Oblys Ákimi Berdibek SAPARBAEVTYNG bastamasymen úiymdastyrylghan qazaq futbolynyng 100 jyldyghy merekesi Semey qalasynda joghary dengeyde ótti. Oghan alystan at arytyp kelgen ardagerler de, otandyq sportshylar da, tikeley kórsetilim arqyly teledidardan tamashalaghan jankýierler de kuә.

Búl ýlken mereke Qazaqstannyn, onyng ishinde Shyghys Qazaqstan ónirining meymandos peyilin, halyqaralyq basqosulardy biliktilikpen ótkizerlik biyik әleuetin jәne el men aimaq sportynyng ertengi kýnge senimdi qadam basuyn barsha qauymgha taghy bir pash etti.

Resey, Gruziya, Ukraina, Qyrghyzstan elderinen kelgen komandalar men otandyq komandalar jәne ataqty nemis futbolshysy Horst Hrubesh, otandyq futbol ardageri, Qazaqstan futbol federasiyasynyng viyse-preziydenti Seyildә Bayshaqov pen Viktor Katkov ta qadirli meymandar qatarynda atalghan mereytoygha qatysty.

«Spartaktaghy» saltanat

Oblys Ákimi Berdibek SAPARBAEVTYNG bastamasymen úiymdastyrylghan qazaq futbolynyng 100 jyldyghy merekesi Semey qalasynda joghary dengeyde ótti. Oghan alystan at arytyp kelgen ardagerler de, otandyq sportshylar da, tikeley kórsetilim arqyly teledidardan tamashalaghan jankýierler de kuә.

Búl ýlken mereke Qazaqstannyn, onyng ishinde Shyghys Qazaqstan ónirining meymandos peyilin, halyqaralyq basqosulardy biliktilikpen ótkizerlik biyik әleuetin jәne el men aimaq sportynyng ertengi kýnge senimdi qadam basuyn barsha qauymgha taghy bir pash etti.

Resey, Gruziya, Ukraina, Qyrghyzstan elderinen kelgen komandalar men otandyq komandalar jәne ataqty nemis futbolshysy Horst Hrubesh, otandyq futbol ardageri, Qazaqstan futbol federasiyasynyng viyse-preziydenti Seyildә Bayshaqov pen Viktor Katkov ta qadirli meymandar qatarynda atalghan mereytoygha qatysty.

«Spartaktaghy» saltanat

Ghasyrdy terbegen ghajayyp futbol merekesi Semeyding «Spartak» stadionynda saltanatty týrde ashyldy. Qala túrghyndary men jankýierler mәrtebeli meymandardy kóruge stadiongha ýzdiksiz aghylyp jatty. Jaz boyy jóndeuden ótken «Spartak» kesheni de búl kýni qúlpyryp, jaynap ketken eken. Stadiongha kireberis qaqpa aldyndaghy túghyrgha ornatylghan taqiya kiygizilgen ýlken ala doptyng mýsini janyna túra qalyp, estelik-suretke týsip jatqandarda esep joq. Dopqa kiygizilgen taqiya qazaq halqynyng ghasyr ishinde futbol syndy planetalyq oiynmen bite qaynasyp ketkenining kórinisi ispetti jyly әser qaldyrdy. Jankýierge lyqa tolyp, jelpingende stadion ornynan qozghalghanday, buyrqanghanday bolyp, merekening mәn-manyzy da arta týsti.

