Azamattyq belsendi Túrarbek Qúsayynov Almatyda orys qolbasshysy Aleksandr Nevskiyge arnalghan eskertkishting qoyyluyna qarsy.

«Tariyhqa kóz jýgirtsek, knyazi Aleksandr Nevskiy Altyn Ordagha amalsyz bas iygen. Ol bizding kóshpendi ata-babamyzdy jek kórgen, tek sayasy biyligine moyynsúnuyna tura kelgen. Tarihshylar onyng naghyz imperialist jәne dinning fanaty bolghanyn aitady. Kremli men Putin pir tútatyn, әskery imperialist Aleksandr Nevskiyge Qazaqstannyng ontýstik astanasy – Almatydan eskertkish ashudyng keregi ne?»,-deydi belsendi.

Bir kýn búryn, pravoslavtardyng resmy sayty mitropolia.kz 13 shildede Almatyda orys qolbasshysy Aleksandr Nevskiyge arnalghan eskertkish ashylady, dep jazdy. Saytta Patriarh Kirillding batasymen, Qazaqstan preziydenti Q.Toqaevtyng rúqsatymen eskertkish ornatylyp jatqany aitylghan.

Eskertkishting basty missiyasy Qazaqstan qoghamyn birlik pen tatulyqqa shaqyru, sebebi Monghol imperiyasyna birneshe mәrte bas ie barghan Aleksandr-Nevskiy diplomatiyalyq qyzmet atqarghan delingen aqparatta.

Sonday-aq mitropolia.kz sayty Almaty qalasyn maqalada kenestik ýlgide «Alma-Ata» dep jazypty. Alayda qazir maqala óshirilgen.

Orys knyazine eskertkish ornatu turaly әngime osydan 3 jyl búryn shyqqan. 2020 jyly jeltoqsanda sol kezdegi mәdeniyet jәne sport ministri Aqtoty Rayymqúlova men Qazaqstan mitropoliyti Aleksandrding kezdesuinde josparlanady.

2021 jyly Aleksandr Nevskiyding tughanyna 800 jyl tolady. Soghan oray Almatydaghy ghibadathana aldynda onyng monumenti túrghyzylady, dep jazyldy BAQ-ta.

«Kezdesuge qatysushylar 2021 jyly Almatyda janadan salynghan Aleksandro-Nevskiy ghibadathanasynyng aldyna knyazi Aleksandrgha eskertkish qúru mәselesin qarastyrdy. Mitropolittik okrug basshysy aityp ótkendey, qazirgi uaqytta bedeldi suretshiler Úly dalanyng dәstýrlerine tәn, Qazaqstannyng halyq batyrlary sekildi atqa mingen adal biyleushini beyneleytin eskizdik joba әzirlenude»,-dep jazdy mitropolia.kz.

Abai.kz