"Resey men Qazaqstannyng shekarasy delimitasiyalanyp, negizinen demarkasiyalanghan. Eki elding parlamentteri tarabynan bektilip, ratifikasiyalanghan. Sondyqtan Reseyding aumaqtyq talaby boyynsha bizde eshqanday qauip joq", - dedi Toqaev.
Toqaev sonymen birge Astana Batystyng Reseyge qarsy sanksiyalaryn oryndaydy dedi.
"Qazaqstan Batystyng Reseyge qarsy sanksiyalaryn saqtaydy. Biz sanksiyalyq rejimdi saqtau ýshin barlyq tiyisti úiymdarmen baylanystamyz", - dedi Toqaev Berlinde Germaniya kansleri Olaf Sholispen kezdesuden keyingi baspasóz mәslihatynda.
Qazaqstan men Resey delimitasiyalau kelisimine 2005 jyly qol qoyghan. Biraq is jýzinde shekarany tolyq bekitu әli ayaqtalmaghan. 2021 jyly Atyrau oblysynyng Kóptoghay auylynda jergilikti túrghyndar shekara baghandaryn ornatugha qarsylyq bildirgen. Olar búl su alugha kedergi bolatynyn aitqan. Qazaqstannyng shekara qyzmeti eshkimge jer berilmegenin, ózenge baratyn jol saqtalatynyn mәlimdegen.
2023 jyldyng aqpan aiynda Qazaqstannyng shekara qyzmeti elding shyghysyndaghy 300 shaqyrym jerde Reseymen shekara syzyghyna әli baghan ornatylmaghanyn aitqan.
Reseylik sayasatkerler oqtyn-oqtyn Qazaqstangha aumaqtyq talap qoyyp keledi. Ásirese, Ukrainada soghys bastalghannan keyin birqatar reseylik sayasatkerler Qazaqstan jerine kóz tigip otyrdy. Búl Qazaqstannyng aumaqtyq tútastyghyna qol salu qauipi retinde baghalanyp keledi.