Quanyshty kónilkýidi bes myng semeylik qatysqan saltanatty is-shara odan әri ýstedi. Atap aitqanda, olardyng qatarynda Qazaqstan men alys-jaqyn shet elderden kelgen futbol ardagerleri, jattyqtyrushylar, qazirgi futbolshylar, jas jetkinshek oiynshylar, týrli sportshylar, studentter, mektep oqushylary, taghy basqa qalanyng shygharmashyl újymdary da bar edi. Mereke ýrmeli aspaptar orkestrining kónildi әuenimen bastalyp ketkende, stadionnyng bir qanatyn toltyryp otyrghan semeylik jankýierler qoldaryna ústaghan týrli-týsti qaghazdarymen ózderin kólegeylep, stadionnyng bir qanatynda tútasymen «Futbol», «100 jyl», «Shymyr bol!» syndy jazular payda boldy. Jasyl alandy «Jas úlan» liyseyining jýzdegen oqushylary toltyryp, qoldaryna ústaghan memlekettik hәm merekelik tularyn jelbiretip túrdy. Tenizdey tolqyghan tulardyng ortasyna qos qaptaldan aidynda jýzgen aq kemeler syndy әidik tórt dop jyljydy.

Múnyng barlyghy Semey topyraghyn basqan әigili futbol ardagerlerin qarsy alu aldyndaghy saltanat edi. Kógal shetindegi jolmen KSRO futbolynyng aqsaqaldary mingen shaghyn avtobustar legi kórindi. Mәskeuding «Spartak», Kiyevtin, Tbilisiyding «Dinamo» komandalary, Qazannyng «Rubiyn», Bishkekting «Algha», Almatynyng «Qayrat», Óskemenning «Vostok» jәne Semeyding «Spartak» komandalarynda oinaghan ardagerler mingen avtobustar keruenin balalar futbol komandalarynyng toptary jeke-jeke qarsy alyp, alang ortasyna qúrmetpen alyp shyqty. Ardagerlerding әrqaysysy baby men baghy qatar shapqan júldyzdy shaqtarynda milliondaghan jankýier aldynda óner kórsetken, kenestik, europalyq jәne әlemdik futbol maytalmandary sanalady. Kórermender әr komandagha qoshemet bildirip, ýlken iltipatpen qol soghyp otyrdy. Al Semeyding «Spartak» komandasy shyqqanda býkil stadion qoshemetke túnyp, janghyryp ketkendey boldy. Jerlesterine ýlken qúrmet bildirgen stadion ortasy bir mezette Semey sport mektepterining balalaryna arnalghan syy – tenbil dopqa tolyp ketti. Ár doptyng sonynan qualaghan balalar ýshin búl ýlken quanysh edi. Kóp úzamay olar ózderi oljalaghan ala doptargha әigili futbolshylardyng qoltanbasyn qoydyryp alyp jatty.

