Elimiz keshe «Respublika kýnin» ekinshi ret merekeledi. Elimizding týkpir-týkpirinde merekelik is-sharalar bolyp, kógildir ekrandardan patriottyq taqyryptaghy baghdarlamalar men filimder kórsetildi. Sonymen, keshegi kýn nesimen este qaldy? Keshe bolghan basty oqighalar men memlekettik manyzy bar qalalarda ótken sharalargha az-kem toqtalyp óteyik.

(Suret Azattyq radiosynan alyndy)

Biylghy «Respublika kýni» últtyq merekesi qarsanynda birneshe qalada miting úiymdastyrylmaq boldy. Biraq olardyng ótuine jergilikti әkimdikter rúqsat bermedi. Soghan qaramastan әr qalada kóshege shyqpaq bolghan birneshe qaraly kisini poliyseyler ústap әketip jatty. Jalpy halyqtan merekelik kónil-kýy sezilmegeni de ras.

(Suret Aqorda saytynan alyndy)

Búdan bólek, «Respublika kýni» Aqordadan marapat jaughan kýn boldy. Satyrlaghan medalidardyng arasynan búghyp ótken adamdar ghana aman ótti desedi júrt. Sozbaqqa salmay, Aqorda taratqan aqparatty aldarynyzgha jayyp salayyq.

Respublika kýni qarsanynda Preziydent Qasym-Jomart Toqaevtyng Jarlyghymen elimizding әleumettik-ekonomikalyq, mәdeniy-ruhany damuyna, halyqtar arasyndaghy dostyq pen yntymaqtastyqty nyghaytugha qosqan eleuli ýlesi men belsendi qoghamdyq qyzmeti ýshin bir top azamat memlekettik nagradalarmen marapattaldy. Olardyng qatarynda óndiris, biznes, bilim beru, densaulyq saqtau salalarynyng kórnekti ókilderi, әskery qyzmetshiler, qúqyq qorghau organdarynyng qyzmetkerleri, sportshylar, enbek ardagerleri, mәdeniyet jәne ghylym qayratkerleri bar.

(Suret Aqorda saytynan alyndy)

Sonymen, «Qazaqstannyng Enbek Eri» ataghy 3 adamgha, «Otan» ordeni 4 adamgha, I dәrejeli «Barys» ordeni 4 adamgha, II dәrejeli «Barys» ordeni 3 adamgha, III dәrejeli «Barys» ordeni 6 adamgha, «Parasat» ordeni 7 adamgha tabystaldy.

Preziydentting tapsymasymen biyldan bastap «El birligi» ordeni taghayyndaldy. Atalmysh syilyq últ birligin nyghaytu jәne qoghamdyq tatulyqty qamtamasyz etu jolyndaghy jemisti enbek etken jandargha tabystalady. «El birligi» ordenimen 7 adam marapattaldy.

Biyl qúrmetti marapattar qataryna «Qazaqstannyng halyq jazushysy» jәne «Qazaqstannyng halyq әrtisi» ataqtary qosyldy.

T.Ábdikúly, S.Elubaev, B.Núrjekeev, S.Smataev, A.Ashirov jәne L.Shashkova «Qazaqstannyng halyq jazushysy» atansa, D.Ahimovqa, M.Tokarev, D.Aqmolda, Sh.Ábilov, T.Kýzenbaev, R.Stamghaziyev, D.Qúdaybergen, A.Ýlkenbaeva «Qazaqstannyng halyq әrtisi» qúrmetti ataghyna ie boldy.

Búdan bólek, «Qúrmet» ordeni kemi 5 adamgha, III dәrejeli «Enbek Danqy» ordeni 94 adamgha, II dәrejeli «Dostyq» ordeni 1 adamgha, «Eren enbegi ýshin» medali 3 adamgha, «Erligi ýshin» medali 2 adamgha, «Shapaghat» medali 1 adamgha, «Qazaqstannyng enbek sinirgen qayratkeri» qúrmetti ataghy 31 adamgha, «Qazaqstannyng enbek sinirgen ústazy» qúrmetti ataghy 1 adamgha,

QR Qúrmet gramotasy 143 adamgha tabystaldy.

