Qazaqstan industriya jәne infraqúrylymdyq damu ministrligi Astana qalasyndaghy LRT qúrylysyn qayta qozghau ýshin 50 milliard tenge bólinetinin habarlady. Ministr Marat Qarabaevtyng sózinshe, búl soma Astana әkimdigine biyl sәuirde beriledi.

Ol ýkimet otyrysynan keyin jurnalisterding súraqtaryna jauap berip túrghanda: "LRT qúrylysy ayaqtalady. Biyl kerek qarjy qarastyryldy. Qúrylysty Astana әkimdigimen birge talqyladyq. Júmys әuejay jaqtan bastalady. Aqshanyng bir bóligi vagon satyp alu ýshin avans esebinde beriledi" dedi. Alayda ol 10 jyl búryn bastalghan qúrylys qashan ayaqtalatynyn aitqan joq.

Memleket LRT jobasyn ayaqtau ýshin budjetten ondaghan milliard tenge bóletinin jyl sayyn aityp keledi. 2016 jyly Astana әkimdigi jobany sonyna jetkizu ýshin taghy da 1,5 milliard dollar kerek degen bolatyn. Týrli aqparatqa qaraghanda, 2015 jyldan beri 156 milliard tenge bólingen.

"Astana LRT" kompaniyasynyng qarjysy men sharuashylyghyn tekseru qorytyndysyn jariyalaghan respublikalyq budjetting júmsaluyn baqylau komiyteti joba óz-ózin aqtamaytynyna nazar audarghan.

Byltyr qyrkýiek aiynda Astana әkimdigi LRT qúrylysyn qalay bolghanda da ayaqtaugha tura keletinin mәlimdegen. Biyl Qazaqstan preziydenti Qasym-Jomart Toqaev Astanany damytu jónindegi keneste "Basqa tandau joq. Búl jobany ayaqtau kerek. Toqtatsaq, shyghynymyz odan da kóp bolady" degen.

2022 jylghy jeltoqsanda biylik LRT qúrylysy qarjy jetklikti bolsa, eki-ýsh jylda ayaqtalatynyn mәlimdegen.

Qazaqstan LRT qúrylysyn Qytaydan qaryz alyp bastaghan. Keyin toqtap qalghan qúrylysty júrtshylyq "jemqorlyqqa qoyylghan eskertkish" dep baghalaghan.

2021 jyly Astana soty arada birneshe ay ótken son, "LRT qúrylysynan aqsha jymqyrdy" degen aiyppen sottalghan "Astana LRT" kompaniyasynyng qyzmetkerleri men sheneunikterdi aqtaghan.

Astana qalasy әkimining búrynghy orynbasary Qanat Súltanbekov pen "Astana LRT-nyn" búrynghy jetekshisi Talghat Ardandy jemqorlyqpen kýres qyzmeti "Astana LRT" JShS qarjysyn jymqyrudy úiymdastyrushylar" dep ataghan. Ekeui de shetelge qashyp ketip, olargha halyqaralyq izdeu jariyalanghan.

Abai.kz