Qazaq futbolynyng ghasyrlyq mereytoyyna jinalghan barsha qauymdy oblys Ákimi Berdibek SAPARBAEV qúttyqtady.
– Osydan 100 jyl búryn qasiyetti Semey jerinde Qazaqstannyng túnghysh futbol komandasy payda boldy. Sol uaqyttan beri Qazaqstan sporty ýlken jetistikterge jetti. Ásirese, songhy uaqytta Qazaqstan UEFA mýsheligine qabyldanyp, otandyq futbol komandalary Europa qúrlyghynda óner kórsete bastady. Búl – memleketimizdin, elimizdin, últymyzdyng abyroyy men bedeli. Sporttyng adam ýshin qanday paydasy bar ekenin jaqsy bilesizder. Adamgha eng birinshi keregi – densaulyq. Densaulyqty jaqsartatyn, saqtaytyn dýnie – sport, onyng ishinde – futbol. Futboldyn, sporttyng arqasynda Qazaqstannyng da memlekettik Tuy jelbirep, Ánúrany oinaydy. Biyl – Qazaqstan futbolynyng 100 jyldyghy. Atauly mereke ayasynda birqatar is-sharalar ótkizudemiz. Memleket basshysy Núrsúltan NAZARBAEV Qazaqstanda sportpen shúghyldanatyn adamdardyng sanyn kem degende 30 payyzgha jetkizu jóninde tapsyrma bergen bolatyn. Osyghan sәikes oblys basshylyghy ónirdegi sporttyq bazalardy nyghaytu júmystaryna ýlken kónil bólip otyr. Qazirgi tanda oblys halqynyng 22 payyzy sportpen shúghyldanady. Futboldyng 100 jyldyghyna oray aghymdaghy jyly 8 ay ishinde 2000-gha juyq әrtýrli is-sharalar ótti. Oghan 300 mynday adam qatysty. Eng negizgisi, býginde futbol merekesining arqasynda oblysymyzdyn, elimizding aty biraz shet memleketterge taraldy, nasihattaldy deuge bolady. Kezindegi Kenes Odaghy futbolynyng tandauly oiynshylary bolghan ardagerler Semey topyraghynda bas qosyp otyr. Búl – elimizding bolashaghy ýshin qajet. Sondyqtan әr uaqytta elimizding abyroyyn, jastarymyzdyng densaulyghyn oilauymyz kerek. Biz sporttyng damuyna neghúrlym jaqsy jaghday jasasaq, bolashaghymyz da soghúrlym jaqsy bolady. Oblys basshylyghy atynan Ukraina, Gruziya, Resey, Qyrghyzstan elderinen kelgen qúrmetti meymandarymyzgha jәne otandyq futbol ardagerlerine alghys aitamyn, – dedi oblys basshysy.
Aymaq basshysy Semey qalasynda songhy ýsh ay ishinde futbol mereytoyy ótip jatqan «Spartak» stadiony kýrdeli jóndeuden ótkizilip, janadan 10 futbol alany salynghanyn atap ótip, futbol merekesining oidaghyday úiymdastyryluyna enbek sinirgen qala әkimdigi men merdiger kompaniya qyzmetkerlerine de rizashylyghyn bildirdi.
Mereytoydyng ashylu saltanatynda oblys basshysy Berdibek SAPARBAEV, qazaqstandyq ataqty futbol ardagerleri Timur Segizbaev, Seyildә Bayshaqovtar sporttyng damuy men órkendeuine ýles qosqany ýshin birqatar azamattardy marapattap, qúrmet kórsetti. Olardyng qatarynda Qazaqstannyng enbek sinirgen jattyqtyrushysy, semeylik aty anyzgha ainalghan futbolshy, futbolshylardyng birneshe buynyn tәrbiyelegen bapker Viktor Shevelevke «Semey qalasynyng Qúrmetti azamaty» ataghy berilip, «Qazaqstan futbolyna – 100 jyl» mereytoylyq medalimen marapattady. Atalghan medalimen Resey Federasiyasynyng enbek sinirgen jattyqtyrushysy, halyqaralyq dәrejedegi sport sheberi, Reseyding 13 dýrkin chempiony Oleg Romansev, KSRO-nyng ýsh dýrkin chempiony, «Dinamo» (Kiyev) ardagerler komandasynyng agha bapkeri, KSRO sport sheberi Andrey Biba, bishkektik futbol ardageri Vladimir Oreshiyn, Resey Federasiyasynyng sport sheberi Ansar Anpov, sonday-aq, elimizding futbol ardagerleri, onyng ishinde KSRO sport sheberi, semeylik «Spartak» qúramasynyng rekordshysy Andrey Pinchukov jәne Qazaqstan Respublikasynyng sport sheberi Boris Glushkov ta bar.

Saltanatty mereke әri qaray teatrlandyrylghan qoyylymdarmen jalghasty. Futbol alanynda hor, orkestr jәne «Tomiriys» horeografiyalyq by toby Múqan Tólebaevtyng «Birjan-Sara» operasynan by oryndady. Sonday-aq, «Kóshpendiler» atty bólimde sәigýlikterge mingen shabandozdar kók bayraqty jelbiretip, kók týrkilerding sarynyn estirtkendey, últtyq at oiyndarynyng birneshe týrlerin úsyndy. Patriottyq kórinister futbol taqyrybyna auysqanda, atalghan sport týrining keng tanymaldylyghynyng kórinisi retinde semeylik әrtister әlem halyqtarynyng últtyq kiyimderinde alangha shyghyp, futbol jaghrapiyasynyng auqymy júmyr Jerdi tútas alyp jatqanyn, onyng ishinde qazaq balasynyng da dop tepkenine ghasyr tolghanyn әdemi aishyqtay bildi. Mәulit Rahymbaevtyng «Sport marshy» әuenimen stadion jiyeginde qazaqstandyq zamanauy futbol nyshandary bederlengen platforma payda boldy. Qoyylymdy Shyghys Qazaqstan oblysy sportshylarynyng sherui ayaqtady.

