Resey preziydenti Vladimir Putinning Ortalyq Aziya respublikalaryna úsynghan «gaz ýshtik odaghy» úiymyna eshkim qyzyghushylyq tanyta qoymady. Qazaqstan sanksiyalardy eskerip, Kremliding jana jobasynan bas tartqan, endi Ózbekstan da bas tartyp otyr.

«Ózbekstan kórshi elderden gaz jәne elektr energiyasyn satyp alu turaly kelissózder jýrgizude, biraq «qanday da bir odaq ne úiym arqyly emes», - dedi Ózbekstan energetika ministri Jorabek Myrzamahmudov.

Myrzamahmudovtyng sózinshe, Ózbekstan gaz tapshylyghyn kórip otyrsa da, «últtyq mýddesine, ekonomikasy men tәuelsizdigine» qauip tóndirgisi kelmeydi. Ózbekstan gazdyng jetispeushiliginen birqatar ónirlerde elektr quatyn qoldan óshirip, Tashkent pen Ferghana alqabynda gaz qún stansiyalarynyng júmysyn toqtatqan.

«Biz gaz alu ýshin ózge elding sayasy sharttaryn eshqashan qabyldamaymyz», - dep atap ótti ózbek ministri. Ol Ózbekstannyng Resey jәne basqa elderden gazdy qolayly baghagha jәne kelisimshart negizinde satyp alatynyn aitady.

«Reseyden gaz jetkizu turaly kelisim jasalghan kýnde de, ol odaq qúru degendi bildirmeydi. Ózbekstannyng Reseymen ortaq shekarasy joq. Sondyqtan gazdy kórshi Qazaqstan arqyly jetkizu turaly kelissózder jýrgiziletin bolady. Osynday tehnikalyq kelisimshart bolady», - dedi Myrzamahmudov.

«Ýshtik gaz odaghyn» qúru iydeyasyn Putin qarasha aiynyng sonynda Qazaqstan preziydenti Qasym-Jomart Toqaevtyng Mәskeuge resmy sapary kezinde aitqan. Onyng oiynsha, Resey gazy Ortalyq Aziya arqyly Qytay naryghyna shyqpaq.

«Resey, Qazaqstan, Ózbekstanda Kenes zamanynan beri birtútas gaz tasymaldau jýiesi qalyptasqan. Ózara yntymaqtastyqty keneytu ýshin bizde ýlken mýmkindikter bar», - degen edi Reseylik viyse-premier Aleksandr Novak.

Preziydent Toqaev elge oralghannan keyin eki kýn ótkende Qazaqstan búl iydeyany qabyldamaytynyn mәlimdedi.

«Ony talqylaugha әli erte, óitkeni búl әli iydeya ghana. Biraq Qazaqstan óz aumaghyn sanksiyalardy ainalyp ótu ýshin paydalanugha jol bermeydi. Sonymen qatar, biz ózimiz halyqaralyq mәselelerdi sheshu әdisi retinde sanksiyalardy qoldamaymyz», - SIM basshysynyng orynbasary dedi Roman Vasiylenko.

Ayjan Temirhan

Abai.kz