyru kesheninde Nauryz meyramy ayasynda Últtyq sport kýnine arnalghan «NAURYZNAMA: Últtyq sport kýni» atty merekelik is-shara ótti.

Is-sharagha QR Turizm jәne sport ministri Ermek Marjyqpaev, Astana qalasy әkimining orynbasary Eset Bayken, QR Últtyq sport qauymdastyghynyng preziydenti Islambek Saljanov, últtyq sport ardagerleri, últtyq sport federasiyalarynyng preziydentteri, sportshylar, diplomatiyalyq missiyalardyng basshylary men ókilderi, sonday-aq elorda túrghyndary men qonaqtary qatysty.

Turizm jәne sport ministri Ermek Marjyqpaev ózining qúttyqtau sózinde býgingi tanda bizding elimizde últtyq sport týrlerine degen erekshe qyzyghushylyq pen tanymaldylyq artyp kele jatqanyn erekshe atap ótti.

«Qazaqtyng últtyq oiyndary – mәdeniy-patriottyq tәrbie berude útymdy qúral. Densaulyqty nyghaytugha, salauatty ómir saltyn nasihattaugha eleuli septigin tiygizedi. Býgin el ishinde ótkizilip jatqan at jarystar, qúsbegilik jәne asyq atu, toghyzqúmalaq, sadaq tartu siyaqty turnirler azamattargha shynayy mereke saltanatyn sezinuge mýmkindik berude» - dedi ministr.

Óz kezeginde QR Últtyq sport týrleri qauymdastyghynyng preziydenti Islambek Saljanov elimizde Nauryz meyramyn toylaudyng jana tújyrymdamasy ayasynda 20 nauryzdyng últtyq sportqa arnaluy býkil últtyq sport ýshin quanyshty janalyq ekenin atap ótti.

«Songhy jyldary Memleket basshysy Qasym-Jomart Kemelúly Toqaevtyng qoldauymen elimizde últtyq sport qarqyndy damyp keledi. Biyl qyrkýiek aiynda elimizde Preziydentting bastamasymen, 5-shi Dýniyejýzilik kóshpendiler oiyndary ótedi. Búl auqymdy halyqaralyq is-shara últtyq sportty odan әri damytugha tyng serpin beredi» - dedi Islambek Saljanov.

Búdan song sóz sóilegen Astana qalasy әkimining orynbasary Eset Bayken jinalghandardy meyrammen qúttyqtap, osy mereke kýnderi elordanyng barlyq audanynda últtyq sport týrleri boyynsha jarystar ótetinin atap ótti.

Merekelik is-shara ayasynda kókpar, audaryspaq, tenge ilu, qyz quudan kórsetilimder jәne toghyzqúmalaq pen asyq atudan sheberlik synyptary ótti. Qonaqtargha qazaqy tazy jәne býrkit kórsetilip, qúsbegilik óner tanystyryldy.

Sonymen qatar, kókpardan Astana men AQSh qúramalary arasyndaghy joldastyq kezdesu kórermender ýshin keremet tosynsyy boldy.

Merekege oray ózining jetistikterimen últtyq sportty dәriptep jýrgen últtyq sport ardagerleri men qayratkerler marapattaldy.

Olardyng qatarynda kókpardan KSRO-nyng toghyz dýrkin chempiony Ábilhan Dauylbaev, toghyzqúmalaqtan QR eki dýrkin chempiony Meyramqúl Noghaybaev, Qazaq KSR enbek sinirgen jattyqtyrushysy Júmabek Meyramghaliyev, belgili sport jurnaliysi, jazushy Nesip Jýnisbayúly, QR enbek sinirgen jattyqtyrushy Qúlamhan Jaqypov, asyq atudan últtyq qúramanyng bas bapkeri Jomart Sabyrjanov, atbegi Meyrambek Chakenov bar.

«Últtyq sport ardageri retinde enbegimizdi elep, marapattap jatqanyna quanyshtymyz. Qazir elimizdegi jas sportshylargha mýmkindik kóp. Aldaghy 5-shi Dýniyejýzilik kóshpendiler oiyndarynda últtyq qúramamyzgha jenis tileymin», - dedi Ábilhan Dauylbaev.

Ayta keteyik, QR Últtyq sport qauymdastyghynyng qúramyna býginde 10 federasiya kiredi: bәige, kókpar, audaryspaq, sadaq atu, jamby atu, tenge ilu, qúsbegilik, asyq atu, «JORYQ» jәne t.b. Ótken jyly federasiya sportshylary 12 halyqaralyq jarysqa qatysyp, 95 medali jenip aldy, onyng 35-i – altyn.

Abai.kz