Saltanatty mereke sәn týzep bolghan son, jasyl alanda shaghyn kezdesuler bastaldy. Múny ótken ghasyrdyng ataqty komandalarynyng sapynda bolghan ardagerlerding sheberlik sabaghy dese de bolady. Bir kezderi Kenes Odaghy boyynsha Europa Kubogin jenip alghan qos «Dinamo» – Tbilisy men Kiyev komandalarynyng ózara synynda 1:0 esebimen ukrainalyq ayaqdopshylar algha shyqty.

Osylaysha, futbol merekesining saltanatty ashyluy barqyt aspanda jarqyraghan otshashularmen ayaqtaldy. Stadionnyng kýmis sәule shashqan projektorlarynan da biyik kókte otshashular arqyly «Qazaqstan futbolyna – 100 jyl» degen jazu órnekteldi.

Qazaqstan men Germaniya ayaqdopshylary tәjiriybe almasady

Futbol merekesi shenberinde alys-jaqyn shet elderden kelgen jәne otandyq futbol ardagerleri BAQ ókilderimen baspasóz mәslihatyn ótkizdi.

Olardyng arasynda aty anyzgha ainalghan әlemdik futbol júldyzdarynyng biri, Germaniya qúramasy sapynda dop tepken nemis futbolshysy, Europa chempiony (1980 jyl), Germaniya chempiony (1979, 1982, 1983 jyldar), Europa chempiondary Kubogining iyegeri (1983 jyl) jәne birneshe mәrte ýzdik shabuylshy ataqtaryn jenip alghan Horst Hrubesh te bar. Ol býginde Germaniyanyng últtyq jastar qúramasyn jattyqtyrady.
Almaniyalyq meyman Semeyge sapary barysynda qazaqstandyq jәne nemis futbol federasiyalary arasynda ózara әriptestikti damytu turaly memorandumgha qol qoydy.

– Birinshi kezekte, shaqyrghandarynyz ýshin rizashylyghymdy bildiremin. Búl – men ýshin ýlken qúrmet. Sizderdi Germaniya futbol federasiyasynyng atynan Qazaqstan futbolynyng 100 jyldyq mereytoyymen qúttyqtaymyn. Eki elding futbol federasiyalary arasynda әriptestik qarym-qatynasty damytu turaly memorandumgha qol jetkizgenimiz ýshin quanyshtymyz. Búl – futbol ómirindegi tarihy oqigha. Osynday ekijaqty baylanystar arqyly qazirgi uaqytta Germaniyada jastar futbolyna investisiya qúi barysyn bayqaugha, zerdeleuge bolady. Olar - erteng últtyq qúramada óner kórsetetin jastar. Futboldy damytuda atqarylatyn júmystar leginde ózara tәjiriybe almasu qay-qaysymyzgha bolsyn, paydaly. Biz osy salada әri qaray júmys istey otyryp, oigha alghan maqsat-múrattarymyzdy birge jýzege asyramyz, – dedi Horst Hrubesh myrza.

Qazaqtyng túnghysh futbolshysy, әlemge әigili jazushy Múhtar Áuezovting úly Múrat Áuezov te futbol merekesining qúrmetti meymany retinde shaqyrylghan bolatyn. Belgili ghalym, mәdeniyettanushy Múrat Áuezov óz sózinde futboldyng milliondaghan jankýierdi nәsiline, últyna qaramay bir arnagha toghystyratyn, bir ortagha júmyldyratyn ýlken mәdeniyet ekenin atap ótti. Ol HH ghasyr basynda Abaydyng shәkirtterinen qúralghan, oqyghan, kózi ashyq azamattardyng Alash iydeyasyn taratqan qalalarynyng biri Semey ekenin, osy shahardan qazaq dalasyna ónerding san salasy sәulesin shashqanyn jetkizip, onyng ishinde últ tarihynda alghash ret futbol ónerining de keng saharagha jetuine Alash qayratkerlerining aitarlyqtay ýles qosqanyn, olardyng arasynda keleshek zanghar jazushy, sol kezdegi jas jetkinshek Múhtar Áuezov te bolghanyn aitty. Múrat Múhtarúlynyng aituynsha, onyng әkesi oinaghan «Yarysh» komandasynyng qazaqsha atauy «Jarys» dep atalady.

