«AMANAT» Tóraghasy Erlan Qoshanov partiyanyng qazirgi júmysy jәne aldaghy saylau nauqanyna dayyndyq barysy turaly kenes ótkizdi. Is-sharagha ortalyq apparat qyzmetkerleri, belsendiler men ónirlik filialdardyng basshylyghy qatysty.

Erlan Qoshanov aldymen partiyalyqtardy tyndap, aldaghy saylau nauqanyna dayyndyq mәselesi boyynsha birqatar mindet jýktedi.
«Búl saylaugha «AMANAT» ýlken dayyndyqpen, zor senimmen bara jatyr. Kóp júmys atqaryluda. Bizding mýmkindigimiz mol. Aqparattyq jәne kadrlyq resursymyz jetkilikti. Qalyptasqan dәstýrli elektoratymyz, ýlken tәjiriybemiz bar. Endigi mindet – júmysty dúrys úiymdastyryp, qoghamdy ortaq maqsat jolynda júmyldyru! Partiya eldegi jýrgizilip jatqan reformalardyng aldynghy shebinde boluy kerek. Búl – bizding basty maqsatymyz», - dedi Erlan Qoshanov.

Atqarushy hatshy Elnúr Beysenbaev óz bayandamasynda býgingi kýni Mәjilis pen mәslihattargha kandidattardyng tizimin jasau jәne 7 aqpanda Astana qalasynda ótetin partiya Sezine dayyndyq jýrgizilip jatqanyn atap ótti.
Partiyanyng saylaualdy baghdarlamasyn jýzege asyru qorytyndylary turaly VII saylanghan Mәjilistegi partiya fraksiyasynyng deputaty Ekaterina Smyshlyaeva habarlady.
«Eki jyl ishinde 5 jylgha qoyylghan mindetterding ýshten biri tolyq kólemde oryndaldy. Tabighy gazben 140 eldi meken qamtamasyz etildi, 8,4 myng shaqyrym jergilikti jol jóndeldi, auyz sumen qamtamasyz etu boyynsha 200-den astam joba iske asyryldy. 84 myng oryngha layyqtalghan mektepke deyingi úiymdar ashylyp, ondaghy kezek tolyq avtomattandyryldy. Jalpy, Mәjiliste kóterilgen barlyq zang jobalarynyng 99%-y – «AMANAT» partiyasy fraksiyasynyng bastamalary»,- dedi eks-mәjilismen.
Sonday-aq, partiyanyng saylaualdy uәdelerin oryndau ayasynda 200 mynnan astam oqushy ornyna arnalghan 502 mektep salyndy. Búghan qosa, monoqalalarda, audan ortalyqtarynda jәne auyldarda 2 mynnan astam mektep janghyrtyldy. Joghary oqu oryndary men kolledjderding 20 mynnan astam studenti jataqhanagha ornalasty.
Óz kezeginde, partiya Hatshysy Elidar Júmaghaziyev «Auyl amanaty» jobasynyng aralyq qorytyndysyn jasady. Ol partiyanyng barlyq filialy atalghan jobany jýzege asyrugha baghdarlanghanyn airyqsha atap ótti.
«Preziydentting Saylaualdy baghdarlamasy ayasynda «Auyl amanaty» jobasy iske qosyldy. Jergilikti atqarushy organdarmen birlesip elimizding barlyq ónirinde 300 qanatqaqty auyldyq okrug tandap alyndy. Biyl respublikalyq budjetten osy maqsatta 52,4 mlrd tenge bólindi», - dedi Elidar Júmaghaziyev.
Partiya mýshesi, belgili zanger Baqytjan Bazarbek «Jer amanaty» komissiyasynyng qyzmeti jóninde aitty.
«Komissiyanyng aralasuymen auyl sharuashylyghy maqsatyndaghy 3,2 mln gektar jer memleket menshigine qaytaryldy. Komissiyanyng bastamasymen Auyl sharuashylyghy ministrligi ózge de memlekettik organdarmen birge qaytarylghan jerlerding interaktivti kartasyn әzirledi. Sonday-aq, komissiya júmys barysynda el aumaghyndaghy 3000-gha juyq ýleskerding qúqyghyn qorghady», - dedi ol.
Qúqyq qorghaushy Abzal Qúspan keneske qatysushylardy Atyrau oblysynda qanatqaqty joba retinde qolgha alynghan «Qúqyqtyq kómek» partiyalyq bastamasy turaly habardar etti.
«Birinshi kezekte biz auyldyq jerlerdegi halyqqa kenes berdik. Sebebi qúqyqtyq sipattaghy mәselelerdi sheshu kezinde qala túrghyndarynyng mýmkindigi kóbirek. Atyrau oblysynyng әrtýrli audandarynda barlyghy 100-den astam adam qabyldandy. Azamattardy aliyment tóleu, túrghyn ýidi jekeshelendiru, enbek daulary mәseleleri tolghandyrady», - dedi ol.
Keneske qatysushylargha partiyanyng Atyrau oblystyq filialynda iske qosylghan «AMANAT Service» qanatqaqty jobasynyng nәtiyjesi jәne aldaghy uaqytta «AMANAT»-tyng qoldauymen ótetin әielder forumyna dayyndyq júmysy turaly mәlimet berildi.

Abai.kz