«Qazaqstan barysy» respublikalyq turniyrin ótkizuge bólingen qarjynyng qanshalyqty zandy júmsalghany tekserilip jatyr.

«Qarjy monitoringi agenttigining tekserui turaly estidik. Atalghan tekseris 2011-2019 jyldar aralyghynda ótken «Qazaqstan barysy» turniyrine qatysty jýrip jatyr. Ol boyynsha biz jauap bere almaymyz, qúzyretimizge jatpaydy. Al biz óz qyzmetimizdi 2019 jyldan bastadyq, qayta qúryldyq. Osy kýnge deyin ýsh ýlken turnir ótkizdik. Eki ret «Qazaqstan barysy» jәne bir ret «Túran» Aziya chempionaty. Yaghny ol jyldary qorda basqa adamdar júmys istedi, sondyqtan biz jauap bere almaymyz», - dedi «Qazaqstan barysy» qorynyng resmy ókili Dias Ahmetsharip baspasóz mәslihatynda.

Sonday-aq, turnir úiymdastyrushylary budjet mәselesine kelgende qordyng júmysy ashyq ekenin aitty.

Eske salsaq, 21 mausym kýni Qarjy monitoringi agenttigining Almaty qalasy boyynsha departamenti sotqa deyingi tergeu ayasynda «Qazaqstan barysy» qazaq kýresinen turnir ótkizuge bólingen 1,075 mlrd tenge budjet qarajatynyng júmsalu zandylyghyn tekseru jýrip jatqanyn habarlaghan edi.

«Basshylardan, merdiger ókilderinen jauap alu, tintu jәne qújattardy aludy qamtityn tergeu jýrip jatyr. Tergeu mýddesin kózdeytin basqa aqparat jariyalanbaydy», - delingen resmy mәlimette.

Abai.kz