– Býgin bolashaghy nәtiyjeli basqosu bolyp jatqanyna kuә bolyp otyrmyz. Oghan esh kýmәnim joq. Ruhany qozghalystar oshaghy atanghan Semey jerindegi búl bastama da býgingi kýnmen shektelmeydi. Búl mereke – memleket sportynyng damuyna ýlken serpin beredi. Úlan-baytaq jerimizde futboldyng Semeyden bastau aluy tegin emes. Búl – erekshe ólke. Abay men Shәkerimnin, Múhtardyng tughan, ósken-óngen, nәr alghan, adamzattyq asyl múralaryn qaldyrghan ghajayyp jer. Alayda, qyrqynshy jyldardyng sonyn ala atomdyq synaqtar alanyna ainaldy. Tipti, onyng quaty Hirosima men Nagasakiyge tastalghan bombadan artyq bolsa-daghy, búl jer barlyq qasiretti basynan keshire otyryp, úly maqsattargha degen úmtylysyn saqtap qaldy. Sondyqtan býgingi tanda da jana esimderdi tanytyp jatqan zamanauy futbol qozghalysynyng Semeyde bastaluy tegin emes, – dedi Múrat Áuezov.

Bishkekting «Algha» komandasynyng ókili Vladimir Oreshin futboldyng ortaq otbasylyq sezim siyaqty ýlken qasiyetterdi biriktiretin oiyn ekenin jetkizdi.

– Biz kóptegen qazaqstandyq komandalarmen dostyq baylanystamyz. Bir-birimizben jii jýzdesip túramyz. Qyrghyz futbolshylary kóptegen qazaqstandyq komandalar sapynda óner kórsetedi. Jaqynda ghana Ystyqkólde TMD elderinen kelgen 80 komanda arasyndaghy oiyn ayaqtaldy. Onyng ishinde Qazaqstannan 5 komanda boldy. Jәne aldynghy oryndardan kórindi. Yaghni, futbol – ózara bauyr, tuys bolyp ketken, bir sportpen shúghyldanatyn otbasy ispetti. Qazaqstandyq futboldyng gýldenuine tilektespin, – dedi «alghalyq» ardager.

Osy komandanyng taghy bir oiynshysy Yusup Músaev 50 jyldan astam qazaqstandyq futbolshylarmen dostasyp kele jatqanyn, Qazaqstan futbolynyng europalyq turnirlerding qatysushysy atanghanynda búl quanyshqa ózderi jetkendey qatty quanghanyn jetkizdi. Onyng aituynsha, Qazaqstan futbolynyng әlem birinshilikterine qatysatyn kýni tym alys emes.

Al Kiyevten at arytyp jetken Andrey Biba qazaqstandyq futbol merkesine óz ýlesterin qosugha asyq bolyp, qazaq elin saghynyp qalghandaryn atap ótti.

