QR Premier-Ministri Álihan Smayylov «24KZ» telearnasyna bergen súhbatynda Qazaqstanda ótken jyly iske asyrylghan manyzdy jobalar turaly aitty.

«Birinshi kezekte Qazaqstangha strategiyalyq manyzdy aktiv – Qaraghandy metallurgiya kombinatynyng qaytaryluyn atap kórsetken jón. Ótken jyldyng jeltoqsan aiynan bastap biz osy kompaniyanyng sheteldik menshik iyesimen kýrdeli kelissózder jýrgizdik jәne investisiyalyq imidjge núqsan keltirmey, el ýshin tiyimdi sharttar negizinde kelisimdi ayaqtadyq», — dedi Premier-Ministr.

Ýkimet basshynyng aituynsha, endigi kezekte Qarmet jana investorynyng aldynda aldaghy 3-4 jylda kәsiporyngha keminde $3mlrd jeke investisiya salu mindeti túr, onyng ishinde $1,3 mlrd qarajat keler jyly baghyttaluy tiyis.

Premier-Ministr sonday-aq biyl «Astrahani-Manghyshlaq» su qúbyryn janghyrtu ayaqtalghanyn atap ótti. Joba Atyrau jәne Manghystau oblystarynyng túrghyndaryn auyz sumen qamtamasyz etu mәselesin sheshuge kómektesedi.

Batys energiya torabynda jana elektr jelileri salyndy. Osylaysha, Qazaqstannyng býkil batys aimaghynyng tútynushylaryn energiya quatymen qamtamasyz etu edәuir artty. Búl – energetikalyq qauipsizdik ýshin de, el ekonomikasynyng damuy ýshin de manyzdy.

«Eng kýrdeli jobalardyng biri – Ýlken Almaty ainalma joly (ÝAAAJ) ayaqtaldy. Onyng ashyluy trafiyti azaytugha jәne megapolistegi ekologiyalyq jaghdaydy jaqsartugha, sonday-aq jýk tasymaldau әleuetin keneytuge mýmkindik beredi», — dep atap ótti Álihan Smayylov.

Sonymen qatar Astanada JEO-3 birinshi kezegi, sonday-aq jana «Ontýstik-Shyghys» jәne «Túran» gaz jylu stansiyalarynyng qúrylysy ayaqtaldy. Búl nysandar Astanany týgeldey jylumen jabdyqtaugha mýmkindik beredi.

Batys Qazaqstan oblysynda «Rojkovskoe» iri gaz kondensaty ken orny ónerkәsiptik paydalanugha berildi. Ol jylyna shamamen 1 mlrd tekshe metr gaz jәne 500 myng tonna kondensat kózi bolady.

«Búdan basqa Qyzylorda jәne Aqtóbe oblystarynda taghy eki ken orny paydalanugha berildi. Olar – “Ontýstik Aqsay” jәne “Shyghys Óriktau” ken oryndary. Orta merzimdi perspektivada Aqtóbe, Atyrau jәne Manghystau oblystarynda taghy ýsh ken orny iske qosylady dep kýtilude», — dep atap ótti Premier-Ministr.

Sonymen qatar biyl úzyndyghy 300 km asatyn «Beyneu-Janaozen» magistralidyq gaz qúbyry iske qosyldy. Sonyng nәtiyjesinde Manghystauda túraqty gazben jabdyqtau mәselesi sheshildi.

«Biz elding shyghysy men ontýstiginde úzyndyghy 1300 km asatyn tórt strategiyalyq manyzy bar temirjol jelileri qúrylysyn bastadyq. Jalpy, men keybir manyzdy jobalardy ghana atap óttim. Is jýzinde múnday respublikalyq jәne ónirlik manyzy bar jobalar óte kóp. Biz olardy iske asyru boyynsha júmysty jalghastyramyz», — dep qorytyndylady Álihan Smayylov.

Abai.kz