Áskery jәne qyzmettik boryshyn ýlgili atqarghany, zandylyq pen qúqyqtyq tәrtipti qamtamasyz etude, elding últtyq qauipsizdigi men qorghanys qabiletin nyghaytu kezinde kórsetken erligi men qajyr-qayraty ýshin әskery qyzmetshiler men qúqyq qorghau organdarynyng ókilderi I jәne II dәrejeli «Danq» ordenderimen, II jәne III dәrejeli «Aybyn» ordenderimen, «Erligi ýshin» jәne «Jauyngerlik erligi ýshin» medalidarymen marapattaldy.

Al megapolisterde qalay atalyp ótti, sony aitayyq.

(Suret Astana әkimdigining saytynan alyndy)

Astanada Respublika kýnin merekeleu ayasynda oray ýkimettik emes 200-den astam mәdeniy-búqaralyq, bilim beru, sporttyq jәne әleumettik is-sharalar úiymdastyryldy.

Sonymen qatar, Elordanyng birqatar túrghyny «Qúrmet» ordeni,

«Eren enbegi ýshin», «Shapaghat» medaldarymen marapattaldy. Búdan bólek, ýkimettik emes úiymdardyng ókilderine de marapattar tabys etildi.

Sonday-aq, Respublika kýnin merekeleu ayasynda elorda túrghyndary «Mening elim – Mening tuym!» chellendjin jasady. Astananyng bes audanynda terezeler men balkondargha jәne kóshe boyyna 1000-nan astam tu ilindi.

(Suret Almaty әkimdigining saytynan alyndy)

Al Almaty qalasynyng әr audanynda tanghy 10:00-den keshki 20:00ge deyin onnan astam is-shara (merekelik konsert, sporttyq jarystar, kórme, jәrmenke) úiymdastyryldy. Osynau merekelik sharalargha әkim Erbolat Dosaev bastap, qogham qayratkerleri, mәslihat deputattary, qalanyng shygharmashylyq ziyalylary jәne t.b. qatysty.

Búdan bólek, Almaty qalasynyng әkimi Erbolat Dosaev Abay atyndaghy Qazaq últtyq opera jәne balet teatrynyng ghimaratynda Qazaqstan Preziydenti Qasym-Jomart Toqaevtyng atynan 75 túrghyngha memlekettik nagradalardy tapsyrdy. Olardyng ishinde densaulyq saqtau, bilim beru, mәdeniyet, biznes, kólik salalarynyng ókilderi, enbek ardagerleri, sonday-aq qogham jәne sayasy qayratkerler bar.

Memleket basshysynyng Jarlyghymen 1 dәrejeli «Barys» ordenimen «Q.I. Sәtbaev atyndaghy Geologiya ghylymdary instituty» JShS diyrektory Geroy Joltaev marapattaldy. Qazaqstannyng Enbek sinirgen qayratkeri qúrmetti ataghy kompozitor Elimira Dehganiyge mәdeniyetting damuyna qosqan ýlesi ýshin berildi.

2 dәrejeli «Enbek Danqy» ordenimen «Almatyelektrotrans» JShS avtobus jýrgizushisi Ákimjan Júmabaev marapattaldy.

Sonday-aq, qala әkimi Memleket basshysynyng atynan almatylyqtargha «Parasat», «Qúrmet», 3 dәrejeli «Enbek Danqy» ordenderin, sonday-aq «Eren enbegi ýshin» jәne «Shapaghat» medalidaryn  tapsyrdy.

Sharada Qazaqstan Respublikasynyng Qúrmet gramotasyn on adam iyelendi.

(Suret әleumettik jeliden alyndy)

Shymkent qalasy da Respublika kýnine oray birneshe shara úiymdastyrdy. Olardyng ishinde saltanatty keshten bastap, sporttyq jarystar, bos júmys oryndarynyng jәrmenkesi de bar. Qala әkimi týrli salada qyzmet atqarghan birqatar azamatqa «Qúrmetti azamat» ataghyn berip, «Barys», «Parasat», «Qúrmet», «Enbek Danqy» ordenderi men «Eren enbegi ýshin», «Shapaghat» medaldaryn tabystady.

Abai.kz