– Býgin biz jastyq shaghymyzdy eske týsirdik. Horst Hrubeshti kórgende, oghan qarsy qalay oinaghanymyz esimizge týsti. Ertede bolghan búl oiyn onyng da esinde eken. Mine, Qazaqstan futbolynyng 100 jyldyq merekesi bizge osynday kónil týkpirinde jatqan jastyq shaqqa degen saghynyshymyzdy oyatugha týrtki bolghandyghymen de qúndy. Biz de әriptestikti belsendi týrde damytugha mýddelimiz, – dedi ukrainalyq futbol ardageri Andrey Biba. Tbilisiyding tarlany Otar Gabeliya, qazandyq «Rubinnin» qorghaushysy Evgeniy Kruglov Semeyde ózderin komanda jankýierleri әuejaydan kýtip alghanyn aityp, búl jayt maqtanysh sezimi bolyp keudelerin kernegenin jetkizdi. Qazandyq futbolshylar kez-kelgen iltipattyng qaytarymy boluy tiyis ekendigin, búl rette Semeyding ardagerler qúramasyn juyqta tatar eline qonaqqa shaqyratyndyqtaryn atap ótti. Sonday-aq, Reseyding mandayaldy jattyqtyrushylarynyng biri Qúrban Berdyevting beynetaspagha jazylghan qúttyqtau sózin tabys etti. Mәskeulik «spartaktyqtar» atynan sóz alghan Vladimir Bukiyevskiy Nikita Simonyannyng qúttyqtauyn jetkizdi. Semeylik futbol ardagerleri mәskeulik әriptesteri atynan joldastyq kezdesuge shaqyru aldy. Sonday-aq, ózimizding «Qayrattyn» oiynshysy Asqar Qojabergenov pen semeylik Sergey Kalinin de meymandargha ystyq lebizderin bildirip, komandalar arasyndaghy oiyn órnegine kózayym bolugha shaqyrdy. Baspasóz mәslihaty sonynda tilshiler men jankýierler futbol sheberlerine týrli saualdar qoyyp, qoltanba alyp, estelik ýshin birge suretke týsti.

Kóshe atauy auysty

Mereytoy shenberinde Semey qalasyndaghy búrynghy «Deneshynyqtyru» kóshesine «Qazaqstan futbolyna – 100 jyl» atauy berildi. Osy atauly sharagha jinalghan kópshilik aldynda aimaq basshysy Berdibek SAPARBAEV futbol ardagerlerin Shyghys Qazaqstan oblysynda «Qazaqstan futbolynyng 100 jyldyghyna – 100 futbol alany!» úranymen salynghan futbol alandarymen tanystyrdy. Aymaqtyng barlyq qalalary men audandarynda salynghan jana futbol alandary slayd arqyly tanystyryldy.

– Biz sportpen shúghyldanatyn balalar men jastargha arnalghan jaghdaydy birtindep jaqsartugha mýmkindik aldyq. Osy kóshede de futbol alany salyndy. Keler jyly taghy eki alang saludy josparlap otyrmyz. Jyl basynda oblysymyzda 465 alang bolsa, býgingi merekege arnap 101 futbol alanyn ashtyq. Taghy 9 alandy jyl sonyna deyin ayaqtaymyz. Býginde ónirdegi barlyq iri eldi mekenderde futbol alandary bar. Juyrda ghana Qytaymen shekarada ornalasqan Kýrshim audanynda 2 myng oryngha arnalghan jabyq minberi bar stadion keshenin ashtyq, – dedi oblys basshysy.

Sonymen qatar, jinalghan kópshilik óniraralyq integrasiya shenberinde jәne otandyq futbol merekesining qúrmetine Qyzylorda oblysynan shyghyp, Qaraghandy, Pavlodar oblystaryn basyp ótip, Semey qalasyna jetken velosherushilerdi qarsy aldy.

Aymaq basshysy veloshabandozdardyng enbegin erekshe atap ótti. Futbol mereytoyyna arnalghan velosheruding Qyzylorda oblysynan bastaluy tegin emes. Óitkeni, әlemge әigili qazaqstandyq velosportshylar Marat Satybaldiyev pen Sergey Kapustin – Qyzylordanyng tumasy.

Velosherushiler atynan sóz alghan Erghaly Shómishbaev 17-qyrkýiekte Qyzylorda qalasynan bastalghan velosheruding Semey qalasyna deyin úzaq joldy basyp ótkenin, veloshabandozdar jýrgen jolynda qazaqstandyq futboldyng jetistikterin nasihattaghanyn atap ótti. Semey qalasynyng әkimi Aybek Kәrimov veloshabandozgha tenbil dopqa úqsatyp jasalghan taqiya tartu etti.

– Qazaqstan Tәuelsizdik alghannan beri sportqa, onyng ishinde futbolgha kóp kónil bólude. Elbasy Núrsúltan NAZARBAEV sayasatynyng negizgi bóligi densaulyghy myqty, bilimdi jas úrpaq tәrbiyeleuge baghyttalghan. Ásirese, biyl el futboly birqatar jetistikterge qol jetkizdi. Ony jankýierler «Shahter», «Aqtóbe» komandalarynyng oiynynan da kórip jýr. Atauly mereke jәne futboldy әri qaray nasihattau maqsatynda Semey qalasy mәslihatynyng sheshimimen búrynghy «Deneshynyqtyru» kóshesi «Qazaqstan futbolyna – 100 jyl» dep atalady. Búl – qazaq elining futbol ónerimen búrynnan ainalysyp kele jatqanyn, tarihy terende ekenin kórsetedi, – dedi oblys Ákimi Berdibek SAPARBAEV.
Kóshe atauyn auystyru saltanatynan song oblys Ákimi Berdibek SAPARBAEV jana futbol alanynda Shәkerim atyndaghy uniyversiytetting innovasiyalyq tehnologiya jәne agrarlyq fakulitetteri arasyndaghy oiyndy dop baghyttap bastap berdi. Búl uaqytta Semeyding barlyq futbol alandarynda týrli komandalar arasynda onnan astam turnir bir mezette ótip jatty. Mәselen, qúlaghy mýkis balalar arasynda qalalyq turnir úiymdastyryldy. Semeydegi estu qabileti nashar balalargha arnalghan mektep-internattyng oqushylary qatysqan jarys ta óz dәrejesinde ótti.

Semeydegi Samat Smaqovtyng mektebi

Sportqa da aqyl-oy kerek. Shәkerim atyndaghy uniyversiytette túnghysh ret ótken «Qazaqstan futboly jәne onyng keleshegi» taqyrybyndaghy ghylymiy-tәjiriybelik konferensiya barysy osy oigha qazyq boldy. Oblys Ákimi Berdibek SAPARBAEVTYNG bastamasymen úiymdastyrylghan konferensiyada futboldaghy jedel-taktikalyq oilau erekshelikteri, qazirgi qoghamdaghy futboldyng damuyna әser etushi negizgi faktorlar ghalymdar tarapynan jiti saraptalyp, ghylymy taldaular arqyly týsindirildi. Qazaq turizm jәne sport akademiyasynyng professory, pedagogika ghylymynyng doktory Igori Andrushishin men Altay ólkesi Rubsov industriya institutynyng kafedra mengerushisi Evgeniy Tepluhin jasaghan bayandamalar futboldy ghylymy túrghydan óristetuding negizgi baghyttaryn ashyp kórsetti. Aymaq basshysy futbol turaly teoriyalyq ilimdi damytu býgingi jattyqtyrushylar men ústazdar ýshin ýlken ghylymy izdenisti qajet etetindigin atap ótti. Otandyq bilim beru salasyndaghy búl olqylyqtyng ornyn Qazaqstannyng futbol federasiyasy toltyryp otyrghangha úqsaydy. Óitkeni, atalghan úiymnyng úitqy boluymen kóptegen jas futbolshylarymyz Europa men Amerika elderine әdistemelik biliktilikterin jetildiru kurstaryna attana bastady.

Uniyversiytet aldynda belgili qazaqstandyq futbolshy, býgingi tanda Týrkiya klubynda óner kórsetip jýrgen talantty shyghysqazaqstandyq jerlesimiz Samat Smaqovtyng futbol mektebining tәlimgerlerimen jýzdesuding sәti týsti. Býgingi tanda búl mektepte semeylik 50-den astam bala jattyghady eken. Onyng barlyq shyghyndaryn Samat Smaqovtyng ózi kóterip alghan. Balalardyng tek futbolgha degen yntasy bolsa bolghany. Semeydegi futbol toyyna Almaty әuejayyndaghy túmangha baylanysty kele almaghan Samat Smaqovtyng búl bauyrmaldyghyna, otanshyldyghyna airyqsha riza boldyq. Smaqovtyng shәkirtteri qoldaryna ústaghan doptaryna futbol ardagerlerin týstep túryp, qoltanba qoydyryp jatty.

«Qayrattyn» qayraty

Futbol ardagerleri arasynda úiymdastyrylghan shaghyn kezdesulerding nәtiyjesimen de bólise keteyik. ýshinshi oryn ýshin jasyl alangha Semeyding «Spartagy» men Qazannyng «Rubiyni» shyqty. Al turnir Kubogi ýshin mәskeulik «Spartak» pen almatylyq «Qayrat» talasty. «Spartak» stadionynda ótken qos kezdesu de tartysty boldy. Semeylikterding birneshe mәrte tamasha mýmkindigi bolghanymen Tatarstannan kelgen meymandar ózderine berilgen mýmkindikti qalt jibergen joq.

Jankýierler aqtyq kezdesudi bar jan-tәnimen tamashalady. Alghashqy taymnyng songhy minuttarynda bar kýsh-jigerin júmsaghan Avdeevting alapaty osy turnirde asty. «Qayrattyn» qayratty oiynshysy turnirding ýzdik shabuylshysy atandy. Onyng qorjynynda barlyghy 6 gol tirkeldi. Degenmen, aqtyq synda Avdeevting baghyttaghan doby «Spartak» qaqpasynyng jaqtauynan keyin qaytty. Ekinshi taymnyng da eleuli qyzyqtary mol boldy. Eki komandanyng da ayaghynda kezek qaqpaqylgha týsken ala dop turnirding topjarghany kim ekenin boljaugha mýmkindik bermedi. Taymnyng sheshushi sekundtary qalghanda ghana Vahid Masudov esep ashty. Mәskeulik komanda qalghan uaqytta qansha talpynsa da «Qayrattyn» qaqpasynan sanylau taba almady. Osylaysha, 1:0 esebimen Almatynyng ataqty «Qayratynyn» jenisi Qazaqstan futbolynyng 100 jyldyghyna arnalghan tamasha tartu boldy.

Futbol mereytoyy ayasynda bir kezderi óte joghary mәnge ie bolghan «Milliondar Kubogi» qayta jandandy. Qazaqstannyng barlyq qalalary men audandarynan qatysqan balalar komandalary arasyndaghy irikteu syndary jaz boyy ótti. Osylaysha, Semeyge jetken 12 komanda sapynda 200 jas futbolshy boldy. Olardyng arasynda ýzdik nәtiyje kórsetken komandalar men jekelegen oiynshylardy futbol toyynyng mәrtebeli meymandary marapattady. Finalgha Aqtóbe men Aqmola oblystarynyng jetkinshekteri shyqty. «Milliondar Kubogi» aqtóbelik balghyndardyng qanjyghasynda ketti. Sonymen qatar, Resey, Mongholiya, Qyrghyzstan jәne Qazaqstannyng 100-den astam baluandary qatysqan Dәulet Túrlyhanov atyndaghy qazaq kýresinen II halyqaralyq turnir de Semeydegi ýlken mereytoydyng qúrmetine arnaldy.

Semeydegi oblystyq tarihiy-ólketanu múrajayynyng qyzmetkerleri jyl boyy jinaghan qazaqstandyq futbol tarihyna qatysty qúndy jәdigerler kórmesi de júrtshylyqtyng qyzyghushylyghyn tudyrdy. 100 jyldyq tarihtan habar beretin jәdigerler qatarynda futbolshylardyng suretteri, qújattary, týrli búiymdary bar.

Futbol merekesi Semeyding ortalyq alanynda qazaqstandyq óner sheberlerining qatysuymen ótken konsertpen týiindeldi.

Abay